¹ E gbɛtɔ lokpo ɖeye wɛ le ɔzɔn jɛ nu, Lazar kena enɔn nɔ Betani ɔ kɔfe, Mari kɔdo Mati ye nɔvi tɔn mɛ. ² Mari xɛntɔ wɛ kɔn anumàtlɛ do eta nà mye ɔxwe tɔ, eboyi eɖa ye susu ɔfɔ ye nɛ, e nɔvi wɛnyi Lazar kená ele ɔzɔnjɛnu. ³ E nɔvi nyɔnu ye, ɖó ɛmɛ doxlà Yesu de: ɔxwetɔ kpɔn ɛmɛ kenà ɔnyi ewan ná le ɔzɔn jɛnu. ⁴ Kena Yesu sé xóɔ, elɔbe: ɔzɔn kená elejɛnu, eŋyi ekusɔn; vɔ Mawu egigo wɛ, ná Mawu éviɔ, adoyi gigo zɔn flin. ⁵ Vɔ Yesu nyi wànà Mati, kɔdo enɔvi nyɔnu kpenà Lazar. ⁶ Gámɛ nà esé be Lazar le ɔzɔn jɛnu, eku wasi, awangbigban ɔwe, le fikenà ele ɔ. ⁷ E balɔnà enukplivi ye, myan lɛkɔ sɔn Judea. ⁸ Enukplaviyé, le lɔnu nɛbe: (Rabi) cica, Jwifuye le manɖɛn mandɛn mɛ, ye kan adlɛn ɛkpɛndo ɔ, syɛ ekɔ kánu akɔ sɔn Judea! ⁹ Yesu do exo wu ná ye egan xixo siɔwe mɛ le awangbigban lokpo mɛ ɔ? Nà ɛmɛ ɖe zɔn ɔzɔnlin le kléɔ, eŋnɔ xanu ɔ dobe ele kpɔnu kiklɛn ɛgbɛtɔ do le zɔnnu. ¹⁰ Vɔ nà ɛmɛɖe le zɔnnu le azàmɛ, enɔ nà le dobe kiklɛn ŋle mɛo. ¹¹ Le exo nɛ lɔ egodogba; elɔnàye be Lazar xo hwanyi ɔ, le ɔwlɔn donu; vɔ mà fɔɛn. ¹² Enukplaviye le lɔnu nɛ be: ɔxwetɔ, nà ɔwlɔn wɛ ele ɖonu, akpɔn ɔzɔn hɛn gbɔ. ¹³ Yesu lɔxo do ekuwu ye bube ɔwlɔn didɔ wu wɛ elexon udo ke. ¹⁴ Eflin mɛ Yesu lɔnà ye agba Lazar kù. ¹⁵ Vɔde zɔn mye wvɔ, ŋkpɔjijwɛ, nà myà do ɖinu, do mlɔn leflin. Vɔ syɛ̀ myà sɔn eɖé. ¹⁶ Emɛwɛ tomà ke nà enɔn nyi ɖiɖimu, lɔnà enukpla viye myàsɔn kɔ de, nà ebyɔ be myà ku kɔde wɛ, myà kuɖo ekpɔwɛ. ¹⁷ Yesu bá, ekpɔn be awangbigban ɛnɛ gbɔn wɛ Lazar ku bo le yɔdomɛ. ¹⁸ Ɖikɛn kenà Betani, gogo Jeruzalɛmu, emɔn lɛnu susu stade siatɔn kesin. ¹⁹ Jwifu susu wɛ ba ɔfɔdon à Mari kɔdo Mati, ya nyà ahwanà ye, do ye nɔvi nɛ ku ɔwu. ²⁰ Kená Mati sé be Yesu le mɔnji le gbɔnnuɔ, ezɔn bosɔn, kpe, vɔ Mari eyɔ sinɔ awan le ɔxwemɛ. ²¹ Mati lɔnà Yesu be: ɔxwetɔ, nà efi wɛ ɔlé ɔ, xonɔvi ŋmà ku o. ²² Vɔ syɛ trolo ɔ, ŋnyɛn be enu ɖe kpekpe kenà abyɔ etɔ́, Mawu, Mawu a nɔn. ²³ Yesu lɔnɛbe: we nɔvi aba fɔn le ku. ²⁴ Mlɔn ŋ nyɛn be, Mati lɔ kesin fɔn le ɛmɛ kuku ye mɛ ezan gbe eyɔ can fɔn azanɔ gbe. ²⁵ Yesu lɔnɛ be: Mlɔnwɛnyi fɔn le ɛmɛ kuku yemɛ kɔdo ɛgbɛ. Ɛmɛ kená aɖinu nà ɔn a nɔ ɛgbɛ, ná etɛ kɔku san. ²⁶ Nà ɛmɛɖe kpɔn ŋ bodinu nà ŋ, ɛmɛ ɔ ŋ mà ku gbeɖe o ɔɖinu nà ya? ²⁷ Elɔnɛbe: ɛn xo xwetɔ, mlɔnɖinu be ɔyɔ wɛ nyi Kristi, Mawu evi kená aba ɛgbɛ mɛ ɔ. ²⁸ Kena elɔ exo egodoba, ejɛ mɔn bo lɛ. Eyɔ Mari le bibɛ̀mɛ, bo lɔ nɛ be: cica ba ele fi, ele kannu akpɔn. ²⁹ Kenà Mari se kesin, ecite, lefɔta lokpoji, bosɔn eɖe. ³⁰ Yésu ŋkpɔn byɛ etó ɔ mɛ hɔnde; vɔ ekpɔ tɔ le finá Mari ba kpe le. ³¹ Jwifu kenà eba Mari ka nya hwa nɛ le ɔxwemɛ, kpɔnbe tit zun lokpwé bojɛ ɔgbɔn mɛ, bole lɔnube: ekɔle sɔnu bɛnigla avi avi. ³² Kenà Mari jɛ finà Yesu lete leɔ, bo akpɔwɛn ejɛ awan do efɔ ye ji, bo lɔnɛ be: ń ɔdolefi wɛ ɔ, xo nɔnvi ŋkaku. ³³ Kená, Yesu kpɔye, le avivinuɔ, eyɔ kɔdo Jwifu ye kena eba afa ɔkɔn ná ye, ɔŋzizin wa Yesu le gbigbɔmɛ. ³⁴ Elɔbe finɔye wɛ miɖi do? ɔxwetɔ, ye ɖewu nɛ, ba nà akpwɛn. ³⁵ Yesu via vi. ³⁶ Eflin mɛ wɛ Jwifu, lɔbe: Mikpɔ kená enyi ewan nɛ ɖo ɔ. ³⁷ Ɛmɛ nà ele ye mɛ ye le lɔnube: eyɔ nà egbɔ ɔŋkusi zɔn nà ɔŋvanɔ, ni wa nuɖe ná ɛmɛɔn ŋkɔa kuo? ³⁸ Yesu kɔ sisɔ́ bu leɖemɛ, bo sɔn yɔdo ɔ tó. Ɔsó ɖewɛ nyi yebo kɔ ɛkpɛn gbode yi cɔn enukpa. ³⁹ Yesu lɔbe: miɖe ɛkpɛn léji Mati ɛmɛ ne ku édada lɔnà yebe enɔle hwihwinu, dobe awan gbigban ɛne wɛ edo le flin. ⁴⁰ Yesu ɖoewu nɛ be, mlɔn ŋnɔ lobe ná ɔɖinu akpɔn Mawu egigo? ⁴¹ Yeɖe ɛkpɛn lɛ, Yesu kɔkɔ bo kpɔn ɔji xwle, elɔ etɔ́ ŋdo ɔku nɔn, do ɔnɔ se xoɖɛ. ⁴² Mlɔn nyɛn be, ɔnɔ se xo kpɔe efan tɛgbɛ, ná ŋloxo gbɛtɔ ahwan ye wv wɛ, ye lɛdoŋ wado ɖinu be ɔyɔ wɛɖo ŋ doxlan. ⁴³ Kenà elɔ kesin edoahwa gboɖe: Lazar tɔn! ⁴⁴ Eyɔ wɛ ɛmɛ kuku fɔnlekubotɔn bandi bla ɔfɔ kɔdo ɔdo ɔlɔ́ nɛ, ɔvɔ́ wewe bla ɔmɛnɛ Yesu lɔbe mitruvi. Na myan jodo nà asɔn. ⁴⁵ Jwifu susu kenà ejɛ Mari egbɔmɛ de baye dinu nà Yesu. ⁴⁶ Vɔ ɛmɛ ɖeye le yemɛ bo sɔn kpɔn farizenu bolɔ enukená Yesu wa nà ye. ⁴⁷ Ɔvɔsatɔye egáye kɔdo farizenu tɔye, yebo kɔjo do tɔ egigbɔ "sanhedrin" ye lɔ be: Nà de myando? ɖekajɛ ɔ elenu dando wanu susu. ⁴⁸ Nà mi jodo ebo kpɔtɔ lewa nu ɔ, ɛmɛtɛtɛ adinu nɛ, eyɔ wɛ kɔmàtɔye, a ba gba mye tó kɔdo mye ɔkɔtá. ⁴⁹ Ɛmɛ lɔkpo le ye mɛ, kayifu, wɛnyi ɔvɔsatɔye egá, le exwexintɔ mɛ. Elɔbe, mi mà lexo tisenu o. ⁵⁰ Mibutamɛ, mye dagbɛ mɛ nyibe ɛmɛ lɔkpo aku do etó ɔtamɛ, wvgan be etóɔ tɛtɛ aclɔn. ⁵¹ Eyɔ keke mɛ lɔ exole eɖemɛ o, dobe ɔvɔsatɔye egá wɛnyi le xwemɛ, elɔ lɔ dawan be Yesu ɖoaku do ɛgbɛ ɔta. ⁵² Eŋnyi be na etó tɛtɛ kpo ŋmɛ nɔn, ná Yesu abɔ agbasa klisiti tɔn kená ele ɛgbɛ tɛtɛmɛɔ, bo gbakpé. ⁵³ Bɛ le azan xingbe yeyi gbe ado hwi. ⁵⁴ Ewɛ zɔn Yesu, ŋkɔde eɖexle agba un gba o, le Jwifu ye acecenmɛo. Esɔn etó kenà eɖɛnye mɛ, zogbeji ye, etó xo gbo kena enyi Eflayimu, eci eflin kɔdo enukpaviyé. ⁵⁵ Paki Jwifu ye exwe gogo ɛmɛ susu sɔn Jeruzalɛmu, gboxwe, yaɖodu exwe ɔ, do ya klan yeɖe wiwe. ⁵⁶ Ye jɛ Yesu kanji, eyɔ wɛ ye lɔnà yeɖeye be, le ye sisɛn xɔmɛ; Nikɔwɛ, rŋkaba e ɔwegbeɔ? ⁵⁷ Vɔ Farizenuye egá ɔvɔsatɔye egá ye ná gbebe nà ɛmɛɖe kpɔɛn, ye nyɔ fina ele ɔ ye nɛ lɔna ya wli doba.