¹ Kangbennu muksuk maan nba ku pak Israël nne kangbennu nba tak saan paak nan tiŋ na pak , k bia naan nua nalŋ . ² Gotl n saa tie jérusalem yaalituk bonn nan buolu nba litua , nan juda jérusalem niŋ . ³ L daal n saa tie jérusalem buolu kul tann nba kpei . Binba kul saa yuktɔ saa kpoe ; k tiŋ gboŋ na kul niib saa taan u paak . ⁴ L ŋaa daal laa kangbennu-e mat , n saa faa nan yaalituk taami , nan b nba jaktib ; ŋaan n nibina sii kpaa juda ŋaak paak , yuo nba k luu juantin niib manŋ taami paak . ⁵ Juda kpanbala si yie b paalan a : Jérusalem tie tin paŋ kangbennu kunkɔkɔna saa kua b yennu paak . ⁶ L daal n saa tie juda kpanbala nan daaŋ nba gbie nan daat na , nan baa tuu taab tonche muat paak na ; k bin saa kpii niib nba be gaŋ nan dituu klinte na , k Jérusalem jii be u yial jerusalem . ⁷ Kaagbennu saa tinn juda yei k l fiit David ŋaak yudant nan jerusalem tieb yudant k l daa nŋiin juda . ⁸ L daal kaagbennu saa gul jerusalem tieb , k b niŋ na talk sii tie nan David-ne ; David ŋaak sii tie nan yennu-ne nan kaagbennu malaka bin tuann . ⁹ L daal n saa yaabl k biil digbaana nba saa kɔ na jerusalem . ¹⁰ N saa yat David ŋaak paak nan jerusalem tieb paak n balk siek na nan fun fabini , bin saa tunn n paak , u nba laa daami . Bin sii mɔ u paak nan baa tuu mɔ bonjaak yemil paak na bin saa mɔ boncenn nan bik paaŋ na . ¹¹ L daal jerusalem funfani su tie nan d'Hadadrimmon meguiddon jaak paak funfani-ne . ¹² Duo na sii be mɔniniŋ , ŋaak kul saa bɔkt : David ŋaak yaab saa bɔkt , puob b kukua ; Nathan ŋaak yab bɔkt , puob b kukua . ¹³ Levi ŋaak yab saa bɔkt , puob b kukua ; Schimei ŋaak yab bɔkt , puob b kukua . ¹⁴ ŋei nba tenn saa bɔkt bɔkt , puob b kukua .