¹ N yendu I guun! k l maa fine tie n wunwuonbuol. ² N maad kangbennu:"fine yie n yonmaan, n pamann daan nan n janba saakua". ³ Yendu niŋanm man u nimom kul nba be ne kul, l tie pamanne n po. ⁴ Binbaa tiin k saa tingban yei ne baat nan yubɔnn ne b mɔnypaak. n kan pukin b bokta ne ni. N kan puk b tingbana manyi. ⁵ Yendu n mok fin kunkuae fi ne tie nin maa luon linba kul n muun kul be a nuu niŋ ye. ⁶ A piinii nba k a pin kul mok bakitinony. A piinii kul ŋan. ⁷ N dont kaagbennu k l maa u ŋmakitilin k nyiok dudukit tienin kpaami. ⁸ Yuo kul n tian yendu po, u be n diitu, k sial ka k saa daamin. ⁹ L paak n pal man, n tienɔ niipuok. n mi nan n sie kenken. ¹⁰ Fine nyintin kuun pany ni; a kan te k a ni monua gbannant n bad koo wun nyit kpien tinŋi. ¹¹ A sa wannin sonu nba saa man fuol ninya. A benu tie nin kpinkpam muk bonciann.