¹ Tinimin ninbaɔk, yennu tinimin ninbaɔk, kimaan a ninŋ k n sie k gul a kpinkpant maasu k n laat fatu, cicakin nba tuu baalin nan laa tuu tan gal. ² N Yennu, tinnin'm ninbaɔk, k maan n ninŋ e k n nalinŋ kpaan wun bɔl ; n kpaan k min bɔl a kpinkpant ninŋ, nan yuo nba k bonbiil tan saa gal. ³ N nyikin k tien Yennu nba be sanpaapo na, k bia gaan n paak na e. ⁴ N tinnu saa nyii yendɔnŋ ninŋe, yuo nba k n dataii kpaan bin kpin; Yennu tuu baal nan u ŋant nan u luomm nae k tinnin. ⁵ N dataii linti maa, k naan na yanbɔlaa nba su niib na, k b nyanaa tie nan kpanaa na, nan talbana pienii na , k b jelima man nan jukbanjai na . ⁶ N datai lu laanunŋ a bin soolin, k n be nan palbiil, k b gbii bootuk, sɔnu nba k n tɔkii na ni, ŋan k b mɔnŋ tan baa li ni. ⁷ B jii janbaonŋo k lu a bin suolin, k n balinŋ be palbiil ni, k n dataii manŋ gbii buotii k guontin, sonu nba k n tɔkii na ni ŋaan k b mɔnŋ tan baal l ninŋ. ⁸ Oh, n Yennu, n pal manŋaa, k n palmanciɔnŋ ni k n luon man jii bon mumuat k yinyanii k dont a sann. ⁹ N nalinŋ, fiit guanni ! N yeli , nan naatunaa kul, fiit man! N saat e sinŋafaal n baal yiaan. ¹⁰ N saa yin dont a sann tingbɔnŋ na nibuolu kul buol, nan digbana kul ni, n Yennu. ¹¹ K maan a lom baal sanpaapo wa, ka ŋant na tan saan tuot sanpagbant ni. Oh! n Yennu , fiit yendɔŋ ni k set ŋaant k a yudant a yat tingbɔnŋ na kul po.