¹ Enu xɛn ye egoɖo ɔ, Yesu sɔn jɛ aɖa ɖe deɔ na galilee exu kna ye gɔ nɔn yɔ be Tiberiad exu. ² Ɛmɛ ha gbogbo ɖe jɛ ɔgbɔn nɛ. Do be ɛmɛ lekpɔnu enu wanayé kena ele wonu ɖo ɔzɔntɔye ji. ³ Yesu lɛ sɔn aɖa ji na ɔso ɔ eyɛ exina awan le ehɛn koɖo enukplavi ye. ⁴ Paki Juifs ye ekwe gogo xoxo ⁵ ganmɛ na Yesu kɛ ɔnkusi kpɔ ɛmɛ ha gbōo ɖe legbɔnu eɖe, elɔ na Philipe finɔwe wɛ mi a sɔn xo kpɔnon le a ɖo yi agun xɛn ŋ? ⁶ Vɔ Yesu elɔnu kesin a ɖo ɖō Philippe kpɔ: ɖo be eyɔ dytɔ yɔn enu na ele ka wa. ⁷ Philippe: ɖe ewuni "ŋka kpe no kpɔnɔnɔn xixɔ na ɛmɛ ɖe a kpe wu a yi kpɔnɔnɔ lokpɔ" ⁸ enukplavi lokpo ɖi Andre le ye mɛ, simon piyɛ enɔnvi lɔ na Yesu. ⁹ Evi nusuvi lokpo ɖe le fi kena ɖo orgi ekpɔnɔn a Tɔn kɔɖo ehwe ɔwe. Və ŋyikɔ enuxen kpe wu ka wa na ɛmɛ gbagba xɛn ye o?" ¹⁰ Yesu lɔ: "ni na eto ɔgun xi na awan" gan xɛn mɛ ɔ egbé susu le e elɛn kesiŋ wɛ ɛmɛ gbɛtɔyé xina awan eyɛ ye le ɖikɛn xixlemɛ (akpé atɔn). ¹¹ Eyɛ Yesu yi kpɔnɔn kikan eyɛ eyraɛ, bo jɛ miman na ɛmɛ na yina awan yé. Ema ehwe can kesiŋ ɖo ninɔn mɛ ləkpo ɔ ji ɖikɛn na ɖé na e jro ɖo ɔ. ¹² Kəna eto ɔ juɔ də, elɔ na enukplavi yé: "mi xotɛ kpɔnɔn kpeɖe na kpɔtɔ na "ŋti ŋka gbo" ¹³ Ye yotɛye Ajoxui ɛmɛ ɔsiɔwe kəɖo kpɔnɔn kikon atɔn atɔ̄n kikan yé na kpɔtɔ ganmɛ na ɛmɛ tɛtɛ nɔn ɖunuɔ. ¹⁴ Exɛnɔ kena eto ɔ kpɔn wana na ele wanuɔ ye lɔ: "ɛmɛxewɛ ŋyin lɔɖowantɔ kena ɖo aba ɛgbɛ mɛ. ¹⁵ Kəna Yesu ɖa ayite be ya ba wli ye a yiye ɖo ɖo ɔyɔlu ganu ganuɔ eglɔn ɖon eɖé sɔn ɔgaɖo le ɔso ɔji eyɔ lokponɔn. ¹⁶ Kəna hwe lɛkpɔ, enukplavi yé ɖiɖi jɛ jɛ exuɔ to. ¹⁷ Ye biɛ Aklomɛ eyɛ ye sa xuɔ aɖa jɛ Capernaüm (ɔziŋ nɔn le cɔnu gan xɛn mɛn ɛyɛ Yesu uŋkpɔn ba yé de a). ¹⁸ Jɔnhən gboo dé cite eyɛ exuɔ jɛ aɖan ji. ¹⁹ Kena enukplavi yé kun akɔka ɖikɛn ɔbɔ wivɔ atɔn lo