¹ N be palbil ni k man n tie nan ba tuu pual tiini luana na, ntee nan ba tuu pual tilonti k kuat ŋan ten bo biit biit na luabik jii kaa kin saa dii sial bocincin ka kin siek luon. ² Niŋanɔ na bat do ni wa, balmɔni paklua ka niib na ni, b kul bɔli a kpi kun sua kul pii balk u naa bik paak. ³ B niin kaki nan biit tumu k b kpabal waas mɔk maba k b balbulu boi paɔk k sakua luo u goan wa piak linba, k b tien a nan motaɔk. ⁴ U nba panŋ daanua tie muuk nba mɔk kukoni na e bin tie niŋanm cie tintuk kin naba mɔk kunkoni daal nba ka yennu sɔkni yet na, a tubtatu pela. B sii be yal lutk ni ⁵ A daa tie a yuak dindan, a daa jiit a mɔŋ k tie a yua munŋ, u naba fin nan ŋua lek dua sat a mɔk. ⁶ K maan bonjai ki cɔlin b baanba, k bonpoi yie bi naanba mɔi, k poubis kɔn nan bi sipounaanba, sua kul nan ŋaak niib tie datai. ⁷ Ŋaan min, sii goli kagbenu poc, min ŋani sii duu nan yennu saa fiellin ma n yennu saa gbintin maa ma. ⁸ A daa kpanm n paak n datak, k man mi baa ŋan n bia saa fiila; mi kal bunbɔnn ni, kagbenu saa tulin yentu wa. ⁹ T saa tu o kagbenu wutal, k man n tun k biilɔ wa, nan wa tan saa kɔ n paak k tie nin niiŋanua u saa nyini k saa naa nin yentu ni, ŋan sii dia u balmɔni. ¹⁰ N datak saa laa nba na k fei solua, ŋua ma tuu yie n'n, a kagbenu belia, a yennu? N ninbin ni laa u sii kpan m a, k b saa faau nan taal k ŋantua nan baɔk nba be senu na. ¹¹ Dalma ki saa ŋan maa i duo gona, l daal a yent tan saa yalk. ¹² L daal b tan nyi Asili nan Ijipt doyi, Ijipt k tan tuu mɔkl, k bia nyi mɔkgben nan u lua, nan jual nan u lua. ¹³ Do na tan sii tie tinkukolik u niib ba tun linba na paak. ¹⁴ I goli a niib ki dia a gbiok, bonkot nba tie a faal, k be b kukua fual nina jual nba k b yii kalmel na sunsuk ni ŋant b saan basann nan galaad, nan sianyu ɔ na. ¹⁵ Nan daal linba k nyin a Ijipt do ni, n saa te kaa laa nyinna. ¹⁶ K digbana na saa k l linyalitb, nan b panŋ kul; b saa pii mɔi paak, b tuba sa kpa. ¹⁷ B sii leni tanbini ni nan wɔk na, nan linba buak tinŋ nin na; jaŋanni saa soulib b ŋajaana na kpiiŋ; b sii je kl kagbenu nunŋ ni t yennu, b saa ŋman ma. ¹⁸ Yennu laanua tie nan fin na, a nyik cab niib biit, k tan mit biit mɔkmɔk nan mɔk mɔki? U k dot wutal nan yuo nba gbenu, k man u mantik jii ninkpabɔŋ. ¹⁹ U bia saa ŋan mɔk mɔk ninbatinu nant u jiit yanbɔn m k pan u taa paak, a jii b biit kul uu mɔkl tinŋ po. ²⁰ A saa tuula siala Sacɔb, Abiham a nii ŋant po nan faa din senn mɔsonn siayou na.