1 Pɔlu, kɔ́ ɔmɛ bo tɛ̀n ɔŋkusi do Jwifu ekojoɖó tɔye ji: bolɔ be: gbɛtɔ nɔviyé, kɔdo ayimɛ adodwéɖé wɛ ŋdozɔn kɔdo mi kaka jɛ̀ égbé le Mawu ɔŋkɔn. 2 Ɔvɔsatɔ gbo Ananiasi, nà gbe ɛmɛ kená egogoyé yado gbá ɔni nɛ̀. 3 Eflin wɛ Pɔlu yi exo le: Mawu a abaxo ɔyɔcan ɛkpinkpa gbo le aya mɛ we we "Ahoho" Ɔsinɔ awan kena esɛ̀n lɔɖó ado ɖó kojo nà, ɔbo jɛ ɛsɛ̀n gbaji be ya xó un! 4 Ɛmɛ kená elé axamɛ nɛ̀ ye lɔnɛ̀ be ɔle zúnú ɔvɔsatɔ egá Mawu ɛmɛ ɔ wɛ̀ có! 5 Pɔlu lɔbe, có mlɔn ŋnywɛ̀n nɔvi yé be ɔvɔsa tɔ Mawu tɔn egá wɛ o; Ɖo enyi wiwlan ŋɖo alɔ exo nyi nylan do xwe tóviyé egá wu. 6 Pɔlu nyẁ́n be gbɛtɔ nɛ gbɔye akpa lokponyi Saduseɛ̀n eyɛ wɛ akpaɖe ɔ nyi Fariziɛ̀n yé edo axwa le Jwifuye ekojoɖo xwé: Nɔviyé, farizetɔ wɛ ŋnyi, evijiji farizeɛn; enuti wu mɛ emɔnkpikpɔn kɔdo fɔnsɔnku ɛmɛkuku ye tɔn wuwɛ ŋle kojomɛ. 7 Kená elɔ kesin, enu didɔn byɛ ye mɛ, Sadu seɛ́n kɔdo fariziɛn, ehabibɔ nando ɔwe. 8 Ɖobe Saduseɛn lɔbe fifɔnsɔnku ti ŋlé; ɛwɛn Zangun eti ŋle kesin ke gbigbɔ eti ŋle vɔ fariziɛn ye yi gbená. 9 Enuɖiɖɔn kɔdo ajlé gɛnyi, eyɔ wɛ esɛn kplamɛtɔye kená elé farizinu yemɛ, sité bo jɛ exo dɔnji, sisyɛ̀n ɖé, ye ba lɔbe: miŋkpɔn enuvɔɛn ɖe le wu, eta ŋnyɔ gbigbɔ ɖe alo angɛli ɖe wɛlɔ exo nɛ̀. 10 Enudidɔn le jɛnu eji, kojoɖotɔ elevɔni be ya jà Pɔlu kpoɖwe kpodwé, eylɔ Soja yé ya kplɛn cecɛmɛ ná ye ɖe sɔn ɛkpɛn kpa gboo mɛ. 11 Azan ná kplɛn doɔ, ɔxwe tɔ tɔnjɛ̀ Pɔlu et bo lɔ be sɔn ɔgbɔji, ɖéji, ɖéji, kená ɔɖekunu ná ŋdo le Jeluzalɛmu kesin wɛ ɔkɔ aɖená le Roman ɖo. 12 Kená awan sɔngbanɔ, Jwifu ye blasɛ̀n bo gɔdo egbe ná ye eɖeye, ye ka ɖúnu, bo ŋkanu o kaka ya do xu Pɔlu. 13 Ɛmɛkená ebla esɛn ye hugà gbɛtɔ kan ɖé. 14 Ye sɔn bo sɔn kpɔn ɔvɔsatɔye egá, kɔdo ɛmɛxo, bo lɔnà ye be migla esɛn bo kɔ do akpagbe, ɛmɛti ŋkaɖunu, alo nu enuti kaka myà do hu Pɔlu o. 15 Mye, syɛ̀ mi yi egbe yi do lokpo kɔdo, san hedrin Jwifu ye kojoɖotɔyé, ná myà byɔ tribun (Rɔman) ekojo dotɔ, nɛ̀ ɖe Pɔlu tɔn be mi ka kan edo ná xonugbo ɔ, ná eɖe Pɔlu tɔn mye myà hwi zun lokpwé. 