¹ Daafit yaani l n yonmadanɔ gbintl n miati, gbintl n fabini! ² Sonmitin a ŋant nan a balmɔni ni! A daa bu a tuontunnɔ buuti! k man niŋanɔ ka a tuanni. ³ N daatai bielin me, k kpaan bin nyinn n manfuol; k te kin n be bunbonn ni nan danm nba kpo k l wei na. ⁴ N siek baake n ninŋ, k n yanl pal ŋmaat n bennu ni. ⁵ N tian daa nba gal na po, k tiatl a tuona po, k duuki linba k a tun nan nii na po. ⁶ N dont n nii a poe; k n siek fabin a paak nan tinŋ nba tukuol na. ⁷ Kaktl gbintin, o n yonmdanɔ! n siek di muue. A daa bolii a nunpo! N sii tie nan danm nba siik buotsunsunŋ ni na. ⁸ Ŋaant k man gbat a ŋant sannyiɔk ni! K man n du paak wantin sanjɔk nba k n saa sonm na! K man n mialu do a buole. ⁹ Nyintin n daatai nu ni, o n yonmdanɔ! A buole k n kpaan gungul buol. ¹⁰ Tumiin k mi tie a lonm! K man fin na tie n yennu. K a sieŋanŋ n ŋmaaki tin sanjɔk nba ŋan ni. ¹¹ A sann paak, N yonmdanɔ tuli min manfuol! A ni ŋant paak tin nin min ninbaɔk! ¹² A ŋant paak, buontl n datai, k biil binba kul wa bielin na! K man n tie a daable.