¹ K yennu paak nan moïse . ² Ki yaa a wun paak Israël tieb nan wunba tun k biil yennu sennu ŋaan bo ki myi biit ni. ³ Li tie manntieb yudaanɔie tun biit ki baal nan jakint niib paaki u saa baal nan naajaŋi ki mann malunŋ ki tul yennu; u biit paak. ⁴ U saa baal nan naajak na, Lanbonŋ tammɔb ni ki paan u nuu jii naajak a yul paak; yaan kpiu yennu tuann. ⁵ Ki manntieb yudaanŋ na saa jii naajak na sɔn waan ki kua nann Lanbonŋna ni. ⁶ U saa suunt u niibil sɔn na ni, ki set kassii chinchenn nba juon na tuann po, ŋaan mii taal muntolee. Ki bia saa mii sɔn na, bonnunubit binbintil na yina paak; linba be lanbonŋ na nuak ni na. ⁷ U saa kpaal sɔn nba li paak na nyakil ni, kili be lanbonŋ Tammb buol. ⁸ U saa jii naajak na kpapana kul nan nuak ni bona kpapana. ⁹ Nan yaaninbina ; nan kpapana nba taab li paak nan pual. ¹⁰ Manntua na saa jii kpapana na ki jud muu malunŋ binbintil nba k bi jokit muu li paak na ki tun nan bianŋinba ki u tuu jikit weinanlieb yenpiinii bonkobit kpapana k tuun na. ¹¹ U saa jii u gbounŋ nan u nant kul nan u yul nan u taa, nan u muak ni bona kul ki pukin u mɔanii. ¹² Ki nyi nann kaanŋ na kpinŋ; sianba tien kassi, ki tie sianba ki bi mɔ tampent lenŋ nee kiu saa juol daat muu ni. ¹³ Lii mum tie ki yimm Islaël tieb kulie tun k biil yennu sennu, ŋaan ii biit na, ¹⁴ ii kul n baal nan naajabil; k lii tie yanbomm yenpiinii. Bi saa baal nanɔ yennu lanbonŋ buole. ¹⁵ Isaakab saa paan bi nii naajabit na yul paa ŋaan kpiu lenŋ. ¹⁶ Manntieb yudaanua na saa waat sɔn na waan ki kua nann lanbounŋ na ni. ¹⁷ Ki suunt u niibil sɔn na ni ki set chichenn nba juan na tuannpo; ŋaan mii taal munlole. ¹⁸ Ki bia mii sɔn na bonnunubit binbintil na yina paak; linba be lanbounŋ na nuak ni na; u saa kpaal son nba biak na; binbintil nba bi tuu jokit malunŋ bona na nyakil ni, ki li be lanbounŋ na Tammɔb buol. ¹⁹ Ki u saa jii kpapana na kul ki juol muu malunŋ binbintil na paak. ²⁰ U saa jii naajak na, k tun nan waa tuu jikit naajak nba tie biit yenpiinii ki tuun bianŋinba nae. Nnae ki u saa tun ki tlin wuulniib na biit, ki yennu saa nyik chabib. ²¹ Ki u saa jii naajak naki nyi nanɔ kaanŋ kpinŋ, ki saa juol muu nan bianŋinba ki u tu u biit paak na. Malunŋ manŋ buolue saa nyinn niib bi biit ni. ²² Ki lii tie duo tuandamɔie tun biit, ki bill yennu sennu ŋaan bo ki mi li po. ²³ Yuo nba ki li tan fiit ki yenpiinii, ki lii tie bujak nba ki mɔk danŋi. ²⁴ U saa paan u nuu bujak na yul paak, ŋaan kpiu, malunŋ binbintil tuannpo, sianba k bi tuu kpi yenpiinii nii bonkobit nba ki bi tuu jokit muu na, yenpiinii na malunŋ o saa nyinn niib bi biit ni. ²⁵ Manntua na saa sunt u niibil bonkobuk na sɔn ni ki suu sua malunŋ binbintil na yina paak; ŋaan kpaal muan sɔn nba tenn na, binbintil na nyakil ni; ²⁶ Ki ji juo kpapana na kul muu, binbintil na paak nan waa tuu jokit weinanlieb yenpiinii bonkobit kpapana muu bianŋinba na. Nae ki manntua na saa mann malunŋ ki li tie tuandaanɔ biit paak. Ki yennu saa nyi chabɔ. ²⁷ Lii muun tie niib na yenuɔie bo kpet tun k biil yennu sennu. ²⁸ Yuo nba ki li tan fiit k wannɔ, li tie wun baal nan buaanŋe, wunba ki mɔk danŋ, ki mann malunŋ. ²⁹ U saa paan u nuu buuk na yul paak, ŋaan kpiu, malunŋ, binbintil na ganŋ pa, sianba ki bi tuu kpi yenpiinii bonkobit nba ki bi jokit muu na. ³⁰ Manntua na saa sunt u niibil bonkobuk na sɔn ni, ki suu suu malunŋ binbintil na yina paak, ŋaan kpaal muan sɔn nba bial na, binbintil na buol ni. ³¹ Ki paat kpapana na kul, nan waa tuu paatil weinantieb yenpiinii bonkobit kpapana bianŋinba na, ki juol muu, malun binbintil paak, ki li nubilu saa manŋ yennu. Nnae biak ki manntua na saa mann malunŋ ki li tie jua na biit paak, ki yennu saa nyik u biit chabɔ. ³² Lii tie ki jua baal nan pieuk a lii tie u biit paak yeniinii; yenpiinii manŋ sii tie penaunŋo ŋaan daa mɔk daŋi. ³³ U saa paan u nuu pieuk na yul paak, ŋaan kpiu, malunŋ binbintil na ganŋ po, sianba k bi tuu kpi yenpiinii bonkobit nba ki bi tuu jokit muu na. ³⁴ Manntua na sa suunt u niibil bonkobuk na sɔn ni, ki suu suu malunŋbinbintil na yina paak, ŋaan kpaal muan sɔn nba bial na, binbintil na nyikil ni. ³⁵ Ki paat kpapana na kul, nan waa tuu paatil weinanlieb yenpiinii bonkobit kpapana bianŋi nba na. Ki u saa juol muu, malunŋ binbintil paak, ki pukin jiet nba tie yenpiinii ku tul yennu. Nnae ki manntua na saa mann malunŋ, ki li tie jua na biit paak , ki yennu saa nyik chabɔ.