¹ Dɔwuame le ŋsɛ̃ le anyigbãdji. ² Yi wó ɖu bli yi wó he cò Egypte vɔ vɔa, Yakɔbu gblɔ̃ ne viɔ be: Mitrɔ́yi, mí yi ƒle núɖuɖuwó né mí. ³ Yuda ɖóŋti né be: ŋúcu ma gblɔ̃ nyaya ne mí nyuíɖe: mi ma kpɔ mo nye o, ne gbe mia nɔvia va kú mi. ⁴ yiŋtia né le dí be yá dɔ̃ mi gbaku mia nɔvia, mía yi, ye mía ƒle núɖuɖuawo ne wò. ⁵ Vɔ ne me dji bé ya ɖuiɖa o woa, mí mé le yiyi gbe o, ɖoa ŋúcú ma gblɔ̃ né mí be: mi ma kpɔ mo nye o, ne gbe mia nɔvia va kú mi. ⁶ Eye Izraɛl gblɔ̃ be: nukaŋti mi wɔ nu baɖa ya ɖóɖa gbɔ nye, yi mi gblɔ̃ ne be nɔvi ɖeka gbale mia si ? ⁷ Wóɖoŋti be: ŋútú ma biɔ nya mí kuɖe míaŋti gbaku míabe ƒómea ŋti gblɔ̃ be: mia tɔtɔa gba kpɔtɔ le agbea ? Míɖò nɔvi ŋútúvia ? Eye mí ɖò biɔbiɔ yawo ŋti ne. Mía teŋ nyá be la gblɔ̃ be: mi kplɔ mia nɔvia va a ? ⁸ Yuda gblɔ̃ ne Izraɛl tɔtɔa be: Ɖati vivia ba yi kúŋ be ne mía có eye mía djó, eye mía nɔ agbe ye mí má kú o, míwó, ewò, gbaku míaviwo. ⁹ Má nɔ nú ne, la biɛ cò gbɔ̀nye. Né nye me trɔ́ kplɔɛ gbɔne o eye nye me kplɔɛ va fiɔ̃ wò woa, ma dje agɔ do wò cɔ yi ɖoa. ¹⁰ ɖoa ne ŋgbe mí ci o woa, mía ke atrɔ ayiagbɔ zieve vɔ. ¹¹ Izraɛl, wó tɔtɔa, gblɔ̃ newó be: ke be djó hiã, mi wɔɛ. Mi cɔ djua be núkú nyuitɔwó de miabe akpówóme be ne mia cɔ yi ne ŋútúma, acikemiʋeʋelíl̃ílí viɖe, kuanyící viɖe, ami ʋeʋewo, gbaku atikusese vovovowo yi ne. ¹² Mi cɔ̀ núpeple be ga tepe eve ɖasí, eye mitrɔ cɔ̀ ega yi wó cɔ̀ de sákówoawo me ne mia yi: la teŋ nyi vòdàdà nyĩ. ¹³ Mi kplɔ̀ mia nɔvia, mi có, mi trɔ̀yi mícúmá gbɔ́. ¹⁴ Mawau núse kpátátɔ́a ne na be miá kpɔ̀ amenúvévé le núcúma gbɔ́, ye ba ɖasi mia nɔvi ɖetɔá ku Bẽyamĩ ŋti, wóagbɔ̀ kú mi ! Ne nye a, ne vinyewó wóadjó le ŋci nyea, ke má djó ! ¹⁵ Wó cɔ̀ núnáná wó cɔ̀ núpeplé be ga tepe zive de wóŋti, ku Bẽyamĩ. Wócó wó ɖiɖivà Egypte eye wó và Yosɛf gbɔ́. ¹⁶ Káká Yosɛf kpɔ̀ Bẽyamĩ le wógbɔ́a, é gbɔ̃ ne yibe núwódjikpɔ́tɔ́a be: kplɔ̀ ameyawo yi aƒemé, wù lã na ɖa ne mí, ɖoa ameyawó le núɖu gbé kuŋ le ŋdɔ̀ me. ¹⁷ Ŋúcúya wɔ núyi Yosɛf gblɔ̃ nea, yi be kplɔ ameawó yi Yosɛf ba ƒeme. ¹⁸ Vɔ̃vɔ̃ ɖówó yi wó kplɔ̀wó yi Yosɛf ba ƒemea, eye wó gblɔ̃ be: Nyícɔ̀ be ga