¹ Palpienn tie wunba baka be fala damm po na yal e. Yuo nba ki u be mabl ni Yennu saa sommɔ. ² U saa tee ki u be tiŋ na ni, ki mɔk palpienn, Yennu sii guu'u ki u mɔk manfuol. U kan ŋaa'u yann ki te ki u wantieb dia u. ³ Yuo nba ki u be b baatdieok ni , Yennu saa sommɔ ki tulɔ laafia. ⁴ Yennu, n yet a, n tun ki biila waa ŋaan tinimin ninbaaɔk. Ki tulin paak (laafia) . ⁵ N nantieb yien linba ki ŋanne ki tienin . Bi luon man kpoe ki bin tamm n po. ⁶ Fai damm e baat ki fuontin, tanbintin maabiit, ki nyin nann ki piak suo kul buol. ⁷ Binba ki luo ni na lɔkine tien lieb ki bilin ki bikii bonbiil nba saa tienin (banŋnba). ⁸ Ki bi kul piak a yial biuk, suolua wa u kan mi paak i. ⁹ Wun nba kin dun u paak, ki min nan ŋua tun ki di yomm na nyii n puola. ¹⁰ Yennu tinimin ninbaaɔk ki tutin laafia. Ki n saa pa jiin n datai. ¹¹ N nantieb kan fit paakimi n mi na a mɔk palpienn nanin. ¹² Ki man a tun linba ŋanne a saa sommima. ¹³ Pakin ki kpakit Islael tieb fieltua Yennu man, pakin ki dontɔ mɔtana nan yuo nba kaagbenu. Mɔnnie lii tie n na.