¹ ɛmɛ ɖekpekpe (xɔse) isé be Yesu nyi Kristo Mawu evi wɛnyi. ² Nou xetɔ utuɔ, mi nyɔ be mi nɔn luɔn Mawu viye gan mɛ na mi luɔn Mawu eyɛ mi le nyi esɛnye. ³ Dobe Mawu eliliɔn lɛxe mie wa do esɛnji esɛn u dobe esɛn ye un siɛn na mi o. ⁴ Dobe mɛɖekpekpe na Mawu jiɔ nɔ ɖu le gbɛmɛ enuye ji, enu na mido ɖule gbɛmɛ efi enuye ji wɛ nyi miye ise (xɔse). ⁵ Mɛnɛ wɛ ɖule gbemɛ efi enu yeji o? Me na ise be Yesu wɛ nyi Mawu evi. ⁶ Yesu Kristo wɛ ba kɔdo Mawu sin lilɛ esin kɔdo eku ɔhun. Un ba kɔdo esin ɖoɖo kpoun o. Eba kɔdo esin kɔdo ohun. Eyowɛ gbigbo wiwe ɖe kunu ni be eyɔ wɛnyi honugbo do gbigbɔ nyi xonugbo. ⁷ Kunu ɖiɖe ɔtɔn wɛle. ⁸ Gbigbɔ, esin, ɔhun, enu ɔtɔn xetɔ ye nyi lokpo. ⁹ Na nuyi gbɛtɔ eku nu ɖiɖe ɔ, Mawu tɔn hu ganui, dobè exetɔ wɛ nyi kunu na Mawu eɖe kunu do eviɔ u. ¹⁰ ɛmɛ ɖekpekpe kena yi eviɔ ji se ɖo kunù ɖiɖe xetɔ le ejimɛ vɔ mɛ na un yi Mawu jise o wa, kpɔɛn be enyi lɛlotɔ na eɖe ɖo unyi ku nu na mawu ɖe do Eviɔ u, ji seo ¹¹ Kunu ɖiɖe xetɔ wɛ nyi be Mawu na mi egbɛ makpomakpo eyɔ wɛ egbɛ makpo xetɔ le eviɔ mɛ. ¹² Emɛ si na eviɔ le ɔ emɛɔ ɖo egbɛ xetɔ emɛ na un ɖo mawu eviɔ owa unɖo egbɛo. ¹³ Unwlan exeɔ ɖoxlan,mi do nyɔn mi ɖo-egbɛ makpo mi emɛ na yi Mawu eviɔji se ɔ. ¹⁴ Kikan do eji kena mi ɖo le Mawu ɔ unkusimɛ eyɔ wɛ nyi, na mi biɔ nuɖe wi do zɔn do ɔjroji ɔ minyɔɛn be awasi na mi. ¹⁵ Kena mi nyɔ be aɖo ɔto u mi le enu ɖekpekpe kena mia biɛ mɛ ɔ. Mi yɔ nyɔ be ana mi enu nami biɛ ɔ. ¹⁶ Na mɛɖe kpɔn enɔviɔ le wa nu nuvuɛn kena un ma kplamɛ do sɔn eku mɛ o wa emɛɔ nɛ fankue na Mawu nɛ na gbɛ mɛɔ. Exetɔ kun do enuvuɛn na un makplan mɛ do sɔn kutomɛ. Nuvɔɛn xɛntɔ xomɛ un le lɔnuo. Mlɔn lɔ be mia fan kue na Mawu do eta o. ¹⁷ Enu nyinyran ɖekpekpe wiwa nyi nuvɔɛn vɔ nuvɔɛ ɖeye le unkplan mɛ dosɔn kutomɛo. ¹⁸ Mi nyɔ be emɛn na Mawu jiɔ un nɔ wa nu nyinyranɔ, dobe Mawu eviɔ non kpɔnji eyɔ wɛ emɛ nyinyran un nɔ tɔlɔ wi o. ¹⁹ Minyɔ be mi nyi Mawu tɔn; eyɔ wɛ egbɛ ɔ tɛtɛ mɛ nyinyran ɔgbɔmɛ. ²⁰ Mi gɔ nyɔ be Mawu eviɔ ba, eyɔ wɛ ena mi nunynyɔ be mia nyɔ ɛn be enyi Mawu adodo eyɛ mi le Mawu adodoé ɔ mɛ, le evi Yesu Kristo mɛ. Emɛ xetɔ wɛ nyi Mawu adodoe ɔ kɔdo ɛgbɛ makpomakpo. ²¹ Xoɖekɛye mi gblɔn dɔgbɔn le yɔhue sinsin. U.