¹ Kena miklan le yewu ɔ mido tɔjihun doxlan kɔs Zɔnlokpué e awan gban gbe ɔ, miba rode eyɔ wɛ lɛle eflìn ɔ̀n, miba parata. ² Mikpɔ tɔjihun ɖe le sɔn nu Faeniké, mibo biɛ emè dolɛ. ³ Kena mi kpɔn kiprò ɖo xlan, mi jo cɛ mè eto kena le etɔ cɛncɛn me do ɔmiɔn mè kpaxé, mi bo sɔn Siria miba gli ehun ɔn Tirò, ɖo éflinwɛ ehun ɔn ka gli do. ⁴ Mikedo emè kena yiyesu sé u le eflin, mibonɔn yede awan gban acowé. Tɔbigbɔ kikiɔ ehihlɔn de enu kena lete kpɔn Pɔlu ɔ xlɛ yé ye bo lɔ na Pɔlu be ka sɔn Jeluzalɛmó. ⁵ Vɔ̀ kena mié gan mè su ɔ̀, mi jɛ emɔn, emeye tɛtɛ ba do mi yé ye kɔdo yesi ye kɔdo yé evi yé tɛtɛ ba ɖomi do eto ɔ egodo, kena mi jɛ huta mi jɛ ɔklo, bo xoeɖɛ. ⁶ Exiɔn egodo ɔ̀, mi sia mié nɔnvinye mi biɛ tɔji hun ɔn mè, eyɔ wɛ yé yé, yelɛkɔ sɔn yexwemè. ⁷ Kena mi lɛ le Tiró aɔ̀, tolemyi wɛmiba gli ehun ɔn do, eyɔ wɛmié xujimɔn zinzɔn tɔte le eflin mido egbé na mié nɔnvi le yi sé mè, mi bo nɔnyedé gbe xiɔngbé. ⁸ E awan gbigban gbe ɔ́, mi sɔnkayizari le Filipu, ewɛn zatan dotɔ é ɔ xwu émè, mibonɔn eflin Filipu xiɔn le emè acowe kena ye can le Jeruzalɛm ye mè. ⁹ Tugbejɛ le ɔlɔji ɛnɛn kena ùn kpɔn yɔn ŋusun le esi yebonɔn lɔ lɔ dawan. ¹⁰ Ganmè nà minɔn eflin na awangban susu ɔ̀, lodo awan lɔtɔ ɖé kena ye nɔn ylɔ bé Agabos a lɛ le Judé doba. ¹¹ Eba kpɔn mi, ebo yi pɔlu égojibla nu dobla eyɔ ùntɔ é ɔfɔ kɔdo ɔlɔ ye, ebolɔbé exokena gbigbɔ kikɔn lɔlɛxé: emè kena tɔn wɛnyi ɔgoji blanu xiɔ, kesin Judavi ye ablɛ le Jeluzalɛm, yeabo yi i yina emè kena yé ye un nyi Judaviye do lɛ xɛ̀n. ¹² Kena mi sekesinɔ̀n, mi yé kɔdo eto ɔmètɔye tɛtɛ mi ɖe kuku na pɔlu bé nɛn ka sɔn Jeruzalɛm, o. ¹³ Eɖewu be nyikɔ utu wɛmi le vinu avi dolegba nu ejina ŋu kesin o, ùn nyin be yea blaŋu ɖoɖo nɔn wɛŋu le egbesisɔna o; vɔŋu le gbesisɔ madoku le Jeluzalɛm do tohonɔn Yesu e nyikɔ tamè. ¹⁴ "Kena mi unkpe eji alɔ exɔ ɖe ado gbɛ enu nɛn o a, mijo edo, mibolɔbe tɔhonɔn ejro nɛn nyi wiwa." ¹⁵ Kena mi nɔn eflin awan gbigbon viɖe ɔ, misɔnu bɛ Jeluzalɛm mɔ. ¹⁶ Enu kplavi kena le kayizarea yé edométɔ ɖeye sɔnkɔdomi yekplan mi do sɔn enukplavi xoxo ye edometɔ kena yenɔn ylɔbe Nasɔn, ken lɛle kiproa exwumè. ¹⁷ Ken miba Jeluzalɛmɔn, mìé nɔnvi leklisimè yeyi mi kɔdo ejjuɛ. ¹⁸ Kena awangban àn, mi ye kɔdo pɔlu mi sɔnjakɔbu e xwvè mè, efi kena ɔgun mexo ye tɛtɛ bɔdo ɔ. ¹⁹ Pɔlu do egbenayé, ebolɔ enu ɖekpekpekena Mawu wa, do zɔn é eɖevizan ànji, le eme kena ún nyi Judavi yé ecɛncɛn mè ɔ̀n naye céké céké. ²⁰ Kena ye sé exo xiɔ yè, kafu Mawu, bolɔ na Pɔlu be: wenɔnvi yé untɔ, lekpɔn nu? Judavi tɛnxue ɛnɛ wè kena lɛ zùn yi sénɔn yeyi mɔnyizie sɛn ɔ̀ hɛn gba ùn gban un. ²¹ Vɔye balɔna yebé: yeleklanu enu Judaviye le emè kena un nyi Judavi yé écɛncɛn mè, be yea jo Mɔnyizi esɛn ɔ̀ ɖo, beye in kɔka