¹ Kaangbennu paak nan , k b jelemie k jiin yenkuonu po . ² Juda be kuunmɔni ninŋ , k b doi be naan yetukin , k be palbilninŋ , k tie boncɔkna , k jelusalem wuyikni doo . ³ K sakaab tuun waat nyun kpaan , k waat saa bunbuna ni k kɔnŋ t nyun k ŋmat jent nan sɔkuana , nan palbiil , nan fei ni k ji nbakint b yuulaa . ⁴ Tinŋ kul , kman saak k baa tinŋ ninŋ k kpaala pala biil k b bakint b yuulaa . ⁵ Piolua manŋ tu maal k nyol k nyik u bik k duukin muamiok kaa . ⁶ Muukin boni se kunkonii paak k foii k ŋat nan waaii ne , k b ninbinaa dinŋ , k l man b k laat jeet . ⁷ Li tie k t biit ŋmat t paak , kaagbennu k t k ti bann t paalaa ni nana t bii la , k l maan t biit yaabt , Fii nee k t biilaa . ⁸ Fii ne k isael t k b tien dindaann o ninŋ . Fi ne nyint t mabaani ; be kan tie nan samua ne tinŋ ne ni k tie nan sonmtua nba tuu kua a win duaal nyuɔk ne ? ⁹ Be ka tie nan jua nba k b kpelua na ? be ka tie nan kunkɔnkɔnnua nba kaa yiiko k saa tinn nulua ne ? Kaagbennu k a setik be t sinsikin , k t yabtl a sann , daa nyiki . ¹⁰ Kaagbennu nba paak k jin l niib be ne , b luon bi tien ki saa n ne ki jient b k fit sob taa , kaagbennu k mɔk lol naanm , mɔla na b tiat b kuukpiint po k be biit , ¹¹ K kaagbennu paakin ma : Daa piakin nan man sonm niib na . ¹² Bii lekii lol mɔii , ŋaan n kan gbiint b mɔni nba jiin sonmil po , k bii le kii mann mujuonu piini nan jeet piini maluŋ k tulin ŋaan n paal kan manŋ paak . ¹³ ŋaan ne k n yet a , kaagbennu yomdaanuo gotl : a sɔkniiba ne yet niib ne a b kan laa kunkɔnn nan kɔnn . ŋaan a saa te l buol k laafia i be . ¹⁴ ŋaan ne k kaagbennu yet'n maa : faak sɔkniiba ne faa k sɔnkint n sann ni n k tuun ŋannika k tuuib mɔb ŋannika k paakib sial ii , ba laat linba k piok ne , b buunta ne tie bonŋannaa nba dukii k piak nk bill b paalaa k b sɔnkint ii . ¹⁵ L Paak ee , k kaagbennu paak a k tuu sɔkininba nba k nk tunm , ŋaan k b piak a tɔb nan kon kan baal tinŋ ne paak na . N saa kpiib nan tɔb nan kɔn , ¹⁶ K binba k b sɔnkin maan na k tuulb ne mun bia saa kpo k laal jelusalem sɔnu ni nan kɔn nan bonjiak b kan laa sua wun piibii , binba ne saa tun k tul b kulii linba tie be puob , linba tie b bonjai nan linba tie b bonpoi , n saa yat b paak bontonne . ¹⁷ Paak'm linba na: ninyuunt lun n ninbiina ninŋ yenun nan nyuɔk , k kan min set ,l man l buolu ninŋ bonuok nba dak baan jua , b faawu nan gbanne , k lo mal gbatua bonciann . ¹⁸ Mi saa kpaak ninŋ n tuu laa jaab nba k b kpiib nan bonjai , k mi kua duo ninŋ n laat niib k b kpone kɔ, K sɔkniba nan maantieb mɔnŋ lintl doi ŋan k mi ba saa siamba . ¹⁹ A sik yeet Juda e fabi ? a nalinŋ ji sion nan u be biit ninŋee ? biat paak ee k buoti m k laafia qui be t po ? k t ji k laat paakuu ? K I l lon laafia ŋaan k l k baat paalpienn yuo nba k t saa paa k ne ŋan k t be wolbukin . ²⁰ Kaagbennu t mi nan ti mɔk tuonuu , t fiit t tiɔnŋ nan ti yiijanm biit k l man t biit fin ne . ²¹ A san n paak , a da yeint , a daa baat nan sanbiuk yuudant nan paal; a daa tanmit , a daa polii mɔlol nba ka lol nan tim ! ²² tingbannaa na sua kaa k saa fit k tul saak , sanpaak mɔŋ kan fit te saak n baa . Fin kaagbennu yennu kua ee k t tiana t dindaann a ninŋ kman fii ne tien linba na kul