¹ Kaagbennu pak Moïs k yena: ² Want Alɔn nan u waas, k pakiba: nae tie mujounu malunŋ senni. L mujonnu malunŋ si tie n nae: Daaŋ si be malunŋ binbintl paak nyiɔk kul k saa tuu sanyiɔk ni, muu si di malunŋ binbintl na pak. ³ K manntua tu sa lia liatfuoflanŋ, k bia yuo piat flanŋ, k jii tuu wot tanpent nba tie muujuonu malunŋ nba di binbintl paak na k j bil kpian binbintl. ⁴ K u saa liat l tiat ŋaan lia tagant, k jii tanpent na k nyi nann k saa muaan siannba ŋan kanŋ pkinŋ po. ⁵ Ŋaan muu nba be malunŋ binbitl pak na sii di b kan nyik k lin kpeeni. K maantua tuu saa ŋanm ki sakiint dajina sanyiɔk kul, k mujuonnu malunŋ nantin nba mɔk kpan tuu saa di, k maan l tie biit piinu malunŋo. ⁶ Muu na si di yuo kul malunŋ binbintl na paak, b kan nyik k lin kpeeni. ⁷ Nae tie lilaat piini k Aalɔn waas tuu saa bal tul kaagbennu malunŋ binbintl paak. ⁸ U tuu saa finn yuo nba k b tien li laat na, nan l kpan, nan bonunubt nba ŋmat lilaat ni na, k juo muu malunŋ binbintl paak l nublu n manŋ kaagbennu u tian l po. ⁹ Ŋaan lin nba bial, Aalɔn nan u waas tuu saa di, b tuu saa di datinŋ ka lenŋ, siannba tie ŋant buol na. B tuu saa di batl nba be lanbounŋ nuak k ni. ¹⁰ B tu kan sinn nan datinŋ, k maan l tie n tole k ya bin tuu mann malunŋ k juo mun k tulin k maan lii tie bont nba ŋanm ŋanne, nan malunn nba tie biit piinuu yal na kuo malunŋ nyinu yalna. ¹¹ Bonjak kul nba tie Aalɔn waas saa fit di, li tie sennue k tul'b yuo kul nan b yabouna ninŋ, k l tie malunŋ k b tuu saa juo mun k tul min kaagbennu wun nba kul sii si tie niŋanɔ. ¹² K kaagbennu pak Moïs k yenna: ¹³ Nae tie Aalɔn nan u waas piinii nba k b saa pi tul kaagbennu, dal nba k b tuu saa muaan kpan u yul pak k kuaanɔ tuonni: yon bual gbina pik ni yenn, libaat piinii si tie yuo kul, bon bokl sanyiɔk ni nan bon bokl lajuouk. ¹⁴ B tuu saa tienn'l bon tiantik ni k ŋmat kpan: A tuu saa jii l bonŋmaatunŋ sinŋaa but but na k tul k li nuublu n manŋ kaagbennu. ¹⁵ K waas na ni wun nba k b muaan kpan u yul pak k u tie manntua sa tun l tuonn, lii tie sennu nba si tun tiatl: b tuu saa juo l kul k tul kaagbennu. ¹⁶ Manntua lilaat na kul tun saa juo muu e, l tuu kan di. ¹⁷ Kaagbennu pak Moïs k yenna: ¹⁸ Pakin tul Aalɔn nan u waas, k yet'b a: Na e tie biit malunŋ senni, sianm nba muu juonu malunŋ tu saa kpi, lin nba tie biit malunŋ tuu saa kpi kaagbennu nunm ni lenŋ, k maan l tie lin nba ŋanm ŋanne. ¹⁹ Manntua nba mann biit matunŋ na tu sa di; b tu sa di sianm nba ŋanm ŋanne, baltl nba be lanbounŋ na nuak ki ni. ²⁰ Wun nba kul si nant manŋ si tie niŋanɔe; lii tie k sɔn puu tat liatl, kuo a gbanant, a saa wul sianm nba ŋanm ŋanne. ²¹ Sialu nba ya ni k b sinn k l tie tant yal na saa ye lee, ŋaan lii tie cut yaliie b saa fiele k bia sokl nan nyun. ²² Bonjak kul nba be manntieb paabu ni tuu saa di, k maan l tie lin nba ŋanm ŋanne. ²³ Sua kan mann biit malunŋ k ji l sɔn k kua lanbounŋ ni sianm nba ŋanm ŋan k b juokt muu k bia tie ŋant buol na. ^{24 25 26} QxlQK ^{27 28} IZA ^{29 30} CN COZP