¹ Alon bonjai banlie nba din mann malunŋ k l din k tuok na kuun puolpo k yennu pak nan Mois. ² K yet a a naabik Alon k u daa kua kasii buol nba k cincenn duak na, yuo kuli, k maan lenŋe k n dɔkitl sanpagbonŋ ni mɔlol lakil na biil paak. Lii tie k u k tuo nan u saa kpoe . ³ Lii tie k baal nan naajabil k l tie biit yenpiinii nan pejak nba tie mujuonu yenpiinii malunŋ, ŋann ŋaln u tuo saa fit k kua kasii buol a. ⁴ Alon n tuo fit kua kasii buol na ni, sie k u wul k bia lia manntieb liant, l liatfuok nan kul bik nan gbanbobnkal nan yuu lotu. ⁵ K a Alon saa gaal bujai banlie k l u tie biil yenpiinii, nan pejak k l mun sii tie mujuonu yenpiinii malunŋ yal. ⁶ Alon saa jii u naajak k mann malunŋ k nyinn ŋua nan u ŋaatieb biit ni. ⁷ ŋaan jii bujai banlie na k baal namm yennu lanbounŋ tammɔb ni. ⁸ K Alon saa tɔ bujai banlie na naatuat, k ŋann yennu yal yenɔ k gann lua na Asesel yal. ⁹ K Alon saa jii buuk nba k u tɔ natuat k gannɔ k u tie yennu yal na k baal na nɔ, k mann biik yenpiinii malunŋ. ¹⁰ ŋaan buuk nba, k u b tɔ gannɔ,k u tie Asesel yal na, u saa jiiu fuot k tul yennu, k saa ŋaa u muuk ni k wuu tie Asesel yal; ŋanne saa nyinn niib na biit. ¹¹ Alon saa jii najak k mann l malunŋ nba tie biit yenpiinii malunŋ, k nyinn ŋua nan u ŋaatieb biit ni. u saa kɔt u naajak nba tie biit yenpiinii na. ¹² U saa jii sipiɔk nan musankuana malunŋ binbintl na paak k finn bonnunubit nii puk munlie k baal nan kasii buol. ¹³ Wun jii bonnunubit, k tien muu na ni, yennu tuann k bonnunubit na biitl. ŋanne saa te k u kan la lakil na k kpo. ¹⁴ U saa jii naajak na sɔn waan nan u niibil, k mii biitil na paak k bia mii sɔn manŋ waan mɔlol lakil na tuann po taal munlole. ¹⁵ K manntua kpi buuk nba tie niib na biit yenpiinii na, k jii u sɔn k kua nann kasii yaa kasii buol na ni, k mii biitl na paak nan mɔlol lakil na tuann po nan bianba k u bo jii naajak sɔn k tien na. ¹⁶ N nae k u saa mann malunŋ k ŋamm kasii yaa buol na, k l saa nyinn Islael tieb biit, nan jakint kul ni. Wun tun nna k tul lanbounŋ na, k maan l sie kaanŋ nba mɔk jakint sunsuuk ni e. ¹⁷ Sua kii be lanbounŋ na ni, yuo nba k saa kua wun mann malunŋ na mɔkmɔk nan waa tan saa nyilenŋ. U saa mann malunŋ nba saa wuul u biit nan u ŋaatieb yal e. ¹⁸ U ŋmat nyi yuo nba wun saan binbintl na buol yennu tuann k mann malunŋ binbintl na paak, wun jii naajak sɔn nan bujak k tien binbintl paak yina kul. ¹⁹ U saa pak nan u niibile k mii taal munlole, binbintl na paak, k ŋamm binbintl na k t lii tiem kasii, k nyinn Islael tieb biit ni. ²⁰ Yuo nba k u mann malunŋ k ŋamm kasii yaa kasii buol na nan yennu lanbounŋ na kul po nan binbintil na paak wun ji jii baal bo gann buuk nba tie Asesel yal na fuot k tul yennu. ²¹ Alon saa jii u nii ŋanlie k paan bufuok na yul paak, ŋaan ji fiit biit nan yanbon tuona nba k Islael tun klul; k gaan b biit kul k tul buuk na ŋaan te k sua n belɔ k kuanɔ muuk. ²² Buuk na saa gaal b kula biil k ji yaat kua nann muuk, sian nba k nilɔ k kua. ²³ K Alon saa kua kasii buol na k saa lial manntieb tiat nba k u bo lia na k fit kiua kasii buol na, k nyik tiat na lenŋ. ²⁴ U saa wul kasii buol k lia u mɔnŋ tiat. L piolpo k wun ŋmat nyi k saa mann mujuonu malunŋ k ŋamm u mɔnŋ biit nan u niib biit. ²⁵ U saa jii biit yenpiinii bonkobuk na kpapa na, k juo muu, malunŋ binbintl na paak. ²⁶ Jua nba bo bel buuk na k kuanɔ muuk k u tie Ilael yal na saa wuul u tiat k bia wul, k ji fit jen kua kaanŋ na ni. ²⁷ Li nyinn biit yenpiinii naajak nan buuk nba sɔn bo kuan kasii buol a lin nyinn biit na kaanŋ na kpinŋ k juo muu. li juo bonkobit manŋ gbant nan l nant nan nuanii muu. ²⁸ Daanɔ nba saa juo muu na n wuul u tiat k bia wul k ji fit kua kaanŋ na ni. ²⁹ L' nba na tie senniie k tulii, yuo kul ŋmaali ŋanlole ni l dapiik daal, k islael tieb nan buolganii nba kua namm na n tua lol mɔi, kk daa tuun tuonn daal manŋ ni. ³⁰ L daal bn tuu mann kaal manŋ malunŋ k nyinn biit, k l n te bii yien. ³¹ L daal sii tie kasii, k tie fuon daal, k tie daal nba, k b saa lol mɔi k kan tun tuon siali. li dia sennu nba na yuo kul. ³² L malunŋ tie manntieb yudaanɔ nba set u baa sienu ni, k b muan kpan u paak e n mann. Wun tua liia manntieb tiat na wa, k tun l'nba saa piin biit na. ³³ K mann malunŋ nba saa ŋamm kasii yaa kasii buol nan yennu lanbounŋ nan malunŋ binbintl nan mantieb nan Islael tieb kul k bii tie kasii. ³⁴ L tie sennue k tulii, ii tuo saa tun yomm kua e binn ninŋ. K wuul Islael tieb, k maan b biit paak k b tun nan yennu nba wann Mois bianŋ nba na.