16 Pɔlu enɔvi nyɔnu evi, se afli nà esɛn ná yebla esɔn ekpa gbo ɔmɛ, bo sɔn fiɔtɔfi nà enyɔlin Pɔlu. 17 Zunlokpwe Pɔlu zɔn ɛmɛ ye kplan eviɔ de sɔn Sɔja kɔnwewinɔ ɖe Certenia eɖu exo ɖe alɔ nɛ. 18 Sɔja yi ɖékajɛ bosé exo lenukpa, kená ye kplɛn do sɔn eɖé. 19 Kená esɔn eɖe ɔ exin ɔlɔnɛ ɖekajɛviɔ, bojɛ vo, ekanse wu exo nɔ we ɔdo ká lɔnu ɔ? 20 E yi gbenɛ gbe: Jwifu ye ɖo egbe kpɔwɛ: ya byɔ kplan Pɔlu doba esɔ́ ye kojodotɔ ebibɔ eŋkɔn ɖikɛn ɔlekà enudo dɔgbé, kéké. 21 Ka sé yexó, dobe enugan gbɛtɔ kandé wɛbli esɛn, ya nɔ máɖu, má nu kaka ya xu Pɔlu xwe egbe yiyi wɛ lete kpɔn. 22 Rɔman kɔjodotɔ eɖo eviɔ, be sɔn, vɔ ne ka lɔ exo nà ɛmɛti. 23 Le egodogba e ylɔ soja gá ɔwe ekan kɔn wewi nɔ ye elɔna ye: minɔn ɔlɔji, azàmɛ̀ gàn acɛ̀nɛ̀ mɛ eya sɔja fɔdé ahw anwa sɔ́ kande gban sɔjà egá dlan tɔye fɔɖe, ya sɔn Sezaké. 24 Mijla esɔ́ dó nà Pɔlu can; yado kplando sɔn etóji kpɔntɔ "Govɛ̀nɛ̀" Félisi ɖé. 25 Ewlan xwemá lɔkpo, elelɔnubé: 26 Mlɔn kloɖu Lisiasi, ná ɛmɛ vivɛ, etójikpɔnto Felisi, ŋɖo egbe nɔn! 27 Ɛmɛ ná ŋyi ɖoxlan, jwifu ye wli, bo ka hwi, mlɔn kɔdo Sɔjà ye sɔn ŋdo yi le ye si, do ŋsebe Rɔmàtɔ wɛnyi. 28 Nà mà do nyɔ ɛxwɛ kena ehu tutu ŋkplan do sɔn, ye kojodo eha ye ɖé "sanhedrin". 29 Ŋkpɔn be exwɛ na ye do ɔ, kunkpla ye esɛ̀n vɔ eŋ hv ɛxẁ ti, do nyi eku alo asɔn egàmɛ. 30 Kená ŋse aflina be Jwifu trɛmɔn nɛ ado hwiɔ, eyɔ wɛ kplɛn yiɖoxlan, ŋle lɔnu nà be nà yedo exoɖe yaba ɔyɔ keké xwede nà Mawu! ewasikesin. 31 Sɔja ye ɖikɛn egbe ɖiɖe dɔgbe, yekplan Pɔlu do sɔn azan kaka sɔn (Antipatris). 32 Le awangbangbe, ejo esɔ̀dotɔye do, bo zɔn emɔn kɔdé, ye lɛkɔ bo gbɔn ba axoxo ɔ. 33 Kenà ye bá Sezaré ɔ, ye yi xwemà nà yehin yi ná Etóji kpantɔ "Gouverneur", bo yi Pɔlu yi xlɛ̀. 34 Etójikpɔntɔ, hun xwemà bo xlɛ̀, boba kansé wu Pɔlu be, etó ekando fiye nɔn we tɔ́ wɛ ɔnyi? Esé be Silisi tɔ wɛ nyi Pɔlu: 35 Manba ɖo ɔtó xwe xo gàmɛ nà ɛmɛ kená esàman ye babá ɔ. Eba ná egbé be ya suwi do Erodu egan kpámɛ̀.