¹ Ti dont kaagbennu yennu, n saa dont yennu e nan n pal kul, k muant u sann ni bul ni. ² Yennu tuona yab bonciann, k danm nba baktɔ luon k bin bann l paake . ³ U tuona kul gbie nan baakil nan yiiko. ⁴ Yennu tie ninkpabunŋ yennue, u k te k t tanm u tuon ja naa po. ⁵ U k tanmt u mɔlol na po, k tien binba baaktɔ na jiet. ⁶ U jii ni buol ganu tinŋe k tul u niib, a bin bann u yiiko nba tie bianŋ n ba. ⁷ U tuona nba kul k u tun tie fanue k u sennii tie balmɔni sennii. ⁸ U sennii manŋ sii tun bee, k maan u din tul sennii manŋ nan balmɔniie. ⁹ Ŋuae fat u niib k ŋaab yann, k lol mɔlol nanm, k l mɔlol sii tun k b yuo kul. U tie kasii nan balmɔni danɔe. ¹⁰ Yenntinue tie yenfuon pinpiik, k binba kul waa u sennu na kul mɔk bannu. Dontl tie u yale yuo kul.