¹ Kaagbennu maan pakin nna: ² A kan jii puo, a bia kan maal bik l yialiŋ. ³ Nne kaagbennu piak bonjaï nan bopoï nba saa maal l yialiŋ bin naanba nan bin baa nba saa maalib l duo. ⁴ ŋiali saa kpib, b kan mƆb kuu paak b bia kan laa kaat, bin sie tie na tanpeŋ ne tiŋ na paak, juuk bonjiak nan konne saa kpib; bin kpiem sii tie na jiet nne paaponuani buol na tiŋ na paak bonkƆbit buol. ⁵ Klmaa nne kaagbennu paak: ii daa saa kuuŋaak, k mƆ, k mƆ nanm; k l maa n nyinn n yanduam b paaka kaagbennue mat, n ŋant nan n sukluu. ⁶ Bik nan saakua kul saa kpo l duo, b kan piib, b bia kan mƆ ŋanoo b kuun, k b kan kuolib. ⁷ B kan koli sua a wuu dii jiet kunŋaak sua bia kan tul sua myuu puo ko jua ii kpo. ⁸ A saa kua jaam ŋaakin, k kaal nam, k din k bia nyun nam. ⁹ Nne kaagbennu, Islael yennu pak: n saa sen l yial niy, pamann na kpinkpaamuk, ii mƆŋ nibinna saa laa l daal, puo kuant nan jaakuut ŋaani. ¹⁰ Yuo nba kaa saa pak niib maŋ l bonnkul, b saa paka man: l tie nlee kaagbennu tul tinm yubƆnna? Tin biil tie be? Tin tien biilant poe nan kaagbennu tin yennu? ¹¹ Kaa saa a: ii baa nba nyikin kaagbennu mat, b saan yennu faani buol, k gbaat b buol k dotib, k tann n po, kin k cƆln seni. ¹² ŋan ŋim iitien biit k cie ii baanba k sua kul tuu u yanbuame, k kin ceŋe. ¹³ N saa jii duo na niŋ k saan nani digbanfann duo nba yim nan ii baanba kul k ban; k leŋ ii sii dot yenlia ne yennu nan nyiƆk, k l maa n jii kan tiini nibƆk. ¹⁴ L paake tien daa baat kaagbennue mat, k ua jii kan mat a kaagbennu ba, ŋua nba nyin Islael waat Ejipt! ¹⁵ ŋan b sii yaa kaagbennu be yua nba nyiin Islael waat puol nan deii nba kul u dan belb! k jenam duo nba kin dan tul bin baa nbe na. ¹⁶ 16N saa lun jantakla kaagbennu mat, k bin lekib l pulpo min tun jungƆlma bin bel jua nan kunkona nan tanfait niŋ kul paak. ¹⁷ N nibina laat b sajƆkit, b kin bƆli n laatib k bia lat b iit kul. N daa sa tulb b biit pƆk l funu mun'e k l maa b bil n suo. ¹⁸ Klmaa b gbei n faal nan bin palaa nant nan jƆkint. ¹⁹ Kaagbennue tie n paŋ daakƆ nan n som tua, nan n bubƆl buol kunkƆne daal! niib saa nyin tiŋ na kul po k baal k ŋaa tin baanba dii saapat faale, nan pataa nba kan fit k tien. ²⁰ Nua saa fit k tien yennu ŋan l k tie yennu? ²¹ L paak n saa waanib mƆlana, n saa waanib n paŋ nan n fituu, bin saa bann nan sann tie kaagbennu.