¹ Malaka nba din piak nanin jen, ŋanne k u fiinin nan nilua nba b tu fiinua guamin na. ² K u yetin: a la bee, kin jiin , n golii k la salma fitsentl k kpan senŋ tua l paak k fita ŋanlole tua k lintl, k fitl kul mɔk fit ŋmiikunkuan bua ŋanlole, ³ k bia la kpan tiini ŋanlee, k yenn sie fitsent na niidiitu po , k liel be u ganŋ po ⁴ k gaal maan, k yet malaka nba piak nanin na linba na paak tie bee, n yomdaanua ? ⁵ malaka nba bo piak nanin jiin na a: a k mi linba na paakii,yeta l kan fit n yomdaanua ⁶ L yuo k u ŋanm yetin a : n nae maan nba kangbennuk tien zolobabel: l k tie yiiko paak, k bia k tie yiiko paak ka, ŋaan tie n yanme ,yabint kangbennuk yet . ⁷ A tie ŋmee ,jɔjann, zolabal tuann ni ,a saa baa, k u saa bil tanjaann laat sunsuuk ni : Nyik cab nyik cab tie u yal ⁸ Yabint kangbennuk maan tulin lanbona a: ⁹ Zolobabel nii senn ŋaak na , k u nii bia saa juontua ,k a fit bann nan yabint kangbennuk set tumin i buol. ¹⁰ K l ma binba ta saa yet talas piinu daal, b ta si kpam k tun linba dakit Zolobabel nuu niŋ. l ŋanlole tie kangbennuk ninbina, k lin tinŋ kul po. ¹¹ N gaal maan, k yet tua : kpan tii ni ŋanlee paak tie bee, fitsentl diitu nan ganŋ i ? ¹² N gaal maan taal nu nlee, k yetua : k kpan tiik yiini ŋanlee nba kpia salima funfuonti ŋanlee nba k kpan nyi lenŋ na paak mun tie bee? ¹³ K u jiinnin ma : A k ban baa tie linba a? N yet ; a ŋann ka, n yomdaanua . ¹⁴ K u bia yet : B tie banlee nba k yennu maan kpan b yuk paak k b sie yomdaanua tuann tinŋ kul po.