¹ N nae kaagbennu pakin : ii saa , daan tant bobl , k ji niib na saakab nan manntieb saakab k pukin a mɔnŋ po . ² K a saan Benn Hinnom baauk nba bob maala tanmɔb na ni , k lenŋ , a saa mɔnt mɔmaan nba k nyan n yeta na ; ³ a saa yetb a : gbiintl maan kaagbennu mɔmaan , suuda kpanbala , nan yinm Selusalem niib , na e piak kunkonkonna kaagbennu , Islael yennu : gotl man , n saa t bonbil n baali paak lenŋ , wunba kul gbat kpinpakt k l kua u tuba ni gbanant sa jek . ⁴ B nyɔl nyik man , k kua lenŋ jaakiint , k maann bonnunubt malunŋ k tul yenganni nba bo k mi ŋanm , nan b baaba , nan b suuda kpanbala , k ji gbeen lenŋ nan niyanm sɔn . ⁵ B bia ma malunŋ binbinta k tul tingbann Baal , k jikt b waat k mann mujuonu malunnt , k juokt'b k tien tingbann Baal : lin nba k n bo k paak linpo kuo k diaani , linba k mi baal n dudukt ni . ⁶ L Paak kaagbennu yenn a : daa bat , sianmba k b yi Toofieth k l be Been Hinnonm baouk ni na , b tan saa yiin nikpinu baauk . ⁷ Lenŋ e k saa ŋmaat suuda nan Selusalem tieb lola , n saan t k binmba b datai nunm ni k b kpib nan juk-banjiai , k bia kubiinm bin nba k luon b manfuol na nii na , n saa ji gbanan kpiena k tul muk ni nuani nba yuk sanpaapo nan tinŋ ni bonkobt lin tien bi jet . ⁸ N saa ji li digbann li tie gbanan jekiint nan lat buol ; bin nba kul gaal l buol si b yal-lii tuk ni nan lin nba tien na . ⁹ N saa t b ŋman b bonjai nan b bonpoi gbanant , yenm saa ŋman b lieb gbanant , b datai nan binba k luon b manfuol sa bal lekb k mukl nan ninbatl si be b sinsuuk ni . ¹⁰ L yuo , a yiel bobl na , jab nba ka bo tuak saan nanm na ninbina ni . ¹¹ K a jii saa yet'ba : na e piak kunkonkonna kaagbennu : Lii si tie n nae k n sa bil duo na nan l niib , nan fa bil bobl bianŋnba na , li ji kan fit ŋmat tieni . K niib saa pii kpienm Tofef k wat lieb pak k maan tinŋ ka yial . ¹² Kaagbennu yet a : Lii si tie n nae kin sa tun tul l duo nan u niib nba kua lenŋ , k duo nan sii naan nan Tofef na . ¹³ Selusalem ŋei nnan suda kpanbaala ŋei si be jakint ni nan bonnunubt malunt nan saanpaapo nanlinbiit paak k b mann k mua daan k tienn k yib yensaani na . ¹⁴ Seelemi nyi Tofef k jen , sianŋnba k kaagbennu bo tunmɔ au sɔkin maan na . L puolpo k u saa be kaagbennu ŋaak baliintl ni , k yet niib na kula : ¹⁵ N Nae piak kunkonkonna kaagbennu , Islael tieb byennu : linba nae k n saa t k l bali : duonan doi nba liinti , n sɔkin nan bonbiil saa bali , k man i tuli waki k bia tie kangbata k k luon n gbiint n maan mi .