¹ Efesotɔye exwema Eta atɔɔ̀ minyi kpɔndo ewu na Mawu ɖikɛn evivivɛye. ² Mya zɔn linlwɔn kpɔndo ewu kristo tɔn kena elwɔn mi eboyi éɖé do saɔ̀vɔ̀ na Mawu do mita, enyi ɔvɔsisa ewan adodoetɔn. ³ Enumakɔn makɔn ɔdɔkun zogbe-zogbe jijɛ enyikɔ ŋukɔ jɛ mi wuo di kena ejɛ emɛkinkɔnye ɖoɔ. ⁴ Ye ŋu ka se enya xo do mimvo, alo enu ma nyɔ do miwuo, àló enugbanna jinjàn do mi wu o, enu yɛntɔ ye tɔnvɔ na egbɛ zanta zinzan na ye a seɔ nɛnyi ninɔ mɛ zantan ekpɛdidoye. ⁵ Mya mɔnu jɛ ewu nywɛnɖe be, enu xojwi xojwi àló ɔdɔkun zogbe ɖe, eyɔwɛ nyi yɔhwe sinsɛn. ŋu ɖo cìnnɔ ɖuɖuti le kris to ɔ xɔlu ɖuɖu mɛ o, kɔ do Mawu. ⁶ Emɛti ŋukayi enumanyɔ xoɖe doba blɛ mi exɛnɔ wutuwɛ Mawu ɔxomɛ sin nɔ cite do emɛ na egbɛ Mawu exo ye ji. ⁷ Mika ekan cica keke kɔ do ye o. ⁸ Esaan, ɔzuvlu mɛ wɛ minɔ sibɛ ɔ minyi zogbɛn le tɔho nɔ mɛm nu zɔn ɖi zogbɛn viye! ⁹ ɔkun sinsɛn zogbɛn tɔnyeɔ enɔnyi ɔdɔmɛ nywɛn ye tɛ̀tɛ̀ enu sisɔ wiwa kɔdo xonugbo. ¹⁰ Miglo enu na enyɔ ye kpɔn na tɔhònɔ̀. ¹¹ Mika jo miye eɖe ye do na ɔzuvlu enu wiwa ye o bohunɔ mi crɔn ye. ¹² Ɖo enyanu wɛ nyi enu na yenɔ wa le bibɛ mɛ ye ɔnukpa ŋukpeji alɔ ye o. ¹³ Ɖo enu na ye a yehɛn doba zogbɛn nu ɔ, ewuwɛ ye nɔ lɔ exo do enu na eze yetɛtɛ ɔ zogbɛn wɛ. ¹⁴ Eyɔ wutu ye do le lɔ nube ɔ̀yɔ̀ nɛ élè ɔŋlɔ dɔ nu ɔ, fɔn, Fɔn le emɛ kuku ye mɛ eyɛ kristo ahun ɔkusinɔɔ, ¹⁵ Mikpɔn miye eɖe ye ji, na miŋu doka zɔ ɖi kɛn tɔtɔ mɔ o ŋuka nɔ ɖi enu manyɔtɔ o vɔ ɖikɛn enunyɔtɔ. ¹⁶ Mika gu ganmɛ o, ɖo awangbingban ye ŋu nyɔ o. ¹⁷ Eyɔ wutu ɔ, mika nɔɖikɛn emɛna ayimɛ ŋusɔ gbe na o, vɔɔ mitɔnjɛ ɔjro tɔhonɔtɔ mɛ. ¹⁸ Mikajo miye eɖe do na ahan mumu o, a gble mi. Bohun ɔ mia jwɔ kɔ do Mawu e gbigbɔ. ¹⁹ Miyi ehan xwemaye do miye egbɛ zan me. Kɔ do zimiye gbigbɔ;e ehan ye mijeyé kɔ do mieji ye tɛtɛ kena enyi kafu kafu eha tɔhonu tɔnye. ²⁰ Miakpɔtɔ anɔ le ekpɛ donu na Mawu le enutɛtɛmɛ na Mawu etɔ̀ do wɔn miye etɔhonɔ yesu kristo. ²¹ Le ɔvinvɔn kristotɔn mɛɔ mi hwe miye eɖe na mye eɖe ye. ²² Nyɔnu ye m mi hze mi eɖe na myesuye ɖikɛn tɔhonɔ. ²³ Ɖo ŋusu wɛ kpace na nyɔ nu ɖikena kristo kpacɛ na ɔgun kena enyi hwlɛntɔ na agbawa a. ²⁴ Ɖikena ɔgunɔ hweeɖe na kristo kesin, kesin wɛ nyɔnu can ye anɔ za na yesuye le enu tɛtɛmɛ. ²⁵ Ŋusun ye, mi lwɔn mi yé si yé ɖikɛn kena kristo lwɔn egunɔ ebɔ yi eyɔŋutɔ eɖe yi maye. ²⁶ Na ye adokɔn le éxoɔme, kena ye nɔ klɔ ye le Mawu sin ɔn mɛ ɔn. ²⁷ Adoba nyi ɔgun na azele ɔŋukɔn nu le gìgómɛ . Enumasɔgbe alo ejziti alo enu kena egɔ hugan exɛn ɔn yeti ŋukanɔ ewuo vɔ nɛkɔn, ehwɛ didoti ŋuka nɔ ewuo. ²⁸ Kesin wɛ ŋusunye alwɔnye siye ɖikɛn ye eŋutɔ agbaza kesin, Emɛna eɖo linlwɔn na esiɔ, edo linlwɔn na eɖewɛ. ²⁹ Ɖo emɛti ŋugbɛ eyɔŋutɔ agbaza o, enɔzliboni bonɔkpɔn eji ɖikena kristo nɔ wa na e ɔgun, ³⁰ Ɖo mi nyi ɔwunu e agbazatɔn . ³¹ Eyɔ utu ŋusu alɛle étɔ kɔdo enɔ ɖè asɔntɛdo esiwu eyɛ ye mɔweye anyi lokpo. ³² Enuhwihwla xe ɔ gla, ŋule exo xe ɔlɔnu do wɔn kristo kɔdo e ɔgunji. ³³ Kena ebɔ do ewuɔ emɛ lokpo lokpwe nɛ wli bo na ési ɖikɛn eyɔ ŋutɔ, nyɔnu nɛ ɖo sisi na esu.