1 K mɔmaan nyii Kaagbennu buol k baal jelemi; yuo nba k kpanbal sedesias tun malkija bija pasul, nan manntua sofoni wunba tie maaseja, bija na n buol; a bin yetin a: 2 Dinn, suklu, k pak nan kaagbennu k tult. k maan babilɔnn kpanbal Nebukadnesal luon wun faa tinm tɔb e; l k gal kaagbennu n tun u baktnaɔnŋ tuona ni yenn k tinnit k lin te k wun fɔkt nan tinm. 3 K Jelemi ŋmat k jiinm k yet a: Ii yet a sedesias yet a: 4 kaagbennu Islael tieb yennu yet a: N yaan fat a jatiat nba be a nuu ni k a dia k kɔn nan babilɔnn kpanbal saldean nae; n sa taan a jab na jatiat k puon duo na sunsuuk ni! 5 N saa tant n nuu nba mɔk oanŋ na, k kɔn nana, nan n wutuol kul. 6 N saa kpi sua kul nba be duo na ni, yialbiiuko saa kpi nisaalii nan bokobt. 7 Linba na puol poe, k kaagbennu yet a: fin sedesias nba tie Juda kpanbal na, nan a tuontuna nan niib nba saa nyi tɔb nan kon nan yialbiit ni na. N saa te k babilɔnn kpanbal Nebukadnetsal, nan u jab nba luon bin kpi-i na n suoli. k Nebukadnesal saa kpi-i U kan nyik i sua, k bia kan tinn sua ninbaaɔku, u tan kii mɔk ninkpabanŋ u. 8 K kaagbennu pakin, a man wann u buolu a: gant man. k jiin sɔnu nba saa manfuol ni; nan sɔnu nba saa kuun ni na po. 9 K wunba kul bial duo na ni, b tan saa kpiu nan jukbanjiake; kuo kon nan yialbiite saa kpiu. ŋaan wunba nyii duo na nanyel k jii u mɔnŋ k tul kaldean nba ji yent duo k kal na, b kan kiu, u saa tinn u manfuola. 10 K maan n lol maa n tien duo manŋ tonu e; k biilil, n saa jiil k tul Babilonn kpanbal, k wun juol muu. Kaagbennu n maat. 11 A pak kpanbal Juda ŋaatieb a gbiintl liba k Kaagbennu piak na! 12 K Kaagbennu maat Dafid ŋaatieb a: ŋaant k ŋantii tuun daal kul. fatl wunba k b ŋmaabua na, k nyinnɔ wunba ŋmaabua na nuu ni lii tie k i tuun nna; i biit nba k i tuun na saa donn n wutuol, k l sii di nan muu nba kaa kpiennu na k maan i nuantont tuona nba k i tuun na paak. 13 Duo nba kul kunkonn paak, tantialuk po na. N saa kɔnniwa Kaagbennu n maat ii yien a ŋmie saa si k k tan kɔn nani ni? k ŋmie saa fit kua t duo ni? 14 k kaagbennu yet a: Ii tuonbiit luana tie; min be yatie. N saa juo i ŋei muu, k l saa di kpab nan linba lintl.