¹ Keŋu gbɔ gbɔxue flabayi (Pâque) exue ado ba, Yesu nyɔn be ganmɛn su na yea dolɛ le egbɛ xiɔ mɛn sɔn yetɔ déɔ. Enyiwan na emɛn kena nyi etɔn le egbɛ ɔmɛn ye. Enyiwan na ye kaka do sɔnkpikpoxue. ² Ganmɛn na Yesu gɔdo enukplavi yele ɖúnù énu nwesa ɔ̀, lɛgbabiɛ susumɛn na Juda, Simɔn skariɔt evibe ni sa Yesu. ³ Kena Yesu nyɔ be Mawu yi enutɛtɛ yi ɔlɔmɛn na ye ɔ, be Mawu de yelɛle Mawu ɖe ye gɔlesɔnnu ɔ̀n. ⁴ Ecite enuɖuɖu ɔkɔn, ɖe awu kena edo ɔ ɖawan, eyi ɔvɔ yi gba do alin. ⁵ Egodo ɔ éjin esin do adawa mɛn, jɛ ɔfɔklɔjina enukplaviye, eboyi ɔvɔ kena zndo alin dole susu nui na ye. ⁶ Kena éjɛsimɔn Piyɛ ji ɔ, elɔna Yesu be: tɔhonɔ, ɔyɔwɛ aklɔ ɔfɔŋu? ⁷ ye ɖo eunibe: enu na ŋu le wanu ɔn, ɔŋukpéji anyɔɛn siɛò vɔ, egodo ɔ aba se egbɔnmɛn. ⁸ Piyɛ lɔnibe: ɔŋu maklɔ ɔfɔ na ŋu gbeɖe o Yesu lɔni bé namlɔn ŋuklɔ ɔfɔnɔ, hun kase enuti gbɔn mɛn le xo dé o. ⁹ Simɔn Piyɛ lɔni be: na kesin wɛ ɔ, tohonɔ, ŋu kanyi ɔfɔɖo ɖokpo aklɔ naŋu ó klɔxolɔ gɔdoxo fɔ can. ¹⁰ Yesu lɔnibe: emɛn kena klɔede jɔhuɛn ɔn, ŋu gɔ hian be a alɛ esin ó ɔfɔ kiklɔ kpo ehian, ɖo ekɔn keŋkeŋu. Miye ɔ, mikɔn; vɔu nyi emɛntɛtɛ wɛ ò. ¹¹ Yesu nyɔ enɛn kena kasɛ eyɔ utuwɛ edo lɔbe: ŋunyi emɛntɛtɛ wɛkɔn o. ¹² Kena eklɔ ɔfɔna ye jɔhwɛn ɔ̀n Yesu gɔyi ewu yido, ebosɔn xin nɔawan. Ekanse enukplavi yebe minyɔ enu kena ŋu wa mi egbɔn mɛn? ¹³ Minɔ yɔ ŋu be mɛkplatɔ, gɔdo ɔxuetɔ, miexojo, ɖo kesin wɛ xonugbo. ¹⁴ Vɔ, na mlɔn ŋunyi mie tɔhonɔ, gɔdo mie mɛkplatɔ ŋuklɔ ɔfɔnami ɔn, ejɛ be miye san mian klɔ ɔfɔ mi. ¹⁵ Ɖokpɔn ɖe u wɛŋu nami, na miye san mian nɔwasikesin. ¹⁶ Xonugbo wɛ ŋule lɔnunami devi ŋu nɔ hugan ɔxuetɔ emɛn na ye zɔn ŋu nɔ hugan emɛ na zɔnɛn ò. ¹⁷ Sibɛ kena minyɔ enu xiɔye ɔ, na wado yejiɔ̀, Mawu ado nami ¹⁸ ŋunyi miye mentɛtɛ u wɛ ŋu le lɔŋu exo xiɔ do ò, ɖo ŋu nyɔ ɛmɛnken ŋu can ye vɔ, na enu naye wlan ado cɛ be: emɛn kena le enuɖunu gɔdoŋu ɔ cite do xo u. ¹⁹ Ŋule lɔnu na mi be siɛ kegbɔxue aboyɔ, ganxiɔnmɛn na ebayɔ ɔ̀, mi yi