gbo ahuanna ye viyé o; yein kɔka nyi mie tɔgbo yé esɛn sano. ²² Na ɖe mia wasibɛ o? yea nyɔn kpoé be ɔ̀ba. ²³ Eyɔ wutu ɔ wado exo kena mi kalɔ nɔ̀n ji ŋusun ɛmɛn le mimè, kena glan a dan na Mawu. ²⁴ Kplan ye na ɔyɔkɔ do yé, mian sɔn sla ɔwu na mié ɖé ye a su ɔho kena mia su lé eflinɔn tɛtɛ, na ye tɛn un lùn eta gan xiɔn mè ɔn, emè tɛtɛ anyɔn be ého kena ye sé do wewu ɔ, ùn nyi xonugboò, yea bokpɔnbe ɔyɔ can ɔle wanu do Mɔnyisi ésɛnji. ²⁵ Kurkla emè kena ùn nyi Juda viyé ɔ̀, vɔ yeyi Yesu ji sé yé vɔ̀, mi wlan exokena mibɔ bolɔ ɖo xlan yé be yeunka ɖu enu kena yedo sa ɔvɔ na yɔ hué ye ò ye unka ɖu ɔhuno ye ùnka ɖu elan kena ɔhun ci emè o ye únka lɔ gào. ²⁶ Pɔluklan ŋusun ɛnɛn yé, eyɔwɛ kena awanglan ɔn, esta ɔwu na eɖe kɔdo yé, ebobiɛ Mawu xɔmè le eflinɔn, elɔbena ɔwusisla ɖoeté ɔ̀ yea sa ɔvɔ do emè tɛtɛta. ²⁷ Ganmè na awangban acowé gɔ lekponu ɔ̀, Judavi kena lɛle Azia doba yé edomè tɔ̀ ɖé ye kpɔn Pɔlu le Mawu xɔmè ye xo ɔzin wu emè ye tɛtɛ, yebo wli Pɔlu. ²⁸ Yé do abobo bé: "Izlayɛliviyé, mi ba yimi! ŋusun kena cite do Izlayɛli e togùn ɔ, le enukplamè mè le efitɛtɛ ɔ̀ lɛ xé! Egɔkplan glɛki ye can do Mawuxɔme le gblenu esɛn kena le tɛxué kikɔn xiɔ. ²⁹ Yelɔkesin ɖoyekpɔnpɔlu kɔdo trofimɔ, Efesotɔ ɔ̀ le eto ɔ̃ mè can, yebubé Pɔlukplan ɛ̀n doba Mawu xɔmè wɛké. ³⁰ Eto ɔ tɛtɛ xo ɔ zin; eme ye tɛtɛ bo do ɔwezun ba wli Pɔlu, yebo dɔnɛn do tɔn le Mawu xɔmè, su ehɔ́n zi lokpoé. ³¹ Kena yélé lɛnu do ewu na yea do hui ɔ̀, emè ɖe yé ba lɔna Rɔmatɔye é ahuan ga gbo ɔ̀ bé: Jeluzalɛm to ɔ̀ tɛtɛ xo ɔzin. ³² Zilɔkpoé ɔ̀, eɖé sɔja kɔdo a huanga ɖebɔ do ɖé wu, ye do ɔwezun bosɔn tɛnxue ɔ̀ kena emè kenale xonu Pɔlu kpɔn ahuanga kɔdo sɔja yé ɔ, ye jo Pɔlu xixo do. ³³ Ahun anga zɔ gogo Pɔlu, wlibo degbé bé ye ni do caba ɔwé: ɛgodo ɔ̀, ekan eme kena Pɔlunyi, ɔ̀ kɔdo enu ken ewa ɔ́sé vi. ³⁴ Vɔ ɔgun donu abobo, bolé exosusu lɔnu na emè ɖelɔ exɔbuɔ̀ emè bu can nɔn lɔ ebu kena ahunanga unle sénu exoɔ̀ egbɔn mè le hunyanhunya ɔ̀n mè oɔ̀; eɖegbebé ekpinkpa gbo ɔ mè. ³⁵ Ganmèna Pɔlu gogo kpinkpa ɔdéɔ̀, sɔja ye kɔɛ, do ɔgun ɔ̀n eadan wiwa wutu. ³⁶ Eme yetɛtɛ jɛ egbɔn ho ò, le donu abobo be mi hui! ³⁷ Kena yekplan a do biɛ ekpinkpa ɔ̀mè ɔ̀, ekanseu ahungan bé ŋu ɖekuku ye de mɔn be ma lɔ exo ɖenɔn? Ahunanga kaséuibe ɔsé glɛki gbé? ³⁸ Exiɔn un nyi ɔyɔ wɛ nyi ejiptitɔ xiɔn kena zɔn ɔzin dotɔ le a zan xiɔ yeme yekplan ehlɔn hutɔ tɛnxue ɔsiɔsi do sɔn zogbeji ɔ̀? ³⁹ Pɔlu ɖo ewunɛn bé emlɔ̀n? Juavi wɛ ŋu nyi; ye jiŋu le tarsò le kilikia wanzanji, eto xɔ ɔho mè evi wɛ un nyi ŋu ɖekuku naŋu egbe na ma lɔ exo na togun ɔ̀n. ⁴⁰ Ahunanga gbo ɔ́ na egbé vi, Pɔlu bo tɔte do aelɔkpé ɔ̀ ji, mi ɔlɔna togun ɔ̀n, eyɔ wɛ eme tɛtɛ ɖo ɔtobo ci kpóo. Pɔlu lɔ exo na ye le egbe Aran tɔn mè bé.