ATCHAMADO_BEN-wud_exo_text

Etanya 9

¹ Mawu Mavɔ honu na Mose bé tcho yi nayi Farao gbɔ, gbrɔnɛ̀ bé égné Mawu Mavɔ, Hébrutɔwo ho Mawu gbrɔ bé né dati lé édukɔ gné ŋti tchagbé wɔaté subɔm. ² né wogbé asi dede lé woa ŋ'tia yi gbé lé wo daɖɛ̀ a, ³ Mawu Mavɔ ho asi sɛ̂sɛ̂ la dji era hawo dji lé botamé wo yi ésɔwo, tédjiwo, kposɔwo, égniwo kudé arî-gbɔwo o yi wo la ku sugbɔ ⁴ Mawu Mavɔ, la dé vovototo Izraèl viwo kudé Egypté tɔwo ho érâ hawo domé yi édé kpé ŋ'tɔ ma ku lé Izraèl viwo tɔ méwo. ⁵ Mawu-Mavɔ do gamé yi gbrɔ bé yi élava émé étchɔ lé Egypt-gnigbâ dji ⁶ yi ké éŋu kéa Egypt tɔwo ho nâwo tchrɔ̂, gaké érâ dika ŋ'tɔ ŋku lé Israèl- viwo tɔ mé o. ⁷ Ké Farao sé bé érâ dika ŋ'ku lé Israèl-viwo tɔ ŋ'ti oa, yiho dji gbé tri dé édji yi, égbé asi ɖéɖé lé dukô a ŋ'ti ⁸ Mawu gbrɔ na Mosé kudé Aron bé wɔaku zomafi dé alɔmé yi Mose na brui ɖé ayamé lé Farao ho ŋkumé ⁹ Yi éla trɔ zu hunhun ké la butchô Egypt-gnigbâ kpata yi éla na bé édɔ vô la kɔɖé améwo kudé énâwo kpata dji ¹⁰ wo lɔ zomafia yi va Farao gbɔ yi Mosé wui ɖé aya mé yi éna bé, éŋuti tchɛ̂ na améwo kudé érâwo kpata lé Egypt. ¹¹ Ebo-tɔwo ŋ'tɔ tcha woŋu té do ɖé Mosé ho ŋ'kumé o enukéŋ'tia édɔ-vôa kɔɖé éŋuti na wotcha sigbé amékpɔtia wo nɛnɛ. ¹² Mawu-Mavɔ na bé Farao ho dji gbé tri dé édji yi égbé bé yéna wɔ dé Mosé kude Aaron ho nga dji, sigbé lé ké doto Mosé kudé Aaron sigbé léké Yéhowa-Mawu ŋ'tɔ gbrɔ Mawu Mavɔ wɔ dodo na Mose nɛnɛ o na Mosé nɛnɛ. ¹³ Mawu gbrɔ na Mosé bé fô ŋ'dé gbɔ futu, yi na yi Farao gbɔ, yi nagbrɔ nɛbé Mawu -Mavɔ, Hébri-tɔwo ho Mawu bé né ɖé asi lé yého dukô ŋ'ti yi nayi subɔ yé . ¹⁴ Dodé fifia, ma wɔ bé édɔlélé vovo la kɔɖé édjiwo, la kɔ ɖé gɔménɔtɔwo wodji yi la kɔ ɖé Egypt dukôa kpata dji, tchagbé nagna bé amédé kpékpé mulé agnigba dji ké sɔ kudé mu o ¹⁵ Né sigbé ŋ'tchɔ éku ho alɔ po wo kudé dukô woa wo la ti tcho lé agnigba dji hoho. ¹⁶ Vɔa ŋ'na bé wotchi agbé tchagbé nakpɔ ŋusɛ̂ gné yi ŋ'kô gné na kaka ɖé agnigba kpata dji. ¹⁷ Nè wogbé tcho ɖé dukô gné ŋ'ti, yi womu ɖé asi lé woa ŋ'ti yi woné yi woa. ¹⁸ Mana bé étchɔ gakéa mé kéa ,ékpé-tchi gan ké ŋ'dja lé Egipt kpɔ wɔa la dja. ¹⁹ Edjé bé nawɔ bé woa kprɔ érãha-wo wo kuɖé énukéwo kpata gni tɔwo woa va bé ɖé énugɔme. Ekpé-tchi la dja ɖé améwo kuɖé érãwo kpata dji lé botawomé, yi énukéwo kpata érã kéwo bé woa la tchrõ. ²⁰ Farao ho subɔlawo kéwo vôna Mawu ho égna ké égbroa, wona bé érâhawo tcho bomé va bé dé ahomé. ²¹ Vɔa, amékéwo ŋ'tchɔ Mawu ho égnawo wɔdɔ woa ɖasi woaho subɔlawo kuɖé érâhawo ɖé ébowomé. ²² Mawu tona Mosé bé né do yiho alɔ dé édji gbé ké la wɔ bé ékpé- tchi la dja dé Egypt ho améwo, érâwo kudé ébotamé ho gbéwo dji lé Egypt gnigbâ kpata dji . ²³ Mosé kiké yiho atizôti ɖé ayamé ,yi Mawu-Mavɔ na bé édji -dégbé kudé ékpé-tchi dja ɖé agnigbâ dji yi ézo kudé ékpé- tchia hɔ Egypt gnigbâ kpata ²⁴ Ekpé-tchi kudé ézo ké dja ɖé agnigbâ djia tɔgbé mudja ɖé Egypt gnigbâ dji kpɔ o ²⁵ Ekpé -tchia dja yi tchrɔ̂ amégbétɔwo, érâwo, égbéwo kudé atiwo lé ébowomé lé Egypt. ²⁶ Gosen du ké gni Israèl-viwo ho ɖika mé yi ékpé- tchia ŋ'dja lè o. ²⁷ Farao dɔ amé dida Mosé kudé Aaron bé wɔagbrɔ nawo bé yé djé agɔ, yi Mawu- Mavɔ tɔ djɔ gnu yi éyé kudé yého édukɔ̂a ho gna ŋ'djɔ o ²⁸ Mi dékuku na Mawu-Mavɔ bé édji- kézo kudé ékpé tchia ŋ'gbé dja kéo :Gakuma méa maɖé asi lé mia ŋ'ti yi madati lé mia wûti yi mia yi , amédé kpékpé yi amédé ma gbé tu émɔ nami o. ²⁹ Mosé do yĩti nɛ bé, né ŋ'do lé édua mé vɔa, ma kiké dé édji ,yi Mawu-Mavɔ la na bé édji-kézo kudé ékpé-tchia, la ké, tchagbé nagna bé agnigbâ bliboa gni Mawu tɔ. ³⁰ Vɔa ŋ'gna bé éwo kudé subɔlawo wo mĩ mu lé vɔ̂ Mawu haɖé o ³¹ Déti kudé mɔrĩ gblé lé ébomé, énuké ŋ'tia mɔrĩ tchɛ̂ iku yi déti po sé ³² gaké ŋ'dékpékpé ŋ'wɔ bafo kudé ého wowû gléwo dobé wɔawo ya wotchi ŋ'gbédomé. ³³ Mosé do tcho Farao gbɔ yi do lé éduamé ,yi kiké abɔ ɖé ayamé do dé Mawu Mavɔ gbɔ, yi édji-kézo kudé ékpé- tchia ké ,yi étchi ŋ'gbé dé agnigbâ dji o ³⁴ Ké Farao kpɔ bé étchi kudé ékpé-tchia kudé édji kézɔawo ké vɔ la yi ŋtɔ kudé yiho subɔlawo gbé tri édjimé dé édji . ³⁵ Farao ho dji gbé tri dé édji yi égbé bé yé ma dé asi ɖé Israèl -viwo ŋ'tio, sigbé Mawu gbrɔ to Mosé dji ɛnɛ.