¹ Baabilɔnn mɔka buol nie k t kal tinŋ ni , lenŋ e t tiat Siyɔn po , k bui . ² K lankin t bonfifaat tiini nba lenŋ ne paak , ³ L penŋ , k binba kɔn k nyiannit ne pakit nan tii yiin yani , b luon tii manŋit b palaa , k yetil a : ii yiin yani nba jiin Siɔn po . ⁴ T saa tien nlee k yin yani k tul kaagbennu bool ganu tinŋ ni ? ⁵ Miitanm Selusalem po , n daa fit k faa biaɔk ! ⁶ Mii kii tian n palpienn nba gbenŋ , n ji daa fit k yiin yani ! ⁷ Kaagbennu , tiatl Edom tieb nba din tun linba , daal nba k t datayi nyonn Selusalem na , tiatl baa din yien a : t yielɔ ma, t yielɔ nan u fia k la ! ⁸ Babilonn doo , n saa biila wa, palpienn sii be bianŋ nba na pann . ⁹ Palpienn sii be daanɔ nba jii a waat k putib tanpiuk paak .