yi wócɔ̀ ɖe miabe akpówó mea, ŋci wó kplɔ̀ mí va nɔ̀, wóa djo dje mía dji, wóa djó ku mí, be ne wóacɔ̀ mí sigbe kluviwo nene, ye wóa xɔ̀ miabe sɔ̀wó. ¹⁹ Wó tegógó Yosɛf be aƒédji kpɔ̀tɔ́a, eye wóle enya tóŋ ne, le aƒea mɔ̃nú. ²⁰ Wó gblɔ̃ be: mí ɖekúkú, mía pétɔ, mí va ziɖeká vá ple núɖuɖuwo. ²¹ Ye, éyi mí va, afí yi mí mlɔ̃a, mí ʋu míabe sákówo éyé kpɔ́ ! amésiáme be gaplenú le yi be sákówo nũ ne, mía be gaplenú le yibe kpekpeme nũ: mí trɔ́ cɔ́ wó va. ²² Mí cɔ̀ gaplenú bú cã́ va, be mia ple núɖúɖúwo. Mí me nyã ameyi cɔ̀ miábe gawó de sákóawo me ne mí o. ²³ Enúwodji kpɔ̀tɔ̀a ɖóŋti be: núcífáfá ne nɔ̃ kú mi ! Miŋgbavɔ̃ núɖékpékpé o. Miabe Mawu, mia tɔtɔ be Mawu, ye cɔ̀ kesinɔnú ɖe sákówo me ne mi. Wó cɔ̀ miabe gawó neŋ. Eye wó kplɔ Simõ va ne wó. ²⁴ Núcú ya kplɔ̀ yi Yosɛf be aƒéme, e kù ci ne wó ye wó klɔ afɔwó. Eye wó na núɖúɖú wóabe tedjiwo cã. ²⁵ Wó le núnánáwo djraŋ ɖo be wóa cɔɛ ne Yosɛf le ŋdɔme, ɖo wó na wó nyá doŋkɔ be wó le núɖúgbé le yi gbɔ. ²⁶ Yi Yosɛf gbɔ va aƒémea, wó cɔ̀ núnáná yi wó he va néa ne, eye wó dje klɔ de tagũ ne. ²⁷ E biɔ wó be leke wófɔ̃ ɖui, eye be gblɔ̃ be: mia tɔtɔ cicia (kudjɔɛ) yi be nya migblɔ̃a, le lãmesé mea ? E kpɔtɔ le agbea ? ²⁸ Wó ɖoeŋti be: subɔ́viwò, mía tɔtɔa le lãmesé me, e kpɔtɔ le agbe. Eye wó djeklɔ ɖe tagũ ne. ²⁹ Yosɛf kɔ mó yi dji, ye be ɖe ŋkú kpɔ Bẽyamɛ̃ yi nɔ̃viá enɔ̀a be vi (enɔdjidji), e gblɔ̃ be: mia nɔ̃vi fɛ̃ yi be nya mi gblɔ̃ néma ye ma ? Yi be cɔɛ kpe be: Mawu kpɔ̀ núzízí newɔ̀ vinye ! ³⁰ Yibe dɔ̃me trɔ́ ɖe nɔ̃via ŋti, ye be ɖi avĩn ne, ékeɖi ɖo xɔ̀ ɖe me, ye be fãvì. ³¹ Yi be fũ mo vɔ̀a, &drò ye be le agbagba djeŋ ba ya nɔ̃ yi ɖókuí me. Ébé: mi mã núɖùɖùa. ³² Wó wɔ̀ Yosɛf tɔa ne ɖe vò, eye yi fofóawo cã tɔ ɖe vò, Egyptetɔwo yiwo le núa dúŋ kuia cã tɔ̀ ɖe vò, ɖoa Egyptetɔ́wo mateŋ ɖùnú ɖe dju gbaku Hebritɔ́wo o, ɖo nuyiŋtia e le néwo sigbe hlɔ̃núwɔwɔ nené. ³³ Yosɛf be fofóawo nɔ̃anyí le yibe ŋkúme, wó ɖówo cò ame cicitɔ́a dji vá yi vivítɔ́a dji, eye wó le mòkpɔ̃ŋ ne wó nɔnɔɛwo djúŋ. ³⁴ Yosɛf na wó́kã núɖùɖu yi le yibe ŋkɔdjea na wó, eye Bẽyamɛ xɔ̀ wú amemlɔɛwo zigbɔgbɔ ziatɔ̃́.