1 N daan pol mɔb nan n kan ban got sapamua nba k ban jua k ninŋ n kua u ni. 2 Nyuolante k yennu guunin yendɔnŋ ni, nyua lante k panŋ daanuu sikin n paaki? 3 Baak k tie tondanm yalkaa, k yubɔnn munn k tie bin batuun tuonbiiti? Yennu k mi matɔkii? 4 U k kaanntaa kabii? 5 Mii boki sonm tanpant sonmil, k tɔki nayuk sɔnni, 6 Yennu n bikinin nan mɔni, k u saa bann n ŋanta! 7 Mii kpiat nan mamɔnni sanu, mii tuun n mɔnŋ lonm, k tatin mɔnŋ sial ya jakint, 8 Mii bul nifanua n jaan, k bia ŋablin bonbilaa! 9 Lii tie k n niɔŋ ban kua n lua ŋaa puo paak, k n bakin kua u diuk ni, 10 Ŋann a te k n ŋaa puo n bil u mɔnŋ nan naal na k sua kul ii naan, k jualieb n duananua! 11 K maan, kume tie li tubtatu, 12 Li tuobit buolu tie muu nba di k boontile, k sa di linba kul k n mɔk 13 Li tie kin k gbiit n dabaa bunbulimii yuo nba kib ya n k diab fannu, 14 N sa tienin le yennu wutuol ni? N sa jii be yennu tub datu yuo? 15 Wunba daan namin na ka namuaa? yenyenua kua ka daan te k puob malitii? 16 Li tie k n yet talat danm maan, k te pakɔi be nan mɔni, 17 Li tie k n ŋman paanu n kua, k k walii kpiebi, 18 La nyi n bitinni wa, n tu dia kpiebi nan pakɔie fanus. 19 Li tie k n la tatiimua k mɔk tiat, k samua k mɔk dinduubuol, 20 N tuu tulɔ liant nba k b luul nan pekobit nba nyi n peluok nie, k wun ji pakin nanu pal ku; 21 Mii kɔnnan kpiebik k buo, k maan but danm kan yet sial; 22 N kpinkponŋ n tukit n bɔpiɔk pak k ba jint! 23 K maan yennu tub datuu na mɔkin janmanii, k n kanfit tiensial u nin tual ni. 24 Li tie k n tien dindann salinmɔnnani, k yienna finne tie n dindann; 25 Li tie kin piak dont n mɔnŋ, n mɔkint paak,; 26 N nai ka k jiant yonnu, u yentu na paak, 27 K li tie k dudukit bɔntin, kin nu tunn n paak; 28 Kume yaan tie li tub datu but danm bol, k man yeta yennu k tie! 29 Li tie k n daan yuk k kpanm n datak ninbɔnŋ ni, 30 N k ban mial yennu abin kpo; 31 K jab nba kul tuun nŋakni na mi nan n tun gaan saanm. 32 N tun gaan sɔngatae n ŋaak ni, k k tuot b dua sɔjot ni. 33 Jasiab lool a bin bɔ bɔl b biite, ŋaan mi k ban dɔkin n yali. 34 Min k tiin janmani nan nib nba sa yet linba ntuu k ŋmin, koo k luo diluol kimaan b sukit paak. 35 Sua kan gbiint maa yien linba naa? N pol nan mɔbona nba kul k n yien na tie balmɔnie. Ŋaant yabint yennu n gat tulin. Litie linba kul k n biiltua saa pak k biilin na dian sial paak, kin bo saa la. 36 N bo saa balil n bɔpiɔk paak nan palbifaant, k bo yilil n yul paak nan fokilik nae. 37 N saa yet yennue linba kul kin tuu, k gont n yul nan bat bik na. 38 Li tie k n jan tiŋ nba ki n ko naie, n nae ka kn fat bondaanɔ bool, 39 Li tie k n dii jiet nba bul lini naie, ŋaan te kpaala nba bul nu kpenn kon, 40 Ŋaan a te mɔtont nan kunkonii n pialenŋ, k daa tie jiet kaa. Jɔb momaan kule na.