egban kesiŋɔ ye kpɔn Yesu lezɔnnu le xuji gbɔnu ye akloɖe eyɛ ye jɛ vivɔn ji. ²⁰ Eji ejiɔ, enɔn lɔnaye "emlɔn wɛ vivɔn uŋka ɖomio o." ²¹ Ye jro be ya yi ɖo aklo ɔ mɛ, eyɛ zilokpoe aklo ɔ jɛ aga ɖo efina ye le sɔnu ɔ. ²² Awangban kplan edo ɔ, agoun na le aɖa ɖeɔ na exuɔ ɖo jɛsi be aklo ti keke uŋle flɛn eyɛ Yesu uŋbiɛ aklɔ mɛ kɔɖo enukplaviyé o, vɔ be enu kplavi ye ɖoɖonɔn wɛ sɔn. ²³ Hwele emɛnɔ; Aklo buye lɛ le Tiberiaɖe ɖo bā le efino ye ɖu kpɔnɔ yiynale ye adaji. ²⁴ Kena agun ba ŋuɛ be ati Yesu ati enukplavi ye uŋle flen, ye biɛ aklo mɛ jɛmon le sɔnu Yesu kangbé le Capernaüm. ²⁵ Kena ye ba kpɔɛ le aɖa ɖe ɔji na exuɔ, ye lɔ nɛ "Rabbi ganɛmɛ ɔbafi. ²⁶ Yesu ɖo ewu naye be: "xonu gbo xonugbo ɔ, mi le kanuŋ, uŋyi amlimonu na mikpɔn wutu vɔ mi ɖukpɔnɔn wutu eyɛ mi ju ɔɖɔ. ²⁷ Mi tɔ ezan wiwa te na nudu kena nɔn gun, vɔ mi wazan na nuɖuɖu kena lete tɛgbɛ tɛgbɛ na ɛgbɛ ma ɖo kpikpo kena ɛmɛgbɛtɔ evi aba na mi do be Mawu etɔ ɖo e jɛsi ewu." ²⁸ Exɛn mɛ ye le lɔnu nɛ " ŋyikɔ mi ɖo awa na mi a ɖo wa maw ezan ō. ²⁹ Yesu ɖu naye "eyɛ xe Mawu ezan lɛ xe eyɛ ŋyi be mi yise ɖo ɛmɛ na ezɔn ɖo hxlan ji" ³⁰ Eyɛ ye le lenuni "Amliman nɔnwe ɔga ka wa na mi a kpɔn eyɛ mi a kan ɖo xwe ji? Ŋyin kɔ ɔka wa? ³¹ Ini etoyé ɖu mana le zogbé, ɖikɛn wiwlan ɖawan kesiŋ: "enanye ɔjinwle kpɔnɔn be ye aɖu." ³² Exɛn wɛ Yesu ɖewu no yé: "le xonugbo xonugbo mɛɔ Moïsi mɛ na mi ɔjihwle kpɔnɔn oo, vɔ xo tɔ wɛ le na nu mi xonugbo kpɔnɔn ɔjihwle tɔn. ³³ Ɖo be Mawu e kpɔnɔn wɛ ŋyin lɛ jɛte sɔn ɔjihwle eyɛ ehɛn ɛgbɛ ba na ɛgbɛtɔyé. ³⁴ Exɛn wɛ ye lɔnɛ ye: "ɔxwetɔ, le kpɔnon xɛn na nu mi tɛgbɛ" ³⁵ Yesu ɖewu nayé: "emlɔn wɛ ŋyin ɛgbɛ kpɔnon ɛmɛ na ba xoɖe ɔ xovɛ uŋleka ci eyɛ ɛmɛ na yi xo ji se esinkɔ uŋle ka hwi gbéɖéo. ³⁶ Eji eji uŋnɔn lɔ na