¹ Kaagbennu a tia daanɔ nba tuok, n kan fiit bu nan naa, ŋaan n luon kin paak ka man k jin a buut buunu po: bie tien k biit danm sɔni ŋan ni? bie tien bin nba ŋmab lieb be manu ni? ² A bulbe, k b baan jiina, k kpatil, k luon luana, b biak k jintib faanu, ŋaan k b paal fɔk nan naa. ³ ŋan, kaagbennu, a bannin, k laatin, k mii n pal ni maatie. be lin niib manŋ nan pei nba k b yaan kpik na, i cekint ki guu daal nba k b saa kpib. ⁴ N lie yuo yaa k t tinŋ na tan sii be palibonn ni, k kpaat muat kul tan saa kuuli? duo niib tonu paak, bonkobt nan nuani sii kpo ne b kan laa ti juotu. ⁵ Li tie kaa tiin nan bin nba soom k b tan baak, a saa tie lie k po nan taa nii? Lit tie kaa k daan kukon paak a sii be a yan ni, kaa saa tie nle ki siet juldin mɔkl kpinŋi. ⁶ Ki maan a baa nan ninjanm nan a ;naak tieb b ki luon a maan, k waa ki yikin a polpo, a ki mii nan b tan sii tie yɔkl nan nin. ⁷ N nyik n ŋaak, k nyɔl n faal, k nyik linba tie n faal k tul datai. ⁸ N faal tie n buol nan yanbɔl maa tuu be fɔl nin bia ŋ nba na, u yikin u yikini n paak, li paak e kin jii nan mɔ. ⁹ N faal jii tie nan nɔŋ nba k b jii u kuu tie jiet na. K kin katil mun mɔni sii tie jiet k baal u buol luoka kul po? I saa man, k tigil kpaat ni bonkob kul, k bin baal k tan ŋmanɔ! ¹⁰ bonkob kpaali bonciann biil n daanm tiini na waa, b biil n kpaab; b kpint n kpaab nba ŋan na k li tie k sial kaa leŋ. ¹¹ B kpint n kpaab manŋ kuu dua yann, u jii be paal bonniŋ e, l yal ŋan litɔ. K tinŋ na kul dua yan ŋan k sua k boi l po. ¹² Tinŋ nba dua yan na kul faatieb baat leŋ e, k man kaagbennu wutol do tinŋ na paak kpinŋ nan kpinŋ; nilɔ k be u yanni. ¹³ B buul dii ŋan jaan muat, b baak yanne. Fei mɔki nan yaa jaan linba, kaagbennu wuto buk paak. ¹⁴ K kaagbennu yet bin nba tie n kpiatin nba tuo nan na-ŋmee luo faal nba k tul n niib israel tieb na: n saa faat faal manŋ b tinŋ ni, k bia faat juda ŋaak b sunsuk ni. ¹⁵ Nan min fit faat, n bia sii mɔk ninkpabɔŋ nanm. k jiin sua kul u fal k jiin sua kul u tinŋ ni. ¹⁶ Bi tuo n niib jiantu, nan b paal kul, k pol n sann k yet'a kaagbennu nba fuo! nan baa din tumii n niib a bii pol tingbann baal na, b saa pol nan palpienn n niib susuk ni. ¹⁷ ŋaan bi ki gbaat n mɔb mi kaagbennu n saa biil b bolu, n saa biil b t ki b kpo.