¹ Kesin ye nɔ kpɔnmi dikɛn Christi subɔ tɔ ye, kɔdo Mawu be amliman nu ye na tɔ. ² Kpéde ɔ, enu na ye le biɔ nu sɔn enu mantɔ ye déɔ, eyɛ nyi be ɛmɛ lokpo lokpoe á nɔn gbeji. ³ Ehian na miɔn be mi a do kojo na un. Alo ɛgbetɔ e koso do xwe. Mlɔn untɔ mlɔ unle kojo do nu na xode o, do ɔ mlɔn un kpɔn ɔgɔ jijɛ de le xomɛ o. ⁴ Vɔ exɛn wutu mɛ ye do kojo na un ɔ, ɛmɛ na a do kojo na un wɛ nyi ɔxwetɔ. ⁵ Eyɛ wutuɔ mi un ka do enu de é kojo gbɔxwe ganmɛ aba o. Kaka Yesu aba kɔn kiklɛn do enu hwihwla ɔzuvlu mle ye ji, eyɛ ka ba de ye be jimɛ dido ye xlɛ. Eyɛ kpo ɔ ɛmɛ lokpo lokpo ayi ayo siso kena nyi etɔn le mawude. ⁶ Emɛ nɔnvi ye mi ye wutu un yi enu xɛn yeyi do ezan wiwa mɛ kɔdo Appolos na ado nyi enu sise do ɛmɛ wu kena awɛ be mi un ma zɔn enu wiwlan do awan wu. Eyɛ ɛmɛ ti un ma kɔ edé do ɔji do ɛmɛ dé wu na ɛmɛdé. ⁷ Doɔ nyi kɔ wɛ do jésiɔ ? Nyi kɔ ɔdo eyɛ wɛ na mɛ ye nan ɔ ? Eyɛ na ye naɔ zɛɔde nyi kɔ wutu ɔle kɔnu xwede do ɔji dikɛn, na mɛ ye na ɔ kesin. ⁸ Mi nɔn juɔdɔ, mi nɔn kpɔn ɔho mi ye ma lé ɔ mi nɔ jɛ acɛ kpikpa ji. Mi kpe wu akpa cɛ kesin eyɛ mi ye can mi akpa kɔdo mi. ⁹ Doɔ edi be mawu ka wa mi, Apposolo, ɛmɛ kpede ye, ɛmɛ na ye yi eku hwɛ do kun ye, doɔ mi nyi enu kpikpɔn na xixéɔ, na ɛwɛnzangun ye kɔdo ɛmɛ gbɛtɔ ye. ¹⁰ Kristi wu mi jɛ eha, vɔ mi yé ɔ mi ye nyi enu nyɔtɔ le Kristi mɛ, mi nyi ɛmɛ gbɔjɔye, vɔ mi yé ɔni do hihlɔn. Ye do sisi na mi, eyɛ ye un yi mi do kpɔn un dé o. ¹¹ Kaka na gan xeɔ mɛɔ, mi le xovɛ be ayadunu, ɛsin, ɛmɛ ɛmɛ, ye lé zan nu bada bada, mi le flunu kpédo. ¹² Ogbɔ le kpe nu na ézan do zɔn mi ye untɔ be ɔlɔwu, ye zunmi, midona, ye do vivɛsisé na mi, mi hɛn. ¹³ Ye cri mi ye xodé, mi nɔn lɔxo kɔdo jijɔ nyɔɛn, mi lɛ zun énu di xixemɛ nu kpi kplɔ ye, eglɔn nyeta nyeta ji nu na tɛtɛ, ka ka na sibɛ. ¹⁴ Un nyibe mado enyan wu mi eyɛ un do le wlan nu énu xéyé o, vɔ un le ɔfɔ donu ɔfɔji na mi dikɛn xovi lilɔn tɔ yé. ¹⁵ Doɔ na mi do ɔxwetɔ tɛnxwe ɔsiɔsi le Kristi mɛɔ, un le kesin be mi do etɔsusu do be emlɔn wɛ ji mi le Yesu Kristi mɛ zɔn ɛwɛn zantan mɛ. ¹⁶ Un le ta nu mi, be mi anyi xo ɛmɛ diŋlé xo wana mɛ kplanŋ do ye. ¹⁷ Exɛn wu un do Timothe doxlan mi, xo vi lilwɔntɔ kɔdo gbeji nɔntɔ le ɔxwetɔmɛ, aglɔn do ɔflin xo mɔ ye na mi le Kristi mɛ nade na un nɔnkplanu ɛmɛ le eha tɛtɛ mɛ. ¹⁸ Emɛ dǝ ye kɔkɔ ye de, dikɛn mlɔn un doa sɔn mide o. ¹⁹ Vɔ zan de sibɛ ɔ ma sɔn mide, na ɔxwetɔ untɔ e jvo wɛ. Eyɛ mayɔn, un nyi exoye, vɔ hihlɔn ɛmɛ na le kɔkɔ nu ye éde yé. ²⁰ Doɔ Mawu e ahwan cɔ́n un kun do exo wuo vɔ do hihlɔn e wana wu. ²¹ Nyi kɔ mile kan nu? ma sɔn mide kɔdo ɛba, alo kɔdo lilwɔn lefifa egbigbɔ mɛ ?