¹ kagbennu pak k senn tubdatu k tul Hadlak tinŋ l tinŋ saan set Damas duoe,k maan kagbennu golii lenŋ niib nanb buolupaak nan Islael tieb na, L tinŋ saan dian Hamath ,Damas ,kpalpaak .k nyii tiil nan sidon nan lenŋ niib buolu na kul. ³ Tiil tinŋ kpekin salimmonaa nan tanbiinii na,nan salinpienaa nan paan pak boakne . ⁴ ŋaan yennu saabal k jii k yat nann luu mokigbenŋl ni ŋaan juo duo na muu . ⁵ Askalon tieb sa la k jaŋmaanii sa suolib k Gaza duo mun sa lal k tinŋ joku sa tien ,nan Eklonn tieb munn ,k b dindann e ,n yaat k Gaza tieb n konŋ b kpanbal ,k sua ji kan kua Askalon. ⁶ Saann e ji sii kua Asdad duo ni ,n sa nyinn kalinbaan danm nba k filiib tieb nba mok na. ⁷ N sa nyinn sɔn b moii ni nan bonbiil nba be b yial ni b muu ji sa tien k i tie t yennu yab ,b ji sii tie kpanbal ee,Juda duo ni, ŋaan Keklon tieb sa kpant jebusin niib. ⁸ Nsaa guul n niib k b dataii nba saa jent na kan gaal lenŋi n kan sak k niib nba muksii na n gal b buol ni k maan motana n ninbinaa kpaa ii paake . ⁹ Sion tieb i mok kpinkpanmuk man Jelusalem tieb ii yikin nan palmann Gotl man,ii kpanbal ee baat ii buol na.u tie balmonii danuae k bia mok nyannu ŋaan u tie wunba sikint u monŋ k jak bonŋ paak,bonŋ nba tie bonbik. ¹⁰ Usaa bil Eflaim tɔb taantolit nan taanii nba be Jelusalem na,k kɔnnii tɔb tindaat,u saa muante pal maasil buolu kul ni,la nyii mokigbenŋl ,k sa tu mɔkgbenŋiliel po sii be u yent ni.La nyii mɔk gbenŋl k sa tu tinŋ saan tuusinba . ¹¹ U ya paake k u lol nanii k jii Malunŋ sɔn k gbie na,n sa ŋaan k ii niib yann k bin nyi dabisin ni nba tie nan bunbunk on na ni. ¹² Jenin man sianba kii sii be ii yamani k bia gbie nan didann din na na.mine yet k bia sa pukna munlie . ¹³ N saa jii Juda k u tie nan kɔkɔnaa Tadak na k Eflaim ii tie nan pienii na k bia sa donn sion tieb bii tie nan kikɔn na Javan,n sa te k fii mok panŋ k ii cie kunkonkonaa juuk banjak. ¹⁴ Kangbennu saa dɔkit k be u niib yuulaa paak u saa tɔ u pienii nan sayikin ti na ,kagbennu yennu saa peb natune k sii be wunpaluk nba saa nyi yensuk ni k baal na ni. ¹⁵ kagbennu panŋdanua sii guu u niib u saa bianu dataii ,u saa paak u dataii b saa paak tana nba k b sii lubinib b yugbia ,b saa nyuk ŋmat b sii yikin nan dayibilaa nee,k b sɔn npubl nan ba tuu kpaal malunŋ sɔn binbintl paak bianba na . ¹⁶ Ldaali baal kagbennu yennu sa tinn u niib nan pekpalik nba tu nyinn u peii ninbonŋ ni bianba nee,b sii nyilii u tinŋ ni nan tanbiin nyinyilaa nba tu be naan fokilik paak na. ¹⁷ Tinŋ na sii ŋan k bia kpaii bonciann k tulb k nipaɔnŋ sa di tinŋ na jiet k nyu li daan k kpaat nan panŋ.