1 K kaagbennu paak nan Selemie taal muunle yuo nba ku be dansaalk k yeet a: 2 Kaagbennu nba gaan bia tuun ŋua nba kuu dann tie kaagbennu. 3 Yiin n sann, n saa jiin na, n saa wanna bonna nba bƆƆl ka kiban. 4 Kaagbennu Islael yendu yeet a, duo na ŋaai nan Juda kpanbala ŋaai b saa yiel. 5 T saa nakin k kƆn nan saldentieb k kpi b jaab n wutuol ni k duukin b tonnu po, n saa pii n nuunŋ duo po. 6 N saa teeb duo na niib k tuulb lafia, n saa teebib k tuulb paalmaakl nan binbéŋannu. 7 N saa jen an Juda nan Islael tieb k ŋaamib nan baa lentie na. N saa ŋaamib k nyinib biit nba k b din biilin na ni, n saa dii suugl b biit nba po k din biilin. 8 L duo si tie n paalmann, donta nan yudant tinŋ paag duoi kuul po. 9 Wunba saa gbaat maa tien bonŋanaa nba b po l saa suolƆ yaalituuk; nan nyuat nba kin tuul duo na po. 10 K Kaagbennu yeet a, b saa gbaat l duo ni k b yaa: l tie tinkƆnŋ, niib nan bƆnkobiit k be, b saa gbaat Juda duo ni nan Selusalem sƆnjƆƆt ni, k niib ŋannika bƆnkƆƆbt k be l buol. 11 Paamann nan kpinkpamuk yikini, b yiin puoyƆnnu yaani, kunkƆƆla yienna: t dƆnt kaagbennu t kƆntuo klma u ŋaan ku lomm kaagbennu. K gbiin binba tien saali kaagbennu ŋaakin na kunkƆƆnla. N saa te tinŋ na n mƆkit nan laa din tie na. 12 K kaagbennu yet a : l tinkƆnŋ ni niib nan bonkƆƆbt k be l doii ni. K pekpaali saa baal nan b pei l buol k bin foï. 13 K duo nba be kunkona ni, nan l kunkonbiit ni, nan nudiitu po digbane, nan Benjamin duo ni, nan doi nba lint Selusalem na ni, nan Juda duo ni, k pekpaali n ŋaam k kan b pei. K min kaagbennu n yeet. 14 K Kaagbennu yeet a daal baat kin saa tuun k gben maaŋaam nba kin tuul Isael nan Juda ŋaag tieb na. 15 L daana ni nan l yuo ni n saa gann David yaabuon nba tie paalpien daan k dinnƆ kpanbal k wuitie baal mƆni daanl duo ni. 16 L daana ni Juda duo saa foi k Selusalem i be biyama ni, k b si yi duo n kaagbennu baal mƆni daan. 17 K kaagbennu yet a David yaabuona si dia Islael ŋaak ni naan. 18 K manntieb nan levit tieb kan kƆnŋŋ nuulƆ n buol k tuulin wui juot maalƆnŋ nan wuubl mun k tien yenpiini k bia yiit saalk daal kuul. 19 K kaagbennu yeet k tuul Selemie. 20 K kaagbennu yeeta: Isaa fiit k lƆƆl molƆƆl yennu ni ŋanika nyiƆk ni k tuu baal i binbaal yuo. 21 N nae saa lƆƆl malƆƆl nan n tuontunƆ David k sua bija n laa kaal u gbanbal kok paag kin molƆƆl i tie levit tieb nan maantieb, nba tie n tuotunna na. 22 Nan baa kanfiit kan sanpaapo ŋmaabila nan mƆkl ni tanbini na, David n tuontunna yaabuona saa pƆƆt k k gbie, ŋaam, nan levit tieb nba tie n tuontunna. 23 K kaagbennu yet k tuul Selemie. 24 A laa niib na n baa piak lenba a? K ŋaai ŋanlé nba k kaagbennu b gann u luba a, l paak b jii ki gooli n niib, k bia k duuki b po nan b tie duo. 25 K Kaagbennu yeet a : k min n saa tien molƆƆl yennu ni nan nanyiƆk ni k bia senn senii nba si be sanpaag nan tinŋ. 26 N saa luu Jacob nan n tuotunno ni binba yaabuona, n ji konjii b yaabuona ni binba paar Abraham, Isaac nan Jacob yaabuona klma n si mok ninbaƆƆk nan n niib k t bin mƆkit.