¹ Kpomɔnii yanii, kaagbennu. daata nmit Daafiit fala nba u dii na po. ² U pol kaagbennu mɔsonn nba k u din senn k pol mopol k tul fin yabint daanɔ jacob. ³ N kan kun ŋaak ni; koo k dual n duanu paak. ⁴ N kan nyik guan n baal n nibina ni, koo k lek nun ningbounŋ gbaa. ⁵ Nan maa tan saa maa ŋaak k tul yennu k l sii tie yabint daanɔ jacɔb yennu manŋ yal. ⁶ Eflata duo nie k t gbat molol lakil na po k tan la jaal kpaant ni. ⁷ ŋaant k tin saan u ŋasaakak ni, k saa gbaan u tuann. ⁸ Kaagbennu , a tɔk nan molol lakil nba tie a yiikuo nyinn na k baal a ŋasaakak ni, kii be lenŋ yuo kul. ⁹ ŋaant k manntieb ii tunn linba tuok yuo kul ŋaant k a niib ii huot nan kpinkpanmuk. ¹⁰ Dafit yaa paak, a daa yien a tuontunnua kpanbal manŋ. ¹¹ Kaagbennu din senn mɔsonn k tul u tuontunua Dafit a: n saa dinn a bonjai na yennua naan k u tan saa set a sienu ni k dia a niib yuo nba k a kaa. ¹² Lii tie k a bonjai na dia molol nan sennii nba k n tulib na fanu. b waas saa tukin kii di naan na yuo kul . ¹³ N kaagbennu gann Sojonn duo, u luon wun tien duo manŋ u ŋaake. ¹⁴ K yeta: nna nae k n sii be yuo kul nna nae k n luon mii be k maan n pal mei l buol. ¹⁵ N saa tien piisin u jiet paak, n saa gbuon u nandanm . ¹⁶ N saa tien piisin u manntieb paak linba kul k b tuun ni, k u niib sii yiin yanii k huot . ¹⁷ Nna nae k n saa dinn Dafit yaabuona na yenua naan k tienna kpanbaljaann. ¹⁸ N saa dinn u datai fei ŋaan te k u naangbounŋ na ii mɔkitil kii kpaatil