¹ K damiliet ni k n la jua k u dia ŋmibikin kal u nuuni. ² K boiɔ a saa lia? K u jiin a, N saa maa n janŋ seluslusalem-e, k la lifɔkint nan li yalmu. ³ Ŋanne k malaka nba bo piak nanin na siet k saa tuɔnn po, k malaka luo cet'ɔ. ⁴ K sinsinn malaka yet wunba cetɔ na a, I tiin k saa yet naasimɔ nba dia ŋmibikinkal na, a niib nan bonkobit sii be selusalem bonciann li paak, li saa yabit nan lii mɔk juonna wa. ⁵ K kagbennu yennu senn mɔsonn a u mɔnŋ sii tie muujuonn, k kaanlint duo na k guulb, kii sii be lenŋ nan u yent nba yab. ⁶ K kagbennu yennu yet u niib na a , mine yati loka kul po, ŋaan mɔtana, yinm nba be babilonn yomisin ni na, bɔlin nyi ki ŋmat selusalem man. ⁷ K wunba faai u tuu yennu ninbinne na. ⁸ Li paak , k yabint yennu tumin nan mɔnntii nba na; a n mɔt k tul u buolu nba tuu fial u niib bona na a ; ⁹ Yennu mɔnŋ saa kon nani, k niib nba tuu tie i daaba na saa nyanni, k fat i mɔkint k yaat nann . ¹⁰ Kagbennu yennu yet a i yiin yanii nan palpienn man, selusalem tieb . N baate a mii be be buol ni. ¹¹ Li yuo manŋ, digbana bonciann saa baal yennu buol k kpant u niib, ku sii be i buol, ki i saa bann nan ŋɔa tumin i buol. ¹² Ki Juda yent saa ŋanm kii tiee yennu faal kassi tinŋ na ni, k u saa ŋanm gann selusalemk li tie u mɔnŋ duo. ¹³ Sua kul ii ŋmin suoonna yennu tuɔnn, ki maan u saa nyi u kassi binbe buol na k baal.