¹ Jɔb gaal maan k yaa a: ² A mantik mɔk sonmil nlee k tien nandaanua nan nuu nba k mɔk panŋ paak nna! ³ Nlee k a mantik tien kpaanii kbiitil a bannu k tien min jatuk na? ⁴ A piak maan na k tien ŋmee? K ŋmee wanta l banmii? ⁵ Kpienm sei nba be nyun ni, tinpualni na Jekil. ⁶ Kpientinŋ na luot yae yennu buol k sial k duak u buol. ⁷ U tant sanpaak nba be niiganŋ po na, k jonn tingbounŋ na k dia fanu. ⁸ U gbient sanpagboun nan nyun, k dia fanu k l kpiaku na k te l put. ⁹ Ŋuae lat sanpagbouŋ, k l duak ŋmaalik. ¹⁰ U te k sanpaak nan mɔkgbennil cet liel, k bia bɔkit yentu k nyinnil bubɔnn ni. ¹¹ Wuu tanŋi ŋak jaatalii nba dia sanpaak na yuo nba k b danm k jekil nan jaŋmaanii. ¹² U panŋe k u jii k nyann mɔk gbennil, k bia jii u minue k u biil japaat. ¹³ U fuome te k sanpaak yien, u nuue kpi waaɔk tiin k yaa wun paak na. ¹⁴ Ŋaan linba na kul tie u panŋ na waaminnae ŋanne tie lɔkinii nba k t gbat ŋmee saa fit bann yennu nba mantik mɔk panŋ bianninba?