¹ Kole waas yanyinna canbaa nba, yennu-e tie panŋ daanua nan tiguutua, ki tien siil nnan wunsonmt daamii ni, yuo kul. ² Li paak e tien k ti k be jaŋmaani ni yuoo nba k tinŋ ŋmat, ki juaat bekintl k ba mɔkgbenŋa sunsuk-ni, ³ Yuoo nba ki mɔkgbenŋle nyun pia woktl baat ki mɔk fuut k saa te k jual danm. ⁴ Wu tie mɔkl nab tien yabint daanɔe, yennuduo nba tie wu kasii binbebol na palpiienn. ⁵ Yennu be wu sunsuk ni, k l kan biilua, yennu tu baal ki sonmua sanyafaal-e. ⁶ Yennu kunkɔl tant, ki tingbonŋ nann, ki jaŋmaamii suol niib, ki digbana baa. ⁷ Kangbennuk yennu be nant, wunba tie Jacob yennu na, ŋua-e tie ti gungulbuol. ⁸ Baat man ki tan got kangbennuk tuona, yaalituktuona nba ki wu tun tinŋ paak ! ⁹ Ŋua-e te ki tɔbii gbenn tingbonŋ kul paak, wu jint talbanna, ki kɔnn kpanm, ki tia juo nagbankonŋa muu. ¹⁰ Setl man, ŋaan bann nan min a tie yennu: in mɔk panŋ dugbana paak, in mɔk panŋ tingbonŋ kul paak. ¹¹ Kangbennuk yennu be nant, Jacob yennu-e tie ti gungul buol