¹ Pakin kaagbennu! pakin kaagbennu sann, pakin man, yinn nba kul tie kaagbennu tuontunna ne. ² Yinm nba kul sie kaagbennu ŋaak ni, yinm nba kul be t baa yennu ŋaak! ³ Pakin kaagbennu! k maan kaagbennu ŋan. yintman u sann! k maan u tie somtuae. ⁴ k maan kaagbennu gaal Sakɔb k tienɔ u yua, k jii Islael tieb k tienm u niib. ⁵ N mi nan kaagbennu tie yenjaane, t yudaan tie yenjaan k gaal yenni kul. ⁶ Kaagbennu tuun waa luon biaŋnba_e, mɔkgbena ni nan mɔkgbenŋa tinŋ po. ⁷ ŋua_e dont sanpagbant sanpaapo, ŋua_e te k sanyikintii be, u buol k da. ⁸ Esipt tinŋ ninŋe k u lin kpii bonjakpeli kul, laa jii nifosaali nan bonkobit kul. ⁹ Esipt duo manŋ nie k u din tun bakitinɔnŋ tuona k kon nan Falaon nan u tuontunna kul. ¹⁰ U lin faa k biil digbana bonciann, k kpii kpanbala nba mɔk yiikuot ne. ¹¹ Amol tieb bat Siyon, Basan tieb bat Og, nan kaanaan bat nba kul. ¹² U din jii b duo ne k tul u niib Islael tieb. ¹³ Kaagbennu! a sann sii tun k be yuo kul, k malpaanu n tuu malpaanu si tunt k tian a po. ¹⁴ K mann yennu saa kɔn k tul u niib, u saa tnn u tuontunna ninbaaɔk. ¹⁵ Digbana yanbit ne b jii salimona nan salinpienae k nanm, niibe jii b nii k nanm. ¹⁶ B mɔk moï k k piak , k mɔk ninbina k k nyuan, ¹⁷ k mɔk tuba ŋan k k gbia , ¹⁸ b k mɔk manfuol b moï ninŋ k naan nan b nba takb na. ¹⁹ Islael tieb pakin kaagbennu, Alom tieb dontl man kaagbennu, ²⁰ Lefi tieb tulin kaagbennu man nipuk, yinm nba kul be tinŋ na k yennu tiini ninbaɔk tientua niipuk. ²¹ Siyon tieb paakin kaagbennu , nan selusalem tieb dontl man u sann paapo.