¹ Jojakim bija Josias nba sin Juda naan k tie kpanbal l din k woi kaa waa k kaagbennu paak Selemie mƆbona na. ² Kaagbennu din pakin a: man jii gbounŋ nan daat, k ŋanm yƆkt, k lia tulu ni. ³ Tuln Edom kpanbal nan maab kpanbal nan a mon waas kpanbal, nan tir kpanabl, nan Sidon, kpanbal mƆb, k lin ny b taatala nba baal Selusalem a bin la Juda kpanbal, Sedesiassena. ⁴ K yabint daanƆ kaagbennu nba tie Islael tieb yennu na pakn a : n wanib k bin yet b tuonn danm (kpanbala) a : ⁵ N yiikociaonŋ nan n panŋ nie k n nnan ŋandounya nan nisaalii nan bonkobt nba kul be tingbouŋ na paak, k n buu jiib k tul binba k n luon. ⁶ MƆtana mine jii digbana kul k tien, n tuontunnƆ nebukanetstar, babilonn kpanbal nuu nie k te k muuk ni bonkabl gbaa jiatlƆ. ⁷ K u sii dia digbanan kul k b sii tuun k tie u bija, nan u mun yaa bija, nan yuo nba k u tiaƆnŋ digbann gbennu tan saabaal (baa) l youe k u digbann ji saa tun k tul digbanjaana nan kpanbal - jaana. ⁸ ŋaan digban nba yet u woiu, k k sikin u mƆnŋ, Babilonn kpanbal, Nebukanasal buol, Babilonn kpanbal saa te k bin lann naayƆkt u tulu ni k jii tƆb nan kon nan yiali k dat l digbann tubl, kaagbennu n paak na, nan yuo nba k n tun saa jii n nuu k biilƆk gbenn. ⁹ I daa gbiin i sƆkninba, ku binba yien a b saa fit bann linba tan saa tun napo, laa lek tie damiit ni, kuo nan i daa tuun k tie Babilonn kpanbal! ¹⁰ K maan faaƆk sƆkninba manŋ kpanie, k saa te k siab n jii-i, k yaat saanani digbann nba fƆk nan i digbana bonciann, k lin k min bel nyinni, k b saa biili. ¹¹ ŋaan digbann nba tuo k sak Babilonu kpanbal mƆb, k sikin u mƆnŋ k tulƆ, n saa te l niib i be tinŋ ni kii ko; kaagbennu pak na. ¹² N pak ŋanne k tul Juda kpanbal sedasias a jii a mƆnŋ k tul Babilonn kpanbal, k sikn a mƆnŋ ŋua nan u niib tuann, k a saa la manfuƆl. ¹³ Bie k fin nan a niib saa kpo, tƆb ni nan kon nan yiali, nan kaagbennu nba n yinn u mƆb ni k tul digbana nba kan sikn b mƆnŋ Babilonn kpanbal buol na? ¹⁴ I daa gbiin sƆkninba nba piak nan i daa jiikt i mƆnŋ k tien Babilonn kpanbal na! K maan b sƆknti maame. ¹⁵ Kaagbennu mƆnŋe yet a: n k tunmi, a ŋaan b fae u sann ni, k tieni, l paak u saa bel nyinni, k bin kpi yienm nan faak sƆkninba manŋ. ¹⁶ N paak manntieb nan niib na kul nan kaagbennu yet a: i daa gbiin faak sƆkninba nba piak faak maann k yiena: kaagbennu ŋaak ni tuontun tiat b saa nyi Babilonne k baal nann mƆtana. ¹⁷ I daa gbiin b maami, jiin i mƆnŋ k tul Babilonn kpanbal k i saa la manfuol bie k duo na saa kpant langbenti? ¹⁸ Lii tie k b set tie bamƆni sƆkninba k set dia min kaagbennu maan, ŋaant na, k n daa te k mƆkint nba be kaagbennu ŋaak ni nan Juda kpanbal ŋaak ni nan Selusalem na, k b jikt k saa nann Babilonn. ¹⁹ K yabint kaagbennu pak k yet nan, u din nyik, tuota nan kutmƆnt nyunbuuk nan tot nan bonjaalia nba bial na duo na ni. ²⁰ Yuo nba k Babilonn kpanbal Nebukanedsal kpanbal Jekonia, wunba tie Jojakim bija na, nan Juda nan Selusalem tuanu danm kul, k saan nanm Babilonn. ²¹ Gbiintl linba k yabint kaagbennu, Islael tieb yennu piak k jiin mƆknt nba bial kaagbennu ŋaak ni nan Juda kpanbal ni nan Selusalem na po. ²² K b saa jii k saan nan Babilonn, kl sii be lenŋe nan maa tan ŋmant n dudukt l po yuo nba, k jen nan l binbebuol, min kaagbennue pak na.