¹ Daafiit yanŋ, kaagbennu ! n yikn k tien fin e. N tanpiiuk ! A daa kpaa a tuba kaa, gbiint n yikni. N sian nan li tie k a jiin n ŋaan yaat, mii tie nan din nba siik buotuk ninŋ na. ² Gbiint n fabni yuo nba k n yikn tien a, yuo nba k n dont n nii a ŋaak po. ³ A dont wutuol tondanm nan niib nba k cɔln paak bin nba pak manu maan, ŋaan subni gbie b pala ni. ⁴ Pab k lin janŋ nan b tuona nan b subin-bontitiet. A jiinm, nan baa jii b nii k tun bannu nba . Tul'b paak nba janŋ nan m. ⁵ K maan b k fiin kaagbennu tuona po, waa jii u nii k tien lin nba, wun tut lu k ji daa fiint. ⁶ Yetŋam, tie yonmdaanɔ yal e. K maan u gbiin a yikni. ⁷ Kaagbennu tie n panŋ, k bia tie n naagbankɔnŋl. ŋua buol buol e k n pal be, k u sonmt'n k n yiin yani k dont'ɔ. ⁸ Kaagbennu e tie u niib panŋ ŋua tie tanpiiuk nba k u niganntua nyint u niib lenŋ. ⁹ Fiel a niib, k yat yetŋanm a faal paak, ii tie b pekpaalk kii guub yuo kul.