mi: "mi kpɔnuŋ vɔmi uŋ kanɖe ji o. ³⁷ Ɛmɛ tɛtɛ na xɔtɔ yi na uŋ yé ɔ ya ba xoɖe eyɛ mlɔn uŋ le ka ŋyan ɛmɛ kena a ba xode o. ³⁸ Ɖobe uŋjɛte sɔn ɔjinwle uŋyin bé ma ɖo wa mlon uŋtɔ xo jro o, vɔ ejro ɛmɛ na zɔn ɖohxlan tɔ. ³⁹ Eye ɛmɛ na zɔnuŋɔ ɖo xlan ejro exe be inlɔn uŋka bu ɛmɛ ti le ɛmɛ ye tɛtɛ kena eyi na uŋo vɔ be ma fɔn ye cite le awan gbigban kpeɖe, gbé. ⁴⁰ Ɖo bé eyɛ wɛ ŋyin etɔ ejro, be no ɛmɛ ɖekpekpé na kpɔn eviɔ eyɛ eyi eji séɔ a kpɔn ɛgbɛ ma ɖo kpikpo eyɛ ya gblɔn fɔn citɛ azan kpédeɔ ji." ⁴¹ Juifs ye cɔŋukɔn tɔ ye lé enutrɔnu ɖo Yesu wu be ŋyikɔ wutu alɔbe: "ye ŋyin kpɔnɔn nɛ jɛte sɔn ɔjihwle" ye lelɔnu. ⁴² Ŋuyin Yesu Joseph evi, kena mi ŋyɔn étɔ kɔdo énɔn? naɖe wa elɔ be "ye jɛte sɔn ɔjihwle." ⁴³ Yesu ɖewu na ye be "mi tɔte enu titro le mi ye édé mɛ. ⁴⁴ Ɛmɛ ti ŋutɔ ŋukpewu a ba xoɖe na ŋuyin be yɛ tɔ na zɔn ye ɖohxlon ŋuɖɔɛ eyɛ ye bafɔɛ cite le azon kpéɖé ɔ gbé. ⁴⁵ Lɔ ɖa awan tɔ ye wlan ɖa awan ye ɛmɛ tɛtɛ ya kplanu sɔn se mawuɖe ɛmɛ ɖekpékpé kena se, eyɛ ekplanu sɔn etɔ wu ɔ aba xo ɖe. ⁴⁶ Emɛ ti ŋu kpɔn etɔ tɔn vo na ɛmɛ na lɛ le Mawu ɖe ba o, ɛmɛ xe ɔ kpɔn etɔɔ. ⁴⁷ Le xonugbo mɛ ɔ ɛmɛ na yise aɖé ɛgbɛ maɖo kpikpo. ⁴⁸ Emlɔn wɛ ŋyi ɛgbɛ kpɔnɔn. ⁴⁹ Miye tɔye ɖu ma na le zogbe exɛ yeku. ⁵⁰ Kpɔnɔn na le te jɛnu sɔn ɔji hwle ɔ eyɛ le fi, eyɛ na ɛmɛ ɖe du kpɔnɔn xɛnɔ ŋugɔ aku o. ⁵¹ Emlɔn wɛ ŋyin ɛgbɛ kpɔnɔn ke no jɛte sɔn ɔji hwleɔ. Na ɛme ɖe ɖu kpɔnɔn xeɔ. Anɔn ɛgbɛ tɛgbɛ kpɔnɔn na ŋukɔ ba na wɛ ŋyin xo ɔwuju lan na ɛgbɛ le ɛgbɛ ɔ mɛ." ⁵² Juif ye jɛ ɔdɔmɛ ze di ɖo le ye ede mɛ eyɛ ye jɛ enu ɖi dɔn ji le lɔnu be "naɖe wɛ ujsu xɛn akpewu na mi e ɔwuju lan be mi a ɖu ɖo?" ⁵³ Exɛ wu ɔ Yesu le lɔnu naye: "Le xonu gbo xonugbo, na ɛmɛ gbetɔ evi ɔwuju lan ɖuɖu kɔdo enunu ma nɔn ɛmɛ o wa. Mi ma ɖo ɛgbɛ le mi eɖe mɛ o. ⁵⁴ Ɛmɛ na aɖu xo ɔwuju lan eyɛ aɖu xo ɔhun ɔ a ɖo ɛgbɛ ma ɖo kpikpo. Eyɛ ma fɔɛ cite le azan kpede ɔ ji. ⁵⁵ Ɖo ɔ xo ɔwuju lan wɛ ŋyin uŋɖuɖu xonugbo tɔn, eyɛ xo hunɔ ŋyin esiŋ nunu xonu gbotɔn. ⁵⁶ Ɛmɛ na ɖu xo uwju lan eyɛ enu xo ɔhoŋ ɔ anɔn ɛgbɛ le xo mɛ eyɛ eyɛ mlɔn can ma nɔn ɛgbɛ le xomɛ eye mlɔn can ma nɔn ɛgbɛ le emɛ. ⁵⁷ Ɖikɛn naɖe na ɛtɔ le ɛgbè zɔn uŋ ɖo hxlan, eyɛ ɖikɛn nade na uŋ le ɛgbɛ ɖo ɖo etɔ wu, kesiŋ wɛ ɛmɛ na aɖu ʊŋɔ a nɔn ɛgbɛ ɖo mlɔn xo wu. ⁵⁸ Eyɛ xe kpɔnɔn na jɛte sɔn ɔjihwle, uŋyin kena mi xe tɔye ɖu na yeku ɔ wɛ o. Ɛmɛ na ɖu kpɔnɔn xe ɔ anɔn ɛgbɛ tɛgbɛ." ⁵⁹ Yesu le exo xeye lɔnu le cɔci xɔmɛ ganmɛ na ele enukplanu ye le kapernaüm. ⁶⁰ Exɛnɔ enukplavi susuye, kena se exo ye, le lɔnu be: "enukpikpla sisiɛŋ wɛ ɛmɛ nɔwe kpewu ayigbé na? " ⁶¹ Yesu ŋɔɛ le eɖe mɛ be ye nukplavi ye le enutrɔnu ɖo exɛn wu ɔ elɔ naye "exe ɔ jɛ ɔgɔ ɖomi?" ⁶² Eyɛ na mi kpɔn ɛmɛ gbɛtɔ evi le xɛ nu ɔli hwle sɔn ⁶³ fina ele jɛhɔŋkɔ sanxoxɔ ɖe gbigbɔ wɛ nɔn na ɛgbɛ ɔwuju la uŋle na uŋti exo na uŋlɔ na mi ɔ ŋyi gbigbɔ kɔɖo ɛgbɛ. ⁶⁴ Coganke ɛmɛ ɖe ye le mi mɛ ye yise o." Ɖo ɔ Yesu le ɔgbɔn mɛ jijɛ ɔ ŋyɔn ɛmɛ na ŋuka ba yi ejise ye kɔɖo ɛmɛ na ka ba fluye ɔ. ⁶⁵ Lɔ: "enu xɛn wutu uŋlɔ na mi be ɛmɛ ti uŋkpewu ba xode kena etɔ uŋma ɖe egbɛ ni o. ⁶⁶ Exɛn godo ɔ énukpavie susu yé lɛ eyɛ ye uŋgɔ zɔn kɔdoe oo. ⁶⁷ Yesu lɔ na ɛmɛ si ɔwe ye be: "mi ecan mi kalɛsɔn?" ⁶⁸ Simon Piyɛ ɖewu nɛ: "ɔxwetɔ: "ɛmɛ nɔ we ɖe mi ka lɛ sɔn? Ɔɖɔ exo ɛgbɛ ma ɖo kpikpotɔn. ⁶⁹ Mi yise eyɛ mi ŋɔɛ be ɔŋyi kikɔn tɔ mawutɔn:" ⁷⁰ Yesu lɔ naye be: "uŋyin emlɔn wɛ can mi, ɛmɛ ɔsiɔwe ye ɔ, eyɛ le mi mɛ ɔ ɛmɛ lokpo ŋyi gbigbɔvɔɛ. ⁷¹ Judas xo wɛ elɛ lɔnu Simon Iscariot evi ɖo ɔ eyɔ wɛ ŋyi ɛmɛ lokpo le ɔsiɔwe xe mɛ kena flu Yesu.