sebe, mlɔn wɛnyi emɛn kena ŋunyi ɔ̀n. ²⁰ Xonugboŋule lɔnu nami. Emɛn na yi emɛn na ŋu zɔn ɖo xwlàn, emlɔn ŋutɔ wɛ eyi. Kesin ke emɛn na yiŋu ɔ̀n yi emɛn na zɔnŋu ɖoxwlan can. ²¹ Kena yesu lɔ exoxiɔ ye jɔhwɛnɔ̀, eyi gbado ebolɔna enukplavi yebe: xonugbowɛŋu lelɔnu na mi: emɛn lokpo lemimɛn kasaŋu. ²² Enukplavi yele kpɔn nu yeɖe ye mɛn, do yeŋu nyɔ emɛn eu na ele lɔnu exo ɔ dotutu ò. ²³ Mɛnlokpo le nukpavi ye mɛn, emɛn Yesu nyi wannà, le adamɛn ni. ²⁴ Simɔn Piyɛ wasi ɔŋuku sinnibe ni kan emɛn exona Yesu lelɔnu se ui. ²⁵ Eyɔ wɛ nukplavi xiɔn cɔn do Yesu ji, kanse ui be: tɔhonɔ mɛnɛn wɛ ya? ²⁶ Yesu ɖo eu ni be: emɛn na makan kpɔnnɔ, matɔ nuɖu, mayina wɛ. Yesu bo kan kpɔnnɔ nɔdotɔ núdù, bo yina juda, skariɔt eviɔ. ²⁷ Kena Juda yikpɔnnɔ̀ Satan biɛ emɛn: Yesu bolɔni be: enu kena ɔɖo lekawa waɛkaba. ²⁸ Emɛn kena le enuɖúnù gɔdo Yesu ye edomɛntɔ ti ŋunyɔ enu eutu na edolelɔnu exoxiɔdo. ²⁹ Kena Juda wɛnɔ hɛn ɔho Sakiɔ, emɛn ɖeyebu be Yesu le lɔnu ni be nisɔn xɔ enukena yea doɖu kpɔnnɔ aɖo exɔfɔnnu exue wɛke, alonisɔnna enuwa mɛnnɔ ye. ³⁰ Kena Juda dukpɔnnɔ, etɔn zɔnlokpoe. Azan nɔdo. ³¹ Ken Juda tɔ̀n, Yesu lɔ be: sibɛ ɔ̀ ye ɖe gbɛtɔ eviɔ esusu yixlɛ dozɔn eviji ɔ yeɖe Mawu esusu yi xlɛ. ³² Mawu anɛn susule eyɔ ŋutɔ mɛn, abo nɛn susu zanɖe siɛ. ³³ Xo viye, azan viɖe kpoekpɔtɔ mado nɔ mide. Mian kanŋu, ɖikɛn kena ŋu lɔna jufu ye dɔgbe ɔ̀, mi ŋu kpéjia ba efi kena ŋule sɔnnuò. ³⁴ Ŋu lena nu mi esɛn tɔyɔ ɖeye: mi nyiwan na mie ɖeye. Mi nyiwan na mie ɖe ye ɖikɛnkena ŋu nyiwan na midɔgbe. ³⁵ Na mi nyiwan nami eɖeye ɔ, emɛn ye tɛte anyɔ be mi nyi xo nukplaviye xonugbo. ³⁶ Simɔn Piyɛ kanse uibe: tohonɔ, finɔwewɛ ɔlesɔnnu? Yesu ɖo euni be: ɔŋukpeji jɛxo gbɔn do sɔn siɛ vɔ egodo ɔ ajɛxogbɔn. ³⁷ Piyɛ lɔni be: tɔhonɔ nyikɔ utuwɛ mlɔn na do Jɛwegbɔn siɛ o? Ŋule gbesisɔ ma doku dweta. ³⁸ Yesu lɔni be: ɔle gbesisɔ ado kodo xota xonugbo? xonugbowɛŋu le lɔnnu nɔǹ; koklo ŋuka dose gbɔxue a gbɛ ɔtɔn be yeŋu nyɔ ŋu o.