ATCHAMADO_BEN-xwl_1co_text

Eta 16

¹ Ná env kenè éká ɔjijɔ ɛmɛ kikɔn yetɔn, myé can myá jɛ agbagba, kɛɖɛɖikɛn kená,ƴɖé gbená cɔci ehábi bɔyé, le Galati. ² Nã ɛmɛ lokpolokpwe, le awangbigban tantɛ, kenã alé kwasiɖa ɔmɛ ɔ, ayi enuninã, yiɖo évo kewu nã ɔkpewu, le ɔxwemɛ, kɛɖɛ ɖikɛn ɔdɔkun nɔ kenã elé xwesi dɔgbe; nã xo biba mɛ ɔ ɛmɛti ƴkanɔ eté kpɔn ƴ o. Nã a ɖo can enunina ye ɖawan. ³ Na ƴbabá zinkɔ, ma wlan xwema ɖéji, na ɛmɛ kenã mi ɖeji do yewu yeɔ, abɛ enuninȧ ejlo zantãtɔ̃ ye ɖo sɔn jeluzalɛmu. ⁴ Nã ebá yɔ be mlɔn keke mã sɔn, do kpikpɛmɛ enujijɔ yeɖo ya zɛ, hwɛn kɔdo ƴdo ekpwɛ. ⁵ Mã ba bá midé, nã ƴzɔn mãsedwani tɔn, koko ƴdo asɔn masedwani doba midé. ⁶ Tá unyɔ owa mãnɔ mide, le ɔvivɔ egãmɛ (hiver) nã myan kplan do sɔn efi kenã mã sɔn-yé. ⁷ Mlɔn ƴkɔ jlobe mã zɔn mide kpoƴ. Doyi o ƴlejlonu be mã nɔn mide nã azan vidé, nã ɔxwetɔyi egbe ɔ. ⁸ Nɛ ejlo tɔhonɔ, mã nɔn Efɛzi kaka jɛ pentekɔji. ⁹ Dobe ehɔn egbo deyé hun nã, e mɛ bibyɛ letaji. Vɔxo kintɔye susu gbagba. ¹⁰ Nã Timɔté báɔ, myã yi nywɛnɖé, nã ƴka vɔn, eyimɛ avo, le myé cecɛ̀mɛ̀. Dobe elé ezan wannv ɖikɛn mlɔn kedɔgbe nã ɔxwetɔ. Nã ɛmɛti, ƴka van ɔƴdéo. Mikplan ba nahun, fifaɖé, ¹¹ Nɛbaxodé, dobe ƴle eté kpwɛn kɔdo nɔviyé. ¹² Enuke, nã kan nɔnvi Apolosu, ƴnɔ do vivi ewususu, nã adoba mide, eyɔ kɔdo nɔvi ye, vɔ eƴkpɔn le etitoye mɛ honɖé syɛ̀ o. Eba bá gãmɛ nã ovodo wɔ. ¹³ Mikɛ̀n klin nà myan syɛ̀n le nuɖiɖi mɛ̂, mijɔ ƴsunglégbe nu, nè myan do hihlɔn. ¹⁴ Enuɖé pépé myã wasiɔ kɔdo lilwɔn. ¹⁵ enuvivɛ lokpo wɛ ƴka zɔnmi, nɔn viyé. Mi mɔn nujɛ̀ wu be homɛ sitefanasi tɔn, wɛ nyi ɛmɛ tantɛn yé le akayi etómɛ́, ekpedo ɛmɛ ɖiɖe wewe Mawu tɔn ye wu. ¹⁶ Mye can miɖo bubu nà kesin ɛmɛye, kɔdo ɛmɛ kenã ele ezan kesin tɔn wanu le mye cecɛmɛ ye. ¹⁷ Ƴkpɔn jijwɛ do ba nã ye bá xodeɔ: sitefanasi, fɔrtuna tusi, kɔdo akayikusi, ye kpedo mi wu susu le mye mala . ¹⁸ Dobe, yefaji nã xogbigbɔ, kaka jɛ̀ myé kéké ye cantɔn ji. Mido anywɛn be gbɛtɔ kesin tɔn yé miɖo awlibonã ye abo syé. ¹⁹ Mawu hábibɔ (Eglise) ye kenã ele aziye do egbé nã mi. Akilasi kpenã prisyi, kɔdo ehá bibɔ Mawutɔn nã ele ye xwemɛ, do egbe nã mi le ɔxwetɔ enyikɔ mɛ. ²⁰ Nɔnvi tɛtɛ do egbe nà mi. Mido egbe nà mye eɖeyé kɔdo esikiki wiwé ɖé. ²¹ Ƴle egbe donu nà mi mlɔn keke Pɔlu, kɔdo xo ɔlɔ. ²² Na ɛmɛɖe eƴnyi ewan nã ɔxwetɔ owa ye nɛ nyɛ̀tɔn. Maranata-yesu alɛkɔba! ²³ Nã ɔxwetɔ ɛmɛnuvivɛ, nɛ nɔ ekpwɛ kɔdo mi! ²⁴ Na xo wannyi nyi nɛ nɔn ekpwɛ kɔdo mye ɛmɛ tɛtɛ le Yesu-Kristi mɛ.