1 Momaan na din pak k tul selemi a wun pak k tul juu niib nba be Ejipit duo ninŋ, k be mikdual k be Tapanès, k be nof, k be patilas, k yet a-na. 2 Kaagbennu panŋ daanua yet a Islaael yennu I la yuubonn k n baal nann selusalem paak k nan suuda duoi paak, gotil k l ji tan k tie sial k ji k kua lenŋ. 3 K maan l niib tun biit k donn n wutuola. B mann malint k tul yenbit, k bia waa tingbana nan pata nbak ŋanm, koo yinm, koo i yaajanm k ban jiant. 4 Yuo kul n tuun n tuonna nba tie sɔniinba nae, k b piakinan i daa tuun bonbilan kant na, k maan n k luon nna. 5 ŋaan i k gbiint. I k nyik i tuonbiit, koo yenbit jiantu. 6 ŋanne te k n muan n wutociaɔnŋ selusalem nan suuda dolia ni k juo duoi na muu. Duoi many din kpant langbente, k tie jaŋmaan ŋuoluk buol nan dinna. 7 L paak min nba tie Islaael tieb yabint daanua yennu na boii linba te kii tun bonbiil na buolu k tul imɔnŋ. I luon yin baal nan biilu, jab nan puob, na waat, nan san panti paake, k lin te kii niib na daa tent amii-i? 8 Bee k i jiantil pata, kmann malunŋ k tien yenbit Ejipit tinŋ nba ki baal a yii be nani, k dont n wutuol li? 9 I tanm biit nba kul ki yaajanm, nan suuda kpanbala nan b puob, nan yinm, nan i puob tun suuda duoni ni, nan selusalem sɔnii ni naee? 10 ŋaani i k sikin i mɔnŋ nan dinna. I tulin baa kil. koo k wei sennii nba kul k n tul yinm nan I yaajanm na. 11 L paak, min nba tie islaael tieb yabint daanua yennu na saa donn wutuol i paak, k biil suuda tinɔ kul. 12 ŋaan suuda niib nba tenn k luon bin saan kal saa kpo Ijipit, laa tie tɔb ni, koo kon ni. B sii mɔk jaŋmaan suoluk, k niib siilaab, k jii b sann k tien mo pol. 13 N saa dat binba be Ejipit na tuba nan tɔbii, nan kon nan yialii nan maa dat selusalem tieb tuba bian ŋinba na. 14 Suuda niib nba kul bial k saan Ejipit a bin kal na kan tin paak koo k nyi lenŋ. Nan b yenuakuawa kan ŋmat suuda tinŋ ni, sianinba k b luon bin ŋanm kal na, b waa min nae saa l manfuol k tan ŋmat. 15 K jab nba kul mi nan b puob mann malunŋ k tul tingbana na, nan puob nba kul bo sie lenŋ na, k kpab nan Islaael tieb nba be Ejipit diitupo na, k b yinduun, k pakin a. 16 Maan nba k a piak tient kaagbennu sann ni na, t kan gbiint. T saa tun linba kul k t pak nan t saa tume. 17 T saa mann t tingbann nba tie sanpaapo puobaat nae, kmuan daan yenpiinii k tulua, nan tinm nan yaajanm, nan t kpanbal, nan t tuanndanm nba tuu tuun, suuda duoi ni nan selusaalem sɔnii nina. L yuo t din mɔk jiet bonciann, k mɔkit, k sial k daamiit. 18 Naan taa nyik saapaapo puobat na mannu, k ji k mɔk daan piinii k tiennua na, t ji k mɔk sial; k t niib kpo tɔbii nan kon ni. 19 K puob na ŋanm pak a "taa dintie cincaa k l naan sanpaapo puobat na k nann malunŋ k tiennua, k mɔ daan piinii k tiennua na, t sɔlib din sak nan linba k t tuun na ŋan. 20 Selemi pak tul niib na a: jab, puob nba pak nnak tulin na a; 21 Malunŋ nba k yinm, mnan i yaajanm, nan i kpan bala; nan i tuann danm, nan tinŋ na niib mann suuda duoi ni na selusalem sɔnii ni na, i dukii a kaagbennu k mi l po, koo u tanm i poe e? 22 Nan dinna, i tinŋ tie langbente, k sua k kua lenŋ. L kpant jŋmaan suoluk buole, k niib jii i sann k tien mɔpol k maan kaagbennu ji din kan fit dia i nuantont nan i. 23 Mɔtaana, mabl na baal i paak, k maan i mann moilunŋ k tul tingbanna, k tun biil kaagbennu nan yaa k sak u sennii na. 24 Selemi pak nii na kul, mantik puob na, linba k yabint daanua nba tie islaael tieb yennu na din piak k tien suuda niib nba be Ejipit na a. 25 N nae k kaagbennu yabint daanua islaael tieb yennu pak k yaa: "yinm nan i puob kul senn mosonjaana k tul sanpaapo puobat. I senn mosonn nan i sii mann malunŋ k bia mɔ daan piinii k tiennua, k dia i mosonna manŋ. Tɔn ii dia i mosona manŋ. kii tuun i moson jaana manŋ. 26 Gbiintil mosonjaann nba k min kaagbennu senn n sanjaann ni, k tien yinm Islaael tieb nba be Ejipit na kul. N kan ban te k yin jiin sann k senn mosonn k yet a n pol yabint yennu nba fo na. 27 N saa te k i kan mɔkit, ŋaan n saa biilie I kul saa kpoe tɔb ni koo yialii ni, k nan i yennuakuawa tan kan tenn. 28 ŋaan i waamii nnae tan saa nyi kuuni, k nyik Ejipit k jen suuda tinŋ nii k binba tan nyii leny k la manfuol na saa bann wunba maan tie mɔnii, laa tie n maan koo b maan. 29 K kaagbennu yet a: nyinn nba k n saa tuli k want nan n saa dat i tuba nna, k ma pak nan n saa baal nan biilu i paak na saa tien mɔnii. 30 K kaagbennu yet a : N saa Ejipit kpanbal hofla k kubin u datai nba luon bin kpiu na, nan ma din jii suuda kpanbal se de sias k kubin Babilonn kpanbal nebukane saal nba din tie u dataak k luon wun kpiu na.