¹ Dafiit yanŋ. n yonmdaanɔ, n mei a nan n pal kul. ² N yennu! fine k n du a paak: a daa te k fei dimi! a daa te ki n datai pal man n binbenŋ paak. ³ Binba b du a paak kan ban di fei; binba k du a paak ŋanme sa di fei. ⁴ N yonmdaanɔ! waantin a sɔnnii; tumii a sɔnjot. ⁵ Tumii k mii be a balmɔnii ni, k maan a tie yennu nba tie n tinntɔ, fine k n pal du a paak yuo kul. ⁶ Yennu! tiat a niinkpaabanŋ nan a ŋant po, k l maan l kagbennu. ⁷ A daa tian n naasint biit po nan n bonkpeta po, k l maan a ŋant paak , n yonmdaanɔ. ⁸ Yennu ŋannae ki bia tuok. l paake tien k u want biit danm u sɔnnii. ⁹ U dia binba siikint b mɔnŋ nan balmɔni, k bia tumiib u sɔni. ¹⁰ Yennu sɔnjɔt kul ŋannak u bia tie ninkpanbanŋ nan balmɔni daanɔe, k tien binba dia u senni nan u mɔlol na. ¹¹ K l maan a sann paak , o yennu! k a sa nyik n biit k caabin, k l maan a ŋan. ¹² ŋmee tie nlɔ nba ŋmaan yennu? yennu saa wannɔ sɔnnu nba k u sa ŋann. ¹³ U ssiek si be ŋant ninŋe, k u buolo sa yent duo na. ¹⁴ Yennu ŋɔsiinbae tie danm nba tiinɔ, k u mɔlol na tienm kpaanmi. ¹⁵ N goliyennue yuo kul, k l maan u sa nyinn in bonbil ni. ¹⁶ Gotlin k bia tinnin ninbaɔk, k maan ka sonmintɔa k bia tie talas daanɔ. ¹⁷ N palbiil pukie, nyintin n ninbatil ni. ¹⁸ Gotl n wahala nan n ninbatl, k nyik n biit k caabin. ¹⁹ Gotl n datai nba yab biaŋnba, nan baa waan nan nanŋ nba. ²⁰ Guutin siek k bia tinnin! k daa te k n yan ŋmat; yuonba k n bal a buol a man tan gul. ²¹ ŋ aant k bonŋane nan a balmɔni i guun,k l maan n dindann kul ga a paake. ²² Yennu! tiint a niib Islael tieb kul bi niinbaatl ni.