¹ Yennu nba din pak nan Ose nba tie Beeli bijana, ki li yuo na Osia, Jonatan, Acas, Esekias, din tie Juda kpanbaala, k Jeloboan nba tie Joes bijana mun din tie Islael kpanbaal. ² Yennu din pak nan Ose sinsinn pak, Yennu din yet Ose a saant ki saa jii puo cunconn, nan waat nba ki bi cuomm ki malib na, ki man digbann na comm'e, ki niib na kul yet Yennu wa. ³ Ki Ose saan ki saa jii Dibilaim bi puo nba k u sann tie Gomel na ki u tie puo, ki u suol puol ki mal bonjak. ⁴ Ku yet Ose a pulin bik na saan Joseleel, ki man li kan wei ka nan man ŋmann islael kpanbal tulib, Yeja Jehu nba muan niib sɔn Jesleel na paak. N yaa man pot Jehu maalu naangbeouŋ nee. ⁵ Ki bia sinkin Islael kunkɔnkɔnna na paŋ, Jesleel baɔŋ na ni. ⁶ Ki Gomel bia ŋamm suol puol ki mal bonpuok, k Yennu bet Ose a pulin u sann Loluhama ki man nji kanmi wannn Islael tieb n lommi, kuo ki n yik_cabibi: ⁷ ŋaan n si mɔk lom nan Juda tieb min bi yomdaanŋ Yennu, saa sommib, ŋan n kan sommib taab ni ka , kuo ki jii jukibanjiak, kuo talibana nan pienii ka, kuo ki ji taami nan tanjakila ka ki sommibi. ⁸ Yuo nba Lohama, subil na, ki Gomel ŋamm suol puol, ki mal bonjak. ⁹ Ki Yennu bet Ose, a pulin u sann Loami Ki man Islael tiebe ki tie n niib, ki n mun ki tie bi Yennu. ¹⁰ ŋan mɔntana Islael tieb sii tie na mɔkil ni tanbinii nee, kuo ki sii yab kika kann, kuo bikinu, k yennu bielib, a i ki tie n niib, ŋaan yuo baat ki u tan saa yetib a yimme tie yennu nba fo na waate, ¹¹ Ki Juda tieb nan Islael tieb saa ŋamm taan mɔb. Bi tan saa gann tuandaanɔ yenɔkua bi tiɔŋ. Ki bi saa yabit ki bia mɔkt bi tiŋ ni. Mamɔmm, Jesleel daal si tie daajanne.