¹ Biapake, kaagbennu ! k a fɔk nant nne ? biapake k a tu bɔl a mɔnŋ yuo nba k t be mabl ni ? ² Biit danm ne mɔk dont n mɔnŋe k dint talas danm biak, b sik b balit nba k b tiɔnŋ pii ne ni waa, k maan. ³ Biidaanɔ wɔnt a mɔnŋe, u yanbɔnlol ne ni, bonlonbiuk daanɔ ba kaa nan kaagbennu, ⁴ Nuantont daanɔ jalaat ni u yien a: u k mɔk tubdatuu ? Yennu taan kaa ! waa mɔk maalin nba e ne. ⁵ U bona kul saa fanu e yuokul. A buut ne fɔk nan lin siiu, u laa u datayie. ⁶ U tuu yien u pal ni aa ! n kan mii baa, n kan mii kua mabl ni ! ⁷ U mob gbie nan motont, nan faɔk nan nikpalue buutibuuti nan yanbɔn maan me be u jelinn paak. ⁸ U tuu bɔl dogbanbis nie, k guu a wun pki niib nba k mɔk biit ne u nunjal pkaa talas daanɔ paake. ⁹ U tuu dua u bɔl ninŋ nan yanbɔl nee. U dua k guu talas danm ne, k u baluk tuu tan suolib: K wun jiib k yaat nanm. ¹⁰ U tuu tibinne, k buan, ŋaan yik binba ka somtieb ne nan u taanyalt. ¹¹ U tuu yien u nuak ni a: yendu baka kaa ! u mun u ninbina waa, u k goli sial. ¹² Kaagbennu, fiit k set oo yendu, dont a nuu ! a daa tamit talas danm po ! ¹³ Li saa tien nlee. K tondaanɔ yisin yennu li saa tien nlee kuyien u nuak ni a: yennu ki mɔk tub datuu ! ¹⁴ Ŋaan a laat, a cakin mabil nan biak kule, k tien siil nan fan som ! fine somit talas danm, fine kɔn kpiebi paak. ¹⁵ A biil nuatont daanɔ ne panŋ, datil u tuba, waa tun biitnepaak, k wunbot a nunŋ ni. ¹⁶ Kaagbennu tun k tie kpanbale, nan yuo nba baat kul ni, buoli ne kul saa bot u tinŋ ni. ¹⁷ Kaagbennu, a gbiin binbaa taat falane miatuk ! A paant b pala, a caant tubt. ¹⁸ A fan kun mɔni kpiebik nan u nba k b dintɔ biak, k nisaalik nba nyii tant ni ne ji daa mi baat nan kpukpuluk.