¹ Mɔtanna, bopuok nba tie juamu bopuok, tant a jua mu b kaant a; b jii bo paan k faa Isael bubulua tankinn. ² K fin Betlehem Eflata a tie digbanbi nba Juda yial na ni, a nie e in nilɔ nba sii tie Isael tuan danua, k man yayo ni bo kpel, saa je n nan yuo nba kagbenu. ³ I paak u saa nyikib nan yuo nba k u nba saa mal na tan saa mal, k b ninjan m nba ten na saa je Isael waas buol. ⁴ U tan ŋi bal u saa u niib nan kagbenu panŋ; nan yiiko ma tie kagbenu yal u yennu: u sii mɔk be n be buol nba ŋan, k man b saa dot u sann nan tinŋ puɔlɔ ni. ⁵ Ŋua e sea kpe nan lafia yuo nba asilia tieb tii duo ni, k kua fiet ni t saa fin yennu tuontuna banlole nan kpanbala waaŋ banninti niib ni bin tokib. ⁶ B saa jii juuk ba n ji a k k tie b jaat kɔ tiɔk Asili nan nimlod duo i ni b tan mobi nuak ni b saa faat asili nuu ni li tie k baal t duo ni, k kua t yet ni. ⁷ Bin nba ten Sakɔb buol na sii b nii b na sun suk k yab nan nan malin na k nyii kagbenu boul, nan nyun nba tuut muat paak na: b k duu niilɔ paak u bia k maal nisaalik biik paak. Sakɔb nii nba ten. ⁸ Sakɔb nii nba tén sii be digbangana ni nii nba yaab na sunsunk ni ni, nan yanbɔl muak bokot sunsuk ni, nan yanbɔl biik nba be pe i nba yaab sunsuk ni na: bii gaal, juum k patib buli buli k sua kan fit fatib. ⁹ A nun saa don binba tokiya paak ka a datai saa gben. ¹⁰ L daal kogbenu yet a, in saa biil a sunsuk ni fin naa a taani, k bia biil i tantolit; ¹¹ In biil doi a tinŋ ni, k bia yel gona kul; in bii a nuu ni nyaku na, kaa jii kii mɔk mabta, in saa biil a sunsuk pata nan a ci celi, kaa jii mi jiant lin nba ka tie nan. ¹² N saa jii n nuu k biil a tila kul kaa jii ki mɔk mati sial. ¹³ N saa yal a patai nan a ce celi, nba kii jiatl na kii kan ban jiant. ¹⁴ N'saa ŋabl tingbanpuok nba sanntie asela na, cecelik i tinŋ ni. ¹⁵ K digbana nba ki sak n mɔb na, n saa donn wutol b paak, k dat b tuba.