¹ Le azan xɛwɔtɔ gbe wɔ, ewavi ye gɔsude ji Grikgbé wɛ ye nɔn do, ele nu trɔnu be: Na Ebrutɔye nɔn ma enu tɛgbɛ tɛgbɛ eyɛ enɔn jo wɔsukusi yé do. ² Eyɔ wutu ɛmɛ zizɔn siɔwe ye ca enukpavi ye babɔ, lɔ na ye be: ŋun sɔgbe lɔe majo Mawu xo wɔdo na ma ba le enuɖuɖu manuwo. ³ Nɛkɛsin wɛ mikpɔn mikpɔn miye ɖe mɛ na can ɛmɛ aciwowe, ke na nyikɔ zantan le ejiyewɔ, ɛmɛ xewɔ tɔ ye mɛ gbigbɔ kikɔn le wɔ nu nyi nyɔn ésuyesi wɔ ye wɛ mi can ɖo ezan nukpa. ⁴ Esin mɛ, miye, mikpe wɔ ŋunkusin do ɛɖɛ xixo wu kɔdo Mawu xɔwɔ ezan ye wu. ⁵ Exin wɛ jɔji na haviye, eyɛ eɖɛmɛ aciowe: Stfani, ɛmɛ na ɖo yise jɔwɔ kɔdo gbigbɔ kikɔn, filipu, pro kora, nikanɔn, par mɛnan, kɔdo Nikola, le le Atiokia, ɛmɛ kena nyi agbalɛ yewɔ ezun judaviyé. ⁶ Ɖeɖe ɛmɛ cican ye yi xlɛ ɛmɛ zizɔn ye, eyɛ ɛmɛzizɔn ye ye ɖɔ wɔlɔ eji boxo ɛɖɛ nayé. ⁷ Eyɛ Mawu xowɔ ba kikɛta déji eyɛ nukplavi ye gɔ le kpe le Jeruzalɛmu Mawu viye su eɖe yi Yesu xose le Judavi emɛ. ⁸ Eyɛ Stefani kena juwɔ kɔɖo Mawu emajewɔ kɔdo hihlɔn ewa wɔ ŋundanŋun donu kɔdo kpajijrɛ le toye cicin mɛ. ⁹ Vɔ, le xewɔtɔ ye mɛɔn, Judavi ɖe lɔ ibɔ tinxué kena yenɔn be ɛmɛjijoyé tɔé eba cite do Stefani wu ye mɛɖe lɛ le keneri kɔdo Azia edɔn xo kɔdo Stefani. ¹⁰ Vɔ, ye ŋun kpéjitɔte le wɔ ŋun kɔn niwo, ele xo lɔnu kɔdo nu nyi nyɔn na gbigbɔ kikɔn niwɔ. ¹¹ Kesin ke wɛ ena wɔho emɛ de ye be ya ɖu lɛ lo do tana Stefani be: ele xomajɔtɔ ye lɔnu do Moïsi kɔdo mawu wule le hin. ¹² Exinwɔwɛ na be etoyéé, kɔdo tomɛxoyéé, kɔdo ɛsinkpamɛtɔyéé tɛtɛ xɔ wɔ zin bajɛ Stefani ji wlui dosɔn égaɖé. ¹³ Egɔlɛ kplan etogbatɔ yé do ba, lɔ be dahue xewɔ ŋungbɛ exomalɔ gbeti gbe do miye tinue kikɔn kɔdo Moïsi esin wukpɔn. ¹⁴ Mise le enukpa, e lɔ nui Yesu Nazaretitɔn ekagba mawu xɔ eyɛ eka luwɔ esin Moïsi tɔn na edo dranŋun na miwɔ. ¹⁵ Ega kɔde ecan miye tɛtɛ kɔ wɔ ŋunkunsimɛ ɖoxlan wɔ jihle tin wɔkunsi do Stefani gban, eyɛ wɔkunsimɛ ze ɖikin Mawu zawa tɔ ɖe tɔn ɖɔgbe.