¹ Sɔkni abdia maan. N nae Yemdaanua k mɔk gbennu pak, k jin Edom dUo po: ² T gbat gbatpaanu k jin k mɔk gbennu po, nan u tun toomi doe ni: fit man k saan kua Edom k kɔnnau! Linba, kin saa waanna doe na ni, a si tie nancion bont. ³ A pal ni dont mɔnŋ boonawa, fin nba koa tanfiat ni, k kal sanpaapo, k yee a pal ni: ŋmee saa tut lun tinŋ ni? ⁴ Yuo nba kaa tia tiauk sanpaapo nan kɔnbabonna na, yuo nba kaa toanoa ŋmabria ni, n saa tulaa k mɔk gbennu yet. ⁵ Li tie nanyukb, fat teeb baal a ŋaak ni nyiok, nan faa jebe k bak sial! ŋaan bii saa do k gal bii futu? lii tie daataï baal a ŋaak ni, bii to nyik sial k kan fataa? ⁶ Aaa! nan Esau nba bii saataa na! nan u mɔkin nba bii laa na! ⁷ Binba kul ii too taa moi bii beeri k san too tlek, a yossin kpan na, k yanna wa, binba din di a jeet piia ba barta, ŋaan a k banla! ⁸ Lii k tie lii daal ka, k mɔk gbennu yet, n saa booŋ Edom yandamm, nan Esau yual paak subini? ⁹ A kunkɔnkɔnna, oo theman, lii tan aa jaar libt, k maan binba kul be Esau jual paak saa kpo srare. ¹⁰ Nan a jat nba kaa mɔk k jin a naabik Jakob po, a tan dii fei, k kpi mɔk mɔk k saa gbeni. ¹¹ Daal nba a si sie u tuann, daal nba saam saa jen nan u kunkɔnkɔnna, siaminba saam saa kua u tammoi ni, k luu Jerusalam, fin man a boi tie nan bii yenoa na. ¹² A daa ŋmat pa a ningorisin paak a nabik yuubonn daal, k daa yaatl moob boncian yemputuk daal! ¹³ A daa kua n niib tammoi ni bii baak daal, daa ŋmat pa a ningorisin paak u yuubonn daal nba tie u bak daal, k daa dont nu mokint paak u bak daal! ¹⁴ A daa sie santaanani k kpi binba tii na, a daa ŋmat kuat binba nyi yemputuk daak ni! ¹⁵ K maan k mɔk gbennu daal naakin na; k tul diigbana kul; lii tan saa tun k tula nan faa tun na, a tuona saa ŋmat tunn a paak. ¹⁶ k maan, nan yaa dun nyi n kasi jual paak na, n nae dügbana kul sa nyu mɔk mɔk ; k bia ŋamm nyu, k tan nak, ki tan nite nan bannu nba bii k ban tie. ¹⁷ A tunnu tan si be Sio, jual paak u tan si tie kasi, k Jekob ŋaak yaab tan saa gaal bii yent. ¹⁸ Jekob ŋaak tan si tie lansont, k saa gaal mu, k dii, k sial kan bial Esau ŋaak, k maan k mɔk gbennu yet. ¹⁹ Binba bee yambonŋ saa yent Esau yual, k binba bee paanu ni Philip teeb duo, k bia yent Ephram tinŋ nan Samari duo; Benjami n yent Galaat. ²⁰ K Islael kunkɔnkɔnna nba bii sooib saa yent duo nba Kana teeb kuat k san tu Saepta, k Jerusalam yaab nba bee soorib k bii bee Sepharad saa yent yambonŋ po. ²¹ Kompaara tan saa do Sion jual paak, k fit bu Esau jual; ŋaan k mɔk gbennu yien ŋmaktu.