¹ Judi Yesu Kristo esun mɔtɔ kɔdo enɔvi Jaki ɖoxlan mɛ na ye yɔ be lilu ɔntɔ vivɛ le Mawu etɔ yi ɖawan na Yesu Kristo. ² Mawu eƞuzinzin kuku, kɔdo fifa, kɔdo liluun ne su mi mɛ ³ Nɔvi wanyi na nɔye un le donu hinhlɔn ma do wlan xwema ɖoxlan mi na miyé kpɔɛ ninɔ le hlingan na mi kpɔn mɛ. Un ɖo wlan xwema ado xoɔtò dona na mi (ise) na nua un ahwan vuɛɖe le xɔse na un manamiye xɔ setɔye tɛ gbɛ. ⁴ Ðo mɛɖeye jawan le mimɛ. Mɛ xɛnye nyi mɛ na yecan aɖokȏjonaye. Xonɔ vi, vivɛye, unle donu vivɛ nu à do wlan xwéma ɖoxlan mi dozon do hlungan na mi kpɔn le kpɔ ɛ ninɔ mɛle miɔ xwetɔ Yesu Kristo mɛ. ⁵ Trolo siɛ un ɖe susu be na flin nami be lokpo wɛ mie hlɛn gantɔ Yesu Kristo hlɛn Ajiptɛ to ɔ gan, vɔ lexɛntɔ agodoɔ, Yesu ba crɔn mɛna un ise ye. ⁶ Kesin kenyi Mawu ewɛn zangun ca na un hɛn ye acɛ kpikpa ye can vɔ gɔjo ye nɔxwe can do. Mawu joye do do caba mɛ tɛgbɛ do ɔzu vlumɛ na kojo ɖiɖo azan gbotɔ gbe. ⁷ Eci ɖiken soɖo mɛ kɔdo go mɔ ri, kɔdo eto na bo doye u can nayeyi yeɖe ji jodo na nu nyinya wiwa kesɛn. Jɛ ɔjro yetɔn wasiji. Ye nyi kpɔ de u na mɛ le ayaɖunu lezo maci gbedeɔmɛ kesɛn. ⁸ Le ninɔ mɛ xɛntɔ mɛɔn yexɔjui yea gbaja ye jo acὲ kpikpa do, bo lelɔ nu na yalɔ ado cizo na le Mawu egigo mɛ ye. ⁹ Arkanji Miceli tɔfɔté do lɛgba u dole hlinu Mɔyizi egbaza kɔdiɔ, unzui o. Vɔ bohun elo nibe Mawu adɔnto nɔ. ¹⁰ Vɔ ye un nyɔ nu egbɔn na yejɛ do lezunu mɛ o. Yele zunu mɛtɛtɛ ɖikɛn kena alan ye, ye un ɖo nu nyinyiɔ ado wa nuti kesɛn. Nu xɛnye wɛ huye. ¹¹ Kpɛnsɛ le yeji, ɖo yezɔn do kanyɛ enɔji, yesɔn, biɛ balamu enu masɔgbeye ewiwa gbɔn adojɛ ɔdɔkun. Ye crɔn le koria ahwanfɔn do ɛmɛ ji tɔ ye mɛ. ¹² Ejiɔ wɛ ye nyi le mie liluɔ zan ye mɛ. Ye le wanui enyan màle ɔ un mɛ. Yaɖu yajwɔdo, ye nyi ɔvidrɔ madosɛn, kena jɔɔn le funuɔ, yenyi ɔtinsu ma sɛn ɔkun. ɔɖɔ kuna hɔn na ye yeku do jɔwegi. ¹³ Exu amlin sisiɛn. We ye nyi, le kpɔkpɔn ye nyan ye. Ye nyi suhuɛɖɛ kena nu na leɔzuvlumɛnɛ kɔdo ɔzuvlu yiɖo awan tɛgbɛ tɛgbɛ ɔ. ¹⁴ Enɔku, aɖamu ɔkun kan àcowe gɔ lɔ exo etɔ ɖawan be, kpɔn,mi ehlɛngatɔ ba kɔdo gbɛtɔ habu habu miliye nyi mɛ kikɔnye. ¹⁵ Yeba yaba ɖo kojo na mɛ tɛtɛ le egbeɔ mɛ. Yaba ɖule mɛ mankɔn mankɔ tɛtɛji dosɔn ye wana masɔgbe ye u. Do sɔn ye xo lilɔye kɔdo ye nuvuɛye kɔdo ye ma ezetɔ ye lɔdo Yesu u ɔ. ¹⁶ Ye nyi mɛɖè, yenɔ lé hunu, nɔ le ehuɛ jɛnu, do ye susu nyinnyro, na yeɖoɔ gbɔn. ¹⁷ Vɔ miye liluɔtɔye nu flin xona miye hlinga tɔ Yesu Kristo e apotru lɔ na mi sanɔ. ¹⁸ Le gan xixo kpɔtɔɛ mɛɔ mɛ na nɔ canamɛ ye aba jɛ ye untɔ ye ɔjro yegbɔn le agbazo mɛ. ¹⁹ Emɛ xinye lerinu mima le ɔgun mɛ do ba. Ye un le gbigbɔ Mawu tɔn mɛo. ²⁰ Vɔ miye novi liluɔ tɔye. Milɛ Mawu sin na miede ye le gbigbo ye le (xosé) ise mɛ, eyɛ mia xodɛ le gbigbo wewe mɛ. ²¹ Minɔn Mawu eliluɔ mɛ; eyɔ wɛ mia ɖo ɔto Mawu e unzinzin kuku mie hligantɔ YEsu Kristo kena ehin do ba na akplan mi dosɔn gbɛmakpo makpo mɛ ɔ. ²³ Miku unzinzin na mɛ na le nu xanu ye. ²² Nu hlin mɛ kpɔtɔɛ ye gan na miodeye tɔn lezomɛ, na mɛ ɖeye ɔ mi mi ku unzinzin na ye le Mawu vivɔn mɛ. Mi gbewan na nuemɛ na minɔ do hin nueɖe hingbeye. ²⁴ Siɛɔ na mɛna tɛn un kplan mi na mi ma do jɛ a wan eyɛ a kun mi ejui tile niù o, kɔdo jijɔɛ kpikpɔn le gigono bo mɛ. ²⁵ Eyɔ lokponɔn, mie hlingantɔ e Mawu dozɔn do Yesu Kristɔ mie hlingatɔ. Anyi gigo, ɔxɔlu dutɔ, awan ninɔ, kɔdo hinhlon tɛtɛ nɔn, eso, egbe , kaka sɔn makpomakpo. Amὲn.