¹ Goll, Islael tieb n b din biit kaana tinŋ nba din tie faal k tulb na bianŋ nba e na. L din tie manntua Eliesaal, nan nuunn bija juosu e, nan Islael tieb buolu ni saakab. ² B din tɔ naatuat e, nan kaagbennu nba din wann Moïs bian nba na a: k b biit naakuut ŋan-nyia nan naak u bɔl. ³ K maan Moïs din biit faal manŋ naa kuut ŋan le nan naaknbɔkl nba dinbe juuldan puotl na, ŋaan u din k tul faal manŋ le fiitnba buolu ni. ⁴ Juosiaf waas din tie naakuut ŋanle, Maanaase nan Eflaiinm b bia din k tul le fiit nba buolu, ŋaan din tulb yial e kpinŋ po a bii dia b bonkobt nan b mɔkint. ⁵ Islael tieb din wei kaagbennu mɔb nba k u din wann Moïs na e k biit duo na. ⁶ Dasial k nisiab nyii juuda buolu ni k baal Juosue buol Giilgaal. B yennɔ sann din tie kaaleb k u tie Jefuunne k tie keniis nilɔ na bija. U din yet Juosue a: a mi yennu nba din paak lin nba k jiin min fin po k tul Moïs nba tie yennu nilɔ na, kaades baaneya duo ni. ⁷ N din mɔk bina piinna e k yennu tuotunɔ Moïs tun'n Kaades-Baalmea a n saan k saa diis duo na ndin jen k wann'ɔ lin nba tie balmɔni waa. ⁸ N lieb nba k t din tɔk saan na din jen k kuan niib na jaŋmaanni e, ŋaan min din wei kaagbennu yennu mɔb e. ⁹ L daal k Moïs pol mɔ'min nan n waas saa gaal tinŋ nba k t ŋmaa na l ii tie l yal; k maa n wei yennu sɔnu waas. ¹⁰ Mɔtaana gotl yennu nba din pak nna k tul Moïs l jidin baal bina pünna nan ŋanŋmu waa. L din tie yuo nba k Islael tieb sonm kunkuok paak na e. Ŋaan yennu nba senn mɔsonn bianŋ nba e na. K u tinn'n k tan tuu mɔtana. Gotl, mɔtana n bina piinna nan ŋannün e na. ¹¹ Ŋaan k n bia daa mɔk panŋ k tie nan yuo nba k Moïs din tun'n na. N bia daa mɔk panŋ k saa fit saan tɔb koo k tun lin nba kul be. ¹² Mɔtana tul'n jual nba k kaagbennu yennu din din pak yenjiatu ŋaak nina. K maan b din pak Anaakiim nba kua duo na ni k l tie digbangbenŋ l k bia maa juonn k luon na pasial kaagbennu yennu saa taan'n k n bel k nyinn'b nan ŋua kaagbennu u nba daan yet na. ¹³ K juosue yat yet ŋanm jefuume bija kaleb paak k tulɔ Heblɔn duo k l tie u faal. ¹⁴ L din tien nna e k jefuume bija kaaleb nba din tie ke niisian nilɔ na dingaal Heblɔn duo k l tie u faal nan dinna, k maan u din wei Islael kaagbennu mɔb. ¹⁵ Sinn Heblɔn duo sann din kiiljaat Alba. Aalba din tie nijaann e Anookiim buoluni duo manŋ ni tɔb ji kan mi faa, b be b yanni e.