¹ Yosef mágbateŋ álé yídokoé le ameyiwo le égbɔ́á dome o. Edo aƒá be ; mi ɖe amesiáme tó. Ameɖékpíe megbale Yosef gbɔ́ o eye be ɖe yiɖokóé fíɔ̂ nɔviáwó. ² Ekógbe yi dji fă avi egiptetɔwó gbaku pháráon be aƒea wo se. ³ Yosef gblɔ ne nɔviáwó be: enyeé nyí Yosef tɔtɔ́nye gbale agbea ? Vɔa nɔvráwó meteŋ ɖó éŋtií ɖóa ci wó kpɔ́ Yosefa wácáká. ⁴ Yosef gblɔ ne nɔviawo be mi tegógóŋ eye wó tegógóé. Egblɔ né wóbé enyeé mia nɔví Yosef yiké mi sa be ne wóá kplɔ djó yi Egipte. ⁵ Fífíá mi ŋgba se vevéé mia xanú be yi wó sam be wo kplɔm va gíya(fiya) o; ɖóá Mawu dom ɖóɖá be máɖe miabé agbe. ⁶ Adɔ tó le duamea eƒe eve éya eye le eƒe atɔ̂ mea agble dede gbaku agblenúkú ɖeɖe mégbale nɛnɛgbéó. ⁷ Mawu dóm ɖóɖá be mana mia cí agbe le duame eye be ne mia nɔ agbe to katútú găɖe djí. ⁸ Menyi miawóe dóm ɖáɖá gíya o, ké boŋ́ Mawu yé, édóm tɔtɔ́ne pharaɔ̂, aƒetɔ́ ne yíbe aƒéá kpátá dukplɔtɔ́ ne Egipte be dua kpátá. ⁹ Mitrɔ́ yi tɔtɔ́ nye gbó kábá ne miagblɔ nɛ be; viwo Yosef gblɔ̂ be; Mawu ɖóm aƒetɔ́ ne egite be du kpátá va gbɔnye kábá megba ci megbéo. ¹⁰ Lanɔ Gosen be dua me eye mi gbaku vi wo wó, viwo wóbe víwó; alêwowó gbaku nyiwowó, núyiwó kpátá nyí tɔwoa miacɔ le gbɔnye. ¹¹ Manyi wole gémá, ɖóá adɔ gbale tótógbé ké le ƒe atɔ́ me, eye mi gbaku aƒewo gbaku núyiwó kpátá ne nyi towoa mi mele cɔ́crɔ̂gbéó. ¹² Miawo ŋ́tɔ́ gbaku nɔvinye Benyamin mi kpɛ ku miabe ŋkuwó be nye ŋ́tɔ́yé le nuƒoƒoŋ́ ne mi. ¹³ Mi gblɔ ŋ́tíkɔkɔɛ yi le djinye le Egipte be duame gbaku núyiwó kpa&tá mi kpɔ́á ne tɔtɔnye eye ne miakplɔɛ gíya neŋ kábá. ¹⁴ Yosef kpla así ko ne nɔvíá Benjamin ku avifafă eye benjamin că fă avi kɔ kɔme nɛ. ¹⁵ Ekpla así kɔ ne fofóăwo că ku avifafă. Eye amegbéá wó ka aséŋ́ ɖe du. ¹⁶ Hûnyahûnya xɔ Faraon be aƒea dose le ɖiɖiŋ́ be Yosef be nɔvíwo vá; édjodji ne faraon gbaku yibe dɔcɔvíwó. ¹⁷ Faraon gblɔ̂ ne yosef be; gbɔ̂ ne nɔvíwiwí be mi ƒoté miabe núwó ne mia yi kanan be duame . ¹⁸ Mi kplɔ mi tɔtɔ́ gbaku miabe ƒometɔ́wó eye ne mia va gbɔnye. Ma na mi Egipte be núnyíúwo eye mia ɖu duame be núdoami. ¹⁹ Gbeɖeɖe le asíwo be na gblɔ ne wó be; mi wɔ éya. Mi cɔ avawɔʋúwó le Egipte be duame ne mia srɔ̂wó gbaku miabe víwó; mi kplɔ mia tɔtɔ́ ne mia va. ²⁰ Mi megba xanú ne núyiwó mile gbegblêgbé dadíó, ɖóá nú nyúí yiwó le Egite be dua kpátá mea le miatɔ nyígbé. ²¹ Israel be víwo wɔɛ ɖédji nenémá, yosef ná wó avawɔʋuăwó le Faraon be gbeɖeɖenu énáwó núɖuɖuwó ne mɔ́zɔzɔ̂a. ²² Énáwó awudódówó, éná Benjamin sikel ga kaádrêtakpó(300) gbaku awudódó amatɔ̂(5). ²³ Eco sɔ́ ewó(10) yiwó djí wódó Egipte be núnyiúwó ɖóá gbaku tédjí ewó yiwó dji& wódó bli abólo gbaku núɖuɖuwó ɖóá ne tɔtɔ́á le mɔ́zɔzɔa me. ²⁴ Émegbéá eɖó nɔvíáwó wó djó éyé be gblɔ ne wó bé mi ŋgba wo adjre le mɔ́ djíó. ²⁵ Wó djó le Egipte yi Kanan be duame le wóá tɔtɔ́ yakɔbu gbɔ́. ²⁶ Wó gblɔ nɛ be; Yosef kpɔtɔ le agbe éyé eyíé le Egipte dua kplɔm vɔa Yakɔ́bu mé ke nua ɖóá mé xɔ wóa djí se o. ²⁷ Wo gblɔ nyayiwó kpátá Yosef gblɔ ne wóa nɛ. Yakɔ́bu kpɔ́ aʋawɔʋú yiwó Yosef cɔ́ ɖóɖá bé wóá sé kɔ́kɔ́ɛ́ vá. Gamáme câƒée wóá tɔtɔ́ yakɔ́bu bé gbɔgbɔ vá fɔ̂́. ²⁸ Éyé Israel gblɔ bé: ésu nené ! vinye Yosef kpɔtɔ le agbe ! Me le yigbé eye mele ékpɔ́gbé cắƒé ákú.