¹ U s duoni jasua dinbe k b yiu Sɔb k l jua din tie niŋannuae; wu dinŋmaan yennu, k ki tuun biit. ² Wu din mal bonjai banlole nan bonpoi bantae. ³ Wu din mɔkpei tuta ŋanlolee, yok yokt tuta ŋanta, nei tutl, boni tuta ŋanmu nan tuontunna bonciann k l jua din tie wunba k yendopo duo na niib kul mantik cɔlmuae. ⁴ Wu bonjai manŋ din saa lieb ŋaie k di jaam nua kul ŋaak, b din tuu yiin b nipuuob banta nae bin taan k di k bia nyu nanm. ⁵ Jaam din tu dik gal, Sɔb nyiin wu bonjai na ki wunnbe, ŋaan donŋ fiil sannyafaal k mann malunŋ sua kul paak; k maan Sɔb dinduki: a mi n bonjai na si tun k biil nan yennu b palani. N nae k Sɔb dintuun wu wu boktl. ⁶ Ŋaan yennu waas din baal da yenn k set kaagbennu tuann, k sitaann mun baal k set b sunsuuk ni. ⁷ K kaagbennu boi sitaan: anyiilee? K sitaan jiin kaagbennu a: n bo lin k gɔlin tingbonŋ paake. ⁸ K kaagbennu yet sitaan: a la n tuuontunua Sɔb nba tie bianŋn ba waa? sua k be k tie nan ŋua na tingbonŋ paak; wu tie niŋannuae k ki luon jɔkint, k ŋmaan yennu k ki tuan biit. ⁹ K sitaann jiin kaagbennu: nan monnae k Sɔb ŋmaan yennu u? ¹⁰ A tuu k guu-wu kaa, ŋua nan wu ŋaatiebii, nan linba kul ku mɔkii? A tien piisin wu nii tuuona kul paak, k wu bonkobt gbie duo. ¹¹ Ŋaan tantl a nuu, k sibona nba kul ku mɔk na paak, n tien siil nan wu saa sat maosant a nunm nie. ¹² Kaagbennu yet sitaann a: gotl, linba kul tie wu yale na, n cabta; ŋaan, a daa siin wu gbanant. K sitaann siet kaagbennu nunmni. ¹³ Dayenn k Sɔb bonjai nan wu bonpoi din b yuual kpel ŋaak k di diina k bia nyu damunŋ, ¹⁴ K tuuomii tin k baal Sɔb buuol, k yetua a: "tibo dia naojaie ki ko kpaab, k ti bonii na ŋman muuat muuk nba kpia na ni; ¹⁵ K saba tieb tan lekt, ki fat bi kul, k kpii a tumontunna na kul, sie min kuuae bial k cial k paak, k baal maan beta." ¹⁶ Wu yiien k saa gbent na, k sua tuontun lua baala, k yeta, "yennu mu nyii sanpaapo k sik pei nan pekpaalii na paak, k kpii b kula, k min kuae bial k baal maa man beta." ¹⁷ Wu yiien ki gbent na, k suua tuuontun lua baala, k yet a, "Caldeen tieb, tie kuuonnn munta, k baal lekt, k siet nan bonii nba wa, k bia kpii a tuuontunna na kul la, min kuuae biaal k cial paak, k baal maa man beta." ¹⁸ Wu yien k saa gbent na k suua tuuontun luua baal, k yet, a waas na nba bo dik bia nyu damunŋ b yuual kpel ŋaak na; ¹⁹ K wonpaaluk nyii tinŋ nba tie paan kuuonŋ na po, k daa ŋaak na loka ŋan na kul po k kpii nipaaonŋ na kul, min kuuae bial, k cial baal a man beta. ²⁰ Ton, k Sɔb ji fiil k set ŋaan pat wu liant nan wutuuol, k kuuol wu yul, k baa fabin tinŋ ni, ²¹ K yet a, bin din malin yanne, nbia tan saa kpo yanne kaagbennue din tulin, ŋuae bia gaal; kaagbennu sann n baal yabint! ²² Linba kul lek din baal Sɔb na, ŋaan wu din k ban tun biit, wu bia din k nyiil yennu.