1 L yuo manŋ, kagbenu jet: b saa nyinn b kaat ni suuda kpanbaala kpaaba, nan b baat nba kaala, nan manntieb kpaala, nan sɔkiiniinba kpaala, nan seelusaalenm kul niib kpaaba. 2 B saa jant k bil yennu, nan ŋmaaliik, nan sanpaapo kunkɔnkona tuan, k b bo mɔk luonm nanm, k bo tun t tuul'b, k bo wei'b, k bo kpaanm k bo gbaan b tuann k jiant'b; b k gaal'b, b k pii'b, k b tie nan muunyuk n ba nyi tinŋ ni na. 3 Kuun tan sii sua k cie bin nba tan si be manfuol ni, yinm nitonte buolu na, nan siannba kul n saa wei'b na, kunkonkona kagbenu yet. 4 Pakinm: n nae kagbennu piak: nilɔ mi k ba k k fiiliii? kuo k ŋmat tuun k k jeniii? 5 Bia paakii e seelusaalenm niib tunn bot k tɔnkin sonbuukuu? k dia faak b ni, k yeet b leb't b mɔnŋ. 6 N ceny, k bia gbintl: b k piak nan baa bo si piak na; k yen: t tien bee? b kuul ŋmat tokin k tin, nan taanm nba tu saan kunkonna. 7 Balŋmauuŋ mi sanpaapo nba leb't binŋnba,pinpaala, silantuon nani nan nakpaapeini mi yuo nba k b saa ŋmat kuo k baal. ŋaan n niib ŋanln k mi kagbenu senni. 8 N lee k t saa yet a: t tie yendanme, kagbenu senni b nan tiii? ltie yaane k gbabantoa tuun k ji bii k daa faak. 9 Fei suol yandaanmaa b k mɔk baanm, k k mi ba be sian; gotl, b pii b mɔnŋ tanbalaa. k man b yet kagbenu mɔmaan, yan bol be k b mɔk maanii? 10 L paak n saa ji b puob k tul jagaam, k b kpaant siab n yentl. k man la dji bik k saa tuu saakɔ, b kul tie ŋmabik danm e, la ji sɔkiini k sa tuu manntua, b kul tie kpinkpanni danm e. 11 B dia n niib gbakagbakaa n nae: ŋaan yenna mannu! mannu be! ŋaan k mannu kaa. 12 L saa ŋmat b kul, k man b tun bonbilankant; b k mɔnnt ninbina, b k mii fei; l paak b saa baa nan lieb nba tuu baa na, mii ŋmann b tuu ba yuo n ba b juontu si tie yanne, kagbenu yet. 13 Kagbenu yet; n luoana daan tinii bua, k bia k laa luoana kinkanŋpaak, ŋaan b faat mɔnn; N saa jii'l k tul niŋanm. 14 Bia paakii et jii saa ŋmat kaaliii? t taan lieb nan, k saan digbanpalaa ni, k jiikii guu kuunne, k t nyuu nyun nba mɔk miikt, k maan t biil kagbenu waa. 15 T guu maanue, ŋaan banŋann k bat, t guu tebuk yuoe, ŋaan gotl jaŋmaanciany baat 16 . tandjaai wuuyik ni tan saa gbat dan yakl po, k b wuuyikiini manŋd fuut tan saa t k tinŋ n danm; b baal, k biil duo manŋ nan lin nba kul be lenŋ, duo manŋ nan bin nba kul kuaa lenŋ. 17 K man, n saa tun wai nba mɔk laabt i sinsuuk ni, b k mɔk ninbaatinuu; b saa juun i kul, kagbenu yet. 18 N bo yan maan n pale; ŋaan k n pale daamii nuaak ninŋ a. 19 Gbintl: n niib nba yinkin k luon sonml k nyi digbanbanfuaka; kagnenu k be siɔn kaa? u k tie kpanbal ka i sinsuuk nii? bia paaki e ki nyikin yaan jiantl digbangaana yenbis ii? 20 Dijaan yuo galaa, tun tonn gbenna, ŋaan tinm guu fielu! 21 N niib bontitieet biiln, n j mɔn kpemɔnni, k k mɔk palmaasial nan waanma. 22 Teebla ka galaad ii? tebtua ka lenŋ ii? Be tien k n niib na k la tebkuu na